ميلله‌ت و ناسيوناليزم و
به‌رنامه‌ى كومونيزمى  
كريكارى

مه‌نسور حيكمت

..........

سه‌باره‌ت به‌ كێشمه‌كێشی ده‌سه‌لآت له‌ نێوان باڵه‌ تیرۆریسته‌كان له‌ رۆژهه‌لآتی ناوه‌ڕاست و فه‌له‌ستیندا

......

 بڕیارنامه‌ سه‌باره‌ت به‌ مالیه‌ی حیزب

.........

بڕياری سەبارەت بە حكومەتی فيدرالَی لە عێراق دا

-----------

بڕیار سه‌باره‌ت به‌ سه‌ربه‌خۆیی كوردستانی عێراق

----------

بڕیار نامه‌ سه‌باره‌ت به‌ ڕێگای ده‌رباز بوون له‌ هه‌لومه‌رجی ئێستای عێراق

-----------

بریار سه‌باره‌ت به‌ سیناریویی ڕه‌ش و ئیستراتیژی حزبی كۆمۆنیستی كرێكاری چه‌پی عێراق له‌ پێناو رزگاری خه‌ڵكی عێراق دا

 

E-mail us:

 info@socialismnow.org

 

رِاگه ياندنی دامه زراندنی

حيزبي كۆمۆنيستی كريَكاري چه پي عيَراق

 

 
 

حیزبی کۆمۆنیستی کرێکاری چه‌پی عێراق

سۆَشياليزم هه‌رئێستا

مەنسورحیکمەت لە ئەرشیفی مارکسیستەکان

---------------

حیزب و ده‌سه‌ڵاتی سیاسی

منسور حيكمت

................

مەنسوور حیکمەت کێ بوو؟

---------------

حیزب و کۆمەڵگا لە گروپی فشارەوە بۆ حیزبی سیاسی

منسور حيكمت

---------------

تـەرحي سازماندەي ي رابـەري حيزب

 منسور حيكمت

---------------

سيناريؤي رِەش، سيناريؤي سپي.      باسيَك دەربارەي رِەوەندي هەلومەرجي سياسي لە ئيَراندا

منسور حيكمت

---------------

بنەما ڕێکخراوەی یەکانی حیزبی کۆمۆنیستی کێرکاری

بنەمای ريكخراوەیی حيزبي كؤموَنيستي كريكاري ئيران

منسور حكمت

---------------

نه‌ته‌وه‌ په‌رستی ده‌بێ ببێته‌ به‌كارێكی شه‌خسی!
مه‌نسور حكمه‌ت

---------------

لاپەڕەی تایبەتی حەمید تەقوایی بەزمانی کوردی

.................

مەزهەب و حکومەتى ئینسانى- وەڵامى حەمید تقوایى بە چەند پرسیارێک لە گفتوگۆیەکى ڕاستەوخۆ و کراوەدا...وەرگێڕانى لە فارسیەوە : کاروان نەجمەدین

نه‌فیکردنه‌وه‌ی به‌ها هاویه‌که‌ ئینسانیه‌کان، نه‌فیکردنه‌وه‌ی ئینسانیه‌ته‌ڕه‌خنه‌له‌ فره‌ فه‌رهه‌نگی و نیسبیه‌تی فه‌رهه‌نگی  

 حه‌میدی ته‌قوایی

................ی گه‌ران قه‌یرانی واڵ ستریت  و پێویستی گه‌رانه‌وه بۆ مارکس !بۆ مرحەميد تەقوايی

---------------

سؤشياليزم عەمەلي يه چونكه ئينسانيه!

حەميد تەقوايی

---------------

هەلَبژاردن، كێشەی دەسەڵات و ئەَڵتەرناتيڤی كؤمؤنيزمی كرێكاری له عێراق دا

حەميد تەقوايی

---------------

ماڵه وه

ئيميل

ئەرشيف English عربي بــه ره و  سؤشياليـزم
كؤميته ي ناوه ندي ته له فزيوني سكيولار

ئه ندامه تی

 

بــهُ رهًُوسۆشیالیزم

بلاَوكراوهُُی حیزبی کۆمۆنیستی کرێکاری چه‌پی عێراق.ژماره‌73 22/03/2012

دەست لە کار کێشانەوەی بەرزانی و شکستی ئەزمونی ناسیونالیزمی کورد!!

ئەمڕۆ ٢٨\١٠\٢٠١٧ مەسعود بەرزانی بە نامەیەک بۆ پەرلەمانی کوردستان دەست لەکار کێشانەوەی خۆی لە سەرۆکایەتی کوردستان هەڵگرت، بە پێی نامەکەی دەسەڵاتەکانی هەواڵەی ئورگانەکانی پەرلەمان و حکومەت و دەزگای دادوەری کردوە. بەدوای خوێنەنەوەی نامەکەی بەرزانی شەڕ وئاژاوەو پێکدادان لە نێو پەرلەمانی کوردستان ڕووی دا، ئەو پەرلەمانەی کە زیاتر لە دوو ساڵە پەک خراوەو دەرگاکەی داخراوە. هێزەدەرگیرەکانی ناسێونالیزم لەناو پەرلەماندا ئێسکو پروسکی یەکتریان هاڕی هەرچی ناشرینیەکانی یەکتر بوو کێشایان بەسەر سەری یەکتردا. شکستی مەسعود بەرزانی شکستی هەموو ناسێونالیزمی کوردە.

بەییانامەی

حزبی کۆمۆنستی کرێکاری چەپی عێراق سەبارەت بە سەربەخۆێی کوردستان و ئەگەری شەڕ!!

وەک هەموو خەڵکی جیهان دەزانن خەڵکی کوردستان لە ٢٥ ئەیلول دا بە ڕێژەی زیاتر لە ٩٢% دەنگیان دا بەسەربەخۆی کوردستان و جیابوونە وە لە عێراق. بەڵام بەدوای ڕاگیەناندی ئەنجامی ڕفرانۆمەکەدا حکومەتی عێراق و پەرلەمان و دەوڵەتە دراوسێکانی کوردستان دەستاین دایە هەڕەشە کردن لە سەر خەلکی کوردستان وچەندان  قەرار لە پەرلەمان و حکومەتی عێراقەوە دەرچوو بۆ دانانی ئەبلۆقەی ئابوری و سەربازی و دبلۆماسی لەسەر کوردستان، بە عەمەلیش دەستیان داوەتە کارەکانیان هەردوو فڕۆکەخانەی نێو دەوڵەتی سلێمانی وهەولێریان داخست و لە هەوڵی داخستنی خاڵە سنوریەکانی نێوان ئێران و تورکیان بەرووی خەڵکی کوردستاندا. ١٣/١٠/٢٠١٧

بەییانامەی
حزبی کۆمۆنستی کرێکاری چەپی عێراق سەبارەت بە سەربەخۆێی کوردستان و ئەگەری شەڕ!!


وەک هەموو خەڵکی جیهان دەزانن خەڵکی کوردستان لە ٢٥ ئەیلول دا بە ڕێژەی زیاتر لە ٩٢٢% دەنگیان دا بەسەربەخۆی کوردستان و جیابوونە وە لە عێراق. بەڵام بەدوای ڕاگیەناندی ئەنجامی ڕفرانۆمەکەدا حکومەتی عێراق و پەرلەمان و دەوڵەتە دراوسێکانی کوردستان دەستاین دایە هەڕەشە کردن لە سەر خەلکی کوردستان وچەندان قەرار لە پەرلەمان و حکومەتی عێراقەوە دەرچوو بۆ دانانی ئەبلۆقەی ئابوری و سەربازی و دبلۆماسی لەسەر کوردستان، بە عەمەلیش دەستیان داوەتە کارەکانیان هەردوو فڕۆکەخانەی نێو دەوڵەتی سلێمانی وهەولێریان داخست و لە هەوڵی داخستنی خاڵە سنوریەکانی نێوان ئێران و تورکیان بەرووی خەڵکی کوردستاندا. 
 بەدوای ئەودا حکومەتی عێراق دەستی داوەتە لەشکرکێشی سوپا و پۆلیسی فیدراڵی ومیلیشا چەکدارەکانی حەشدی شەعبی بۆ سەر سنورەکانی کوردستان هەر ئێستا ئەگەری هەڵگیرسانی شەڕو هێڕشکردن هەیە بۆ سەر خەڵکی کوردستان، هێزەکانی پێشمەرگەو خەڵک لەوبەر سەنگەرەکانەوە لە ئامادەباشی ئەم جەنگە ناڕەوایەدان. 
١٥\١٠\٢٠١٧

بەییانامە لەسەر بەرپا کردنی ڕفراندۆم!!

کێشەی نەتەوایەتی بە سەربەخۆێی کوردستانی عێراق لە ڕیگای ڕفراندۆمەوە چارەسەر دەبێ!!

زوڵمی نەتەوایەتی لەسەر خەڵکی کوردستان لە چوار وڵاتی ڕۆژهەڵاتی ناوەڕاستدا( عێراق و ئێران و تورکیا و سوریا) مێژوویەکی دوورو درێژی هەیە کە نزیکەی یەک سەدەیە، دەیان کارەسات و کۆمەڵ کوژی و کاولکاری و دەربەدەری و ماڵ وێرانی بە دژی ئەم شوێنە کورد نشینانە لە ناوچەکەدا دروست کردوە، سەرباری قەدەغە کردنی بەکار بردنی زمانی دایکی و پۆشینی جل بەرگ وپراکتیک کردنی بۆنەکانیان. بەشێکی سەرەکی مێژووی هاوچەرخی ناوچەکە، ئەم زوڵم و زۆرداری و ئەم غەدرەیە. ئەم کێشەیە لە هەر وڵاتێکدا بە شێوەیەک چارەسەر دەبێ.

 

بۆچی پێویستە پشتیوانی لە جیابونەوەی کوردستانی عێراق بکرێت؟
حەمید تەقوایی
 

سیما بەهاری: بەم دوایانە مەسعود بەرزانی سەرۆکی هەرێمی کوردستانی عێراق ڕایگەیاند کە بە زوویی لە پێناو جیابونەوەی کورستان لە عێراق ڕیفراندۆم ئەنجامدەدات. لەداوی هێرشی دەوڵەتی ئەمریکا بۆسەر عێراق و ڕوخانی حکومەتی ناوەندی، کوردستانی عێراق لەڕوی وابەستەیی بە عێراقەوە لە سەربەخۆییەکی ئابوری و سیاسی و فەرهەنگی بەرفراوان بەهرەمەند بوو. لە هەلومەرجێکی ئاوادا نەخشە و داواکاری ڕیفراندۆم بۆ جیابونەوە لە عێراق دەتوانێت چ مانایەکی هەبێت؟
 حەمید تەقوایی: ئەم خواستە هەروەک کە ئاماژەت پێدا مەسعود بارزانی ڕایگەیاندوە. ئەو پێشتریش چەندجار ئەم بابەتەی هێناوەتە کایەوە بەڵام ئەمە بۆ یەکەمجارە کە هەردوو حیزبی دەسەڵاتدار یانی پارتی دیموکرات و یەکێتی نیشتمانی لەم بارەیەوە هاوڕابن. ئەمجارە مەسەلەکە بەشێوەیەکی بەرجەستەتر و بە هاوڕاییەکی زیاترەوە لە نێوان حیزبە دەسەڵاتدارەکانی کوردستانی عێراقدا هاتۆتەوە ئاراوە. لە ڕوانگەی ئەم حیزبانەوە پرسی جیابونەوە، هەرچەندە کە بەمشێوەیە ناوی دەبەن، کارتێکە بۆ گفتوگۆ و سازش و ڕێکخستنی پەیوەندیەکانیان لەگەڵ دەوڵەتی ناوەندی و هەروەها دەوڵەتانی تری ناوچەکە. بۆ ئەم حیزبانە پرسی جیابونەوە دەسکێکی فشارە لە پێناو بەدەستهێنانی بەشی زیاتر لە دەسەڵاتدا، و لەپێناو ئەوەی کە هەرچی زیاتر میلی تەرازوەکە لە قازانجی حکومەتی هەرێم و قازانجی خۆیاندا بشکێننەوە و قورستری بکەن. هەڕەشەی جیابونەوە زیاتر مانۆڕێکی دیپلۆماسی و تاکتێکی ئەحزابی ناسیونالیستی دەسەڵاتدارە لە پێناو بەدەستهێنانی زیاتری دەسەڵات و بەهێزکردنی جێگاوڕێگای خۆیان لە حکومەتی هەرمێدا. هەڵبەتە ئەو ئەگەرەش هەیە کە ئەم جارە بە واقعی ریفراندۆم ئەنجامبدرێت بەڵام ئەو ئەگەرە بەهێزترە کە ئەمجارەش بابەتەکە لە ئاستی مانۆڕێکی سیاسی و دیپلۆماسی واوەتر نەڕوات. .٨/.٦/٢٠١٧

 

دادگای قەرە قوشی کەلار ڕۆژنامە نوس ئارام بەختیار لە زینداندا دەهێڵێتەوە!!


دە ڕۆژ پێش ئێستا دادگای کەلار ئارام بەختیار پەیامنێری (NRT) ئێن ئار تی دەسگیر دەکات بە تۆمەتی بڵاوکردنەوەی ڕاپۆرتێک سەبارەت بەو کەسەی کە شیری منداڵ و دایبی دزیبوو و کە سزایەکی زۆر قورس زیندانی بەسەردا سەپێنرا. ئەمڕۆ جارێکی تر دادگای کەلار ڕێگەی نەدا ئارام بەختیار بە کەفالەت ئازاد بکرێ بۆ نۆ ڕۆژی تر لە زینداندا هێشتیانەوە. یاسا ناسان ئەوە دەڵێین هێشتنەوەی ئارام بەختیار هیچ پاساو و پشتیوانەیەکی یاسای نیە.
 زۆربەی قسەکەرانی کەناڵەکە پێێان وایە ئەم کەیسە خۆی مامەڵەیەکی سیاسیە و پەیوەندی نیە بە کەیسەکەوە نیە. واتە دادگا بووە بە دەسکەلای سەرکوت و جاو سورکردنەوە لە کەناڵەکە. 
٣١/٥/٢٠١٧

بڕێارنامە

 

بارودۆخی سیاسی عێراق لە سێبەری کێشمە کێشی هێزە جیهانیەکان و جەمسەرە ناوچەییەکاندا!!

 

 

١- کۆمەلگەی عیڕاق لە ساڵی ١٩١٩ وە لە دوای جەنگی خەلیجەوە، گۆڕا بە سەنتەری کێشمە کێش و جەنگ لە نێوان هێزە جیهانی و جەمسەرە ناوچەیەکاندا. جەنگی موصل یەکێکە لە دیارترین نمونەکانی ئەم جنگ و کێشمەکێشانەی هێزە جیهانی و ناوچەییەکان لە ناوچەکدا. ئەم جەنگە کۆتایی هاتنە بە بوونی سیاسی و دەسەڵاتدارێتی داعش بە وێنەی دەوڵەت، بەڵام ئەمە بە مانای کۆتایی هاتنی پێش بڕکێ و کێشمە كێشی نێوان هێز و دەستە و تاقمە دژ بەیەکەکان نیە.

 

٢-  بەڵام بارودۆخی ناوخۆی عێراق، کە جەنگ و پێک دادان و پێش بڕکێی هێزە ناسێونالستی- ئیسلامیەکان فاکتۆری سەرەکی بارودۆخی سیاسی عێراق پێک دەهێنێت تێیدا، وای کردوە تا ئێستا دەوڵەت و کۆمەڵگەی عێراق دور بخاتەوە لە دەوڵەت وکۆمەڵگەیەکی مەدەنی.29/5/2017

 

 کارەکانی کۆنگرەی چواری حزبی کۆمۆنستی کرێکاری چەپی عێراق سەرکەوتوانە کۆتایی هات !!

 

 

ڕۆژی شەممە ڕێکەوتی ٢٠ ئایار ٢٠١٧ کۆنگرەی چواری حزبی کۆمۆنستی کرێکاری چەپی عێراق لە بەغدا کۆتای هات بە ئامدەبونی زۆربەی نوێنەرانی حزب لە ناوەوە ودەروەی عێراق. هاوڕی حەمید تەقوایی لیدەری حزبی کۆمۆنستی کرێکاری ئێران و ژمارەیکی گرنگ لە ڕابەرانی کرێکاری و چالاکەوانانی سیاسی سۆشیالستی بە وێنەی میوان بەشداری بوون جێگاو ڕیگایەکی موهیم و هاوپشتیان لە سەرکەوتنی کۆنگرەدا گێڕا.

کۆنگرە بە سرودی ئینترناسێوناڵ و دەقەیەک ڕاوەستان لە پێنا گیانبەختکردوانی ڕیگای ئازادی وسۆشیالیزمدا دەستی پێکرد. هاوڕی سمیر نوری بە ووتەیەکی کورت دەست پێکردنی کۆنگرەی ڕاگەیاند و دەست خۆشی لە ئامادەبوان کرد ئیشارەتی بە گرنگی جێگاو ڕێگای کۆنگرەو بەستنی کۆنگرە دا لەم بارودۆخەدا. هەروەها ڕۆشنایی خستە سەر بارودۆخی کۆمەڵایەتی و سیاسی و داڕوخانی بارودۆخی ئاسیش و کۆمەڵایەتی و سیاسی عێراق، ئیشارەتی بەوەکرد کە چۆن ڕێگا گیرا لە هاوڕێیانی موسل تا بەشداری کۆنگرە بکەن نەهێڵرا موسڵ جێبهێڵن وبەشداری کۆنگرە بکەن و هەروەها ئیشارەتی بە خراپی بارو دۆخی خراپی گوزارانی کرد و هەروەها ئیشارەتی بەوەکرد لە هاوشانی ئەم بارودۆخە نالەبارە دا بزووتنەوەیەکی ناڕەزایەتی کرێکاری وبزووتنەوەی سکیولارستی ڕوو لە گەشە کردنە لە عێراقدا، تەئکیدی لەم فاکتۆرە گرنگە و دەوری حزب لە نێو ئەم بزووتنەوە کۆمەڵایەتیە گەوریەدا کردەوە. ٢٩/٥/٢٠١٧

 

 

تەنها سۆشیالیزم ڕێگا چارەیە!!

پیرۆز بێت یەکی ئایار ڕٶژی جیهانی چێنی کرێکار!!

ئەگەر لە شٶڕشی گەورەی فەرەنساوە تا کۆمۆنەی پاریس بە سەردەمی شٶڕشی بۆرژوازی ناسراو بووبێ، ئەوە لەسەر زمانی  ڕابەران و دامەزرێنەرانی کۆمۆنیزمەوە ئیتر لەم سەردەمە بە دواوە بە سەردەمی شٶڕشە پرۆلیتێرەکان ناسراوە.  سەردەمێک کە ئیتر هەردوو چینە سەرەکیەکەی نیزامی سەرمایەداری لەبەرامبەر یەکدا لە ئاستی جیهانیدا ڕاوەستانەوە بە دژی یەک و بە ئامانجی جیاوە ، ئەو سەردەمە کۆتایی هات کە بەرژەوەندیەکانی کرێکاران و بۆرژوازی لە شوێنیکدا یەک بگرێتەوە، یان بە مانایەک ئاڵ وگٶرەکان لەبەرژەوەندی هەردوو لا بێت.

جێنی کرێکار لە شٶڕشێکی مەزندا لە ڕوو بەڕوو بوونەوەیەکی سیاسیدا بەسەر بۆرژوزیدا سەرکەوت، شٶڕشی مەزنی ئۆکتۆبەری بەرپا کرد، بەڵام بۆرژوازی توانی ئەم شٶڕشە لە بار ببات و شکستی پێ بهێنێ ، ئەم شكستە هێندە سەنگین بوو تا ئێستاش ئاسەوارەکانی قورساییان لەسەر جێنی کرێکار  وکۆمنیزم بە جێ هێشتوە. ٢٨/٠٥/٢٠١٧

هێڕشی ئاسمانی دەوڵەتی فاشستی تورکیا بۆ سەر کوردستان مەحکوم دەکەین !!

ڕۆژی سێ شەممەی ڕابردوو فرۆکەکانی دەوڵەتی تورکیا لە چیای قەرچوغ و لە نزیک شەنگال و کانتۆنی جەزیرە، کوردستانیان بوردومان کرد و سەرنجام نزیەکەی ٢٠ چەکداری یەپەگە کوژران و لە دیوی کوردستانی عێراقیش پێج  پێشمەرگە و ئاسایشێک کوژراون و چەند هاوڵاتیەکیش کوژران و بریندار بوون سەرنجامی بوردومانەکە، تورکیا ئیدعای ئەوە دەکات ئەو بوردومانی پەکەکە و یەپەگەی کردوە مەبەستی ‌هێزی پێشمەرگە نەبووە.٢٦/٠٤/٢٠١٧

گەشەکردن و ئاوابونی سکۆلاریزم!

حەمید تەقوایی

بەدواداچونێک بۆ ئابوری سیاسی ڕێژەگەرایی(نسبیەت) و جیهانشمولی(Universalism)

سکۆلاریزم یەک دەستکەوتی دەورانی مۆدێرنە و یەک کۆڵەکەی کۆمەڵگەی مەدەنییە. بەڵام ئەمڕۆ ئێمە لە سەردەمی پۆست – مۆدێرنەدا ژیان بەسەردەبەین. سەردەمی نکۆڵیکردن لە بەها جیهانشمولیەکان! لە ڕوانگەی سیاسی – کۆمەڵایەتییەوە سکۆلاریزم چیتر لە جەرگەی ئەسڵی کۆمەڵگەدا نییە، ئیتر لە ئۆپۆزسیۆندایە. بیروباوەڕێکە کە ئیتر دەبێ جارێکی تر لە پێناویدا بجەنگیتەوە.

بە گشتیش ئەم کێشەیە بەهەمان شێوە سەبارەت بە کۆمەڵگای مەدەنیش ڕاستە. کۆمەڵگای مەدەنی دامەزراوە - یان بڕیاربوو کە دابمەزرێت - لەسەر بنەمای مۆدێرنیزم، یاسا مەدەنیەکان و دەولەت و وڵات، لە بەرامبەر کۆمەڵگا دینی – قەومی – دەستەوتاقمەکانی سەدەکانی ناوەڕاستدا. هاوڵاتیان – لانی کەم لەڕویی یاساییەوە – ئەندامانی یەکسانی کۆمەڵگە لەبەرچاو بگیرێن بەبێ لەبەرچاوگرتنی  دین و قەومیەت یان زەمینەو پاشخانی فەرهەنگیان.

لە ڕوی سیاسیەوە یاسای زێڕینی دیموکراسی بریتی بوو لە یەک تاک (یان یەک هاوڵاتی) یەک دەنگ، یەک کۆمەڵگا و یەک یاسا. بەڵام چیتر بەم شێوەیە نییە. پۆست مۆدێرنیزم ئەم بۆچونەی قبوڵ نییە. ئێستا کۆمەڵگای تێکەڵە لە ناسنامە جیاوازەکان لەسەر بنەمای دین و دەستەوتاقمی قەومی لەبەرچاودەگیرێت و دەوڵەت و حکومەت وەک یەک هاوپەیمانی وەیان پێکهاتەیەک لە سەرانی ئەم دەستەوتاقمانە پێناسە دەکرێت.  

بە ناونیشانی یەک نمونە لە عێراقدا لە دەیەی ڕابردودا پێکهاتەی دەوڵەت و دامودەزگای دەسەڵات بە فەرمی بریتی بوو لە سەرۆک کۆماری کورد، سەرۆک وەزیرانی شیعە، و سەرۆکی پەرلەمانیش سونی بوو. کوردستانی خودموختاریش لە باکوری عێراق لەژێر دەسەڵاتی دوو حیزبی بنەماڵەیی و خێڵەکی کورد دا بوە. ئەم پێکهاتەیە ئاکامی یەک بەندوبەست و ڕێکەوتنی فەرمی نێوان دەوڵەتی ئەمریکا و هاوپەیمانەکانی لەگەڵ دەستەوتاقمە دینی و قەومیەکانی دەورەی دوای ڕوخانی سەدامە. (ئێستا بە پەیدابونی داعش ئەم هاوسەنگیە تێکچوە و دەوڵەتی ئەمریکا هەوڵ دەدات بە زیادکردنی جورعەی بەعسی – سەلەفی بۆ ئەم تێکەڵەیە و بەهۆکاری توندبونەوە ئەم کێشەیە چارەسەر بکات)! لە بارەی ئەفغانستانیشەوە داستانی لۆیاجەرگاش هەر بەهەمانشێوەیە. ٢٦/٠٤/٢٠١٧

 

نا بۆ پێشێل کردنی ئازادی دە بڕین و بیر وباوەڕ!

سەرکۆنەی بێ حورمەتی بە کەسایەتی فەرهاد پیرباڵ دەکین!!

 

ئەمڕۆ ڤیدیویەک لە میدیاکاندا بڵاوبوەتەوە کە دوو کەسی چەکدار کەوتونەتە لێدان و سوکایەتی کردن بە بەڕێز فەرهاد پیرباڵ لە ناوەڕاستی شاردا لە ناو ئاپۆڕەی خەڵکدا، زۆر بێ شەرمانە و بێ ئابڕوانە پەلاماری دەدەن  بەبێ ئەوەی کەسێ نقەی لێەوە بێ و بە جواب بێت لەم دەستدرێژە بۆ سەر کەسایەتی فەرهاد پیرباڵ.

فەرهاد پیر باڵ هەرچیەکی ووتبێت و هەر ئاخاوتنێکی دابێ ئازادە و ڕەئی خۆی دەربڕیوە، ئەوانە بە قسەکانی و دەربڕێنەکەی ئەو ناڕازین دەتوانن لەو توندتر قسە بکەن و وەڵامی بدەنەوە. بەڵام کەس بۆی نیە حورمەتی کەسێکی تر بشکێنێت، کەڵگایەتی بەسەر کۆمەڵگەدا بکات، چاوی سور بەکۆمەڵگە پێشان بدات. ئازادی دەربڕین واتە ئازادی ڕەخنە گرتن و هیچ شتی وهیچ دام دەزگایەک و هیچ دین و بیرو باوەڕیک وهیچ کەسایەتیک مەقەدەس نیە، خەڵک ئازادن ڕەخنە لە جێ دەگرن لە چی ناگرن، ئازادی دەربڕین یانی ئازادی ئینسان،12/04/2017

 

بەییانامەی حزبی کۆمۆنیستی کرێکاری چەپی عێراق سەبارەت بە ڕیفراندۆم و سەربەخۆی کوردستان!!

 

مەسەلەی بەرپا کردنی ڕفراندۆم بۆ سەربەخۆی کوردستان ئەوە بۆ زیاتر لە هەفتەیەک دەچیت بووەتە یەک مەسەلەی داغ لە کوردستانی عێراق و سەراسەری عێراقدا. بەپێی هەواڵەکان هەردوو مەکتەب سیاسی یەکیتی نیشتمانی کوردستان وپارتی دیموکراتی کوردستان لەسەر ئەوە ڕیکەوتون کە ڕیفراندۆم ئەنجام بدەن بۆ " دیاری کردنی مافی چارەی خۆنوسین" یان بۆ سەربەخۆیی کوردستان بە دوای ئەوەشدا لەگەڵ لایەنە سیاسیەکانی تردا کەوتونەتە قسە وباس کردن و ئەمڕۆ شاندێکی باڵای هەدوو حزبەکە چونەتە بەغدا بۆ قسەو باس لەسەر ئەم بابەتە. کە دیارە هاوکات هەڵکردنی ئاڵای کوردستان لە کەرکوک هەڵایەکی زۆری ناوەتەوە.

سەرەڕای ئەوەی ئێمە پێمان وایە حزبە ناسێونالستیە کوردیەکان بە گشتی و یەکێتی و پارتی بەتایبەتی بەرپا کردنی ڕیفراندۆم بۆ سەربەخۆێی کوردستان وەک یەک وەرقەی فشار بەکار دەهێنن بۆ مامەڵە و دەسکەوت و بەشی زیاتر لە دەسەڵات لە گەڵ بەغدا لەبەرامبەر دەوڵەتەکانی ناوچەکە وئەوان خەریکی تاڵان و بڕۆی خۆیانن. بەکاربردنی چەمکی "دیاری کردنی مافی چارەنوس" لە جایتی مافی سەربەخۆیی خۆی دەلێلی ناجدی بونی ئەوان پێشان دەدات، هەروەها دەنگدانی زۆربەی خەڵکی کوردستان لە هەڵبژاردنەکانی عێراق لە یەکەم هەڵبژاردنی عێراقدا بۆ جیابوونەوە و گوێ نەدانی ناسێونالیزمی کورد بە ڕەئی خەڵکی کوردستان و ڕێک کەوتن لەگەڵ هێزە کونەپەرستەکانی عێراق ئەوەی سەڵماندوە. ئێمە پێمان وایە ڕیفراندۆم و سەربەخۆیی کوردستان خۆی پرۆسەی ڕزگاری خەڵکی کوردستانە لە دەسەڵاتی ناسێونالیزمی کورد ونەک قایم کردنی دەسەڵاتی ئەوان.٠٦/٠٤/٢٠١٧

بەییانامەی حزبی کۆمۆنستی کرێکاری چەپی عێراق، لەسەر هەڵکردنی ئاڵای کوردستان لە کەرکوک!!

نا بۆ خۆتان، نابۆ ئاڵاتان ، نا بۆ ئەزمونی شکست خواردوتان، نابۆ ناسێونالیزم و تەفەرقەی قەومیتان!!

ئەوە چەند ڕۆژێکە لەلایەن حزبە ناسێونالستیە کوردیەکانی شاری کەرکوکەوە هەڵکردنی ئاڵای کوردستان لەو شارە کراوەتە بڵقێکی گەورە لە فەزای بارگاوی شاری کەرکوکدا و ڕۆشن نیە سەرنجامەکەی بە کوێ کۆتایی دێت. هەڵکردنی ئاڵای کوردستان لە سەر دام دەزگاکانی شاری کەرکوک کراوەتە بابەتەێکی داغ، لە کاتێکدا هیچ پاساوێک بوونی نیە بۆ ئەم گەرم کردنەی تەنوری نەعرەتەی قەومی و دەمارگیری و هەڵخڕاندنی ئیحساساتی ناسیونالستی و فاشستی لە شارەکەدا.

هەر ئەمە وایکردوە حکومەتی عێراق ڕایبگەیەنی موچەی فەرمانبەرانی شارکە دەبڕێت و خەڵکی هەژاری ئەم شارە ئەوەندەی تر توشی نەهامەتی دەکات، هەموو خەڵکی ئەم شارە زۆر باش دەزانن کە نەوتی کەرکوک لەلایەن پارتی و یەکێتیەوە دەدزرێت و بە تاڵان دەبرێت و خەڵکی ئەم شارە لە کەمترین پێداویستی مەحرومن، ئەوان بەم کارە دەیانەوێ تاڵان و بڕۆی نەوتی شارە کە بشارنەوە، هەرچۆن لە سەراسەری کوردستان نەوت و غازەکەی دەفرۆشن و سەرجەم خەڵکەکەی بێ بەش و مەحروم و بێ موچەن.٢٩/٠٣/٢٠١٧

بەییانامە لەسەر ڤیدیوی ئەو ژن و پیاوەی کە لە فەیس بوکدا بڵاو بوەتەوە!!
حکومەتی هەرێم بەرپرسیارە لەژیانی ئەو ژنەی لە ڤیدیوکدا دەردەکەوێ!!

ئەمڕۆ فلمێکی کورتی ڤیدیویی لەسە فەیس بوک بڵاو بوەتەوە ، لە ڤیدیوکەدا ژن و پیاوێک دەردەکەون و پیاوەکە ڤیدیوکەی گرتوە دەڵی ئەو ژنەی لەگەڵێتی ژنی ئەوەو دوای دوو شەو لەگەڵیدا خەوتوە و ئەوپەردەی کچێتی نەبوە. ژنەکە لەوپەڕی شەڵەژاوی وترس دایگرتوە، دەیان کەس و چالاکی مودافیع لە ژنانی هێناوەتە قسە، ئەو پیاوەی ئەو پارچە ڤیدیویەی بڵاو کردوەتەوە هەر مەبەستێکی هەبێ کارێکی زۆر بێ شەرمانەو درندانەی ئەنجام داوە. 
هەموو خەڵکی کوردستان دەزانن ئەم کارە چی کارەساتێکی لێدەکەوەێتەوە کوردستان لە ٢٦ ساڵی ڕابردوودا سەدان کارەساتی دڵ تەزێنو دڕندانەیان بینیوە بە دژی ژنان و دوعاکان و پرشنگەکان و دونیاکان و خەڵتانی خوێن کراون و بکوژەکانیان ئێستاش بە ئازادانە و سەرشۆڕانە لە ناو کۆمەڵگادا دەسوڕێنەوە. ناسێونالیزمی کورد بە حزبەکانی وکەسایەتیەکانی و حکومەتەکانیەوە، شەریکی ئەم تاوانەن و دەستیان بە پشتی ژن کوژاندا هێناوە.
١٨\٣\٢٠١٧

 

سۆشیالیزم چیە و چۆن چۆنی لە توانادایە؟


 

حەمید تەقوایی
شەهلا دانشفەر: کاتێک دەڵێین شۆڕشی سۆشیالیستی، ناوەرۆکی ئەو شۆڕشە و تایبەتمەندیەکانی چییە؟ تێڕوانینی ئێوە بۆ سۆشیالیزم چییە؟
حەمید تەقوایی: شۆڕشی سۆشیالیستی، شۆڕشێکە لە پێناو حورمەت و ڕزگاری مرۆڤدا. ئێمە دەمێکە ڕامانگەیاندوە کە بناغەی سۆشیالیزم مرۆڤە. ئەڵبەتە ئەو سۆشیالیزمەی کە ئێمە دەیڵێین، کۆمۆنیزمی کرێکاریی دەیڵێت. ئەزانم کە لەژێر ناوی سۆشیالیزمدا زۆر کاریان کردوە لە جیهاندا... بەڵام ئەو سۆشیالیزمەی کە ئێمە حیزبمان بۆ پێکهیناوە و شەڕی لە پێناودا ئەکەین وە لە بەرنامەی "دنیایەکی باشتردا"ڕونمانکردوەتەوە، بناغەکەی مرۆڤ و مرۆڤایەتییە. وە لە کۆتاییدا شۆڕشی سۆشیالیستی شۆڕشێکە کە دەیەوێت مرۆڤەکان بەمانای فراوانی ئابوری، کۆمەڵایەتی، ماف، یاسایی و فەرهەنگی ڕزگار بکات. دەیەوێت مرۆڤ لە هەڵاواردن، نایەکسانی، لە بێمافی وبێڕێزی ڕزگار بکات. شۆڕشی سۆشیالیستی، تەنها شۆرشێکە کە دەتوانێت ئەو نەخشە بگێرێت، چونکە لە ماوەی ڕابردودا شۆڕشگەلێکی جۆراوجۆرمان هەبووە. بۆنمونە وڵاتێک شۆڕش دەکات بۆ ئەوەی زنجیری داگیرکەر (ئیستیعمار) بشکێنێت و هەروەک دەڵێن سەربەخۆ بێت لە وەڵاتی داگیرکەر، یا وڵاتێک شۆڕش دەکات وەک ئەفریقای باشور دژ بە هەڵاواردنی نەژادی لەپێناو ئەوەی کە ڕەشپێستەکان مافی دەنگدان بەدەستبهێنن و بە ناونیشانی هاوڵاتی بە فەرمی بناسرێن، وە وڵاتێک شۆڕش دەکات لە پێناو ئەوەی دواکەوتوییەکانی کۆمەڵگای دەرەبەگایەتی بنێتەلاوە و بچێتە ناو دنیای سەرمایەدارییەوە. ئەوانە بەدڵنیاییەوە هەنگاوگەلێکن بۆپێشەوە و خواست و داواکاریگەلێکی ڕەوا ئەخەنە ڕوو، بەڵام لە کۆتاییدا ئەم شۆڕشانە بە شیوەیەکی گشتی، مرۆڤ و بەرژەوەندی و خواستە مرۆییەکان ناکەنە بنەما و چەقی کاریان، بەشەێک لە کۆمەڵگە با وایدابنێین کە لەپێناو بەدەستهێنانی ماف وئازادیەکان یان دیموکراسیدا یان پاشەکشەکردن بە دواکەوتویەکانی دەرەبەگایەتی، شۆڕشیان بەرپاکردوە، وە شۆڕشگەلێک کە لە دوسەد یا سێسەد ساڵی ڕابردودا بینیومانن، شۆڕشگەلی لەم جۆرە بون. کاتێک ئێمە باس لە شۆڕشی سۆشیالیستی ئەکەین، واتە شۆڕشێک کە ئەیەوێت کۆتایی بهێنێت بە تەواوی مێژوی هەڵاواردن و نایەکسانی کە بنەماو هۆکارەکەی دەگەڕێتەوە بۆ هەبونی چینەکان لە کۆمەڵگادا، وە بەوتەی مارکس ئەیەوێت مێژوی ڕابردو کۆتایی پێبهینیت و پێبنێتە ناو "مێژوی مرۆڤایەتییەوە"، "مێژووی مرۆیی کۆمەڵگای مرۆڤایەتی". وە لە ڕاستیدا شۆڕشیک کە مرۆڤ و مرۆڤایەتی بکاتە بنەما وچەقی کۆمەڵگا، بنەما وچەقی سیاسەت، ئابوری و بەگشتی بنەمای بەڕێوەبردنی هەموو کاروبارەکان و جگە لەمە هیچ شتێکی تر نەکاتە بنەماو پێوەر. لە کاتێکدا لە کۆمەڵگای سەرمایەداریدا بەگشتی تەنها "قازانج و سود" بنەما وچەقی سوڕانەوەی چەرخی ئابورییە و پێوەر تەنها بەدەستهینانی قازانج و سودە.08/03/2017

 

جەنگی نێوان  پەکەکە و پارتی جەنگی خەڵکی زەحمەتکێشی کوردستان نیە، مەحکومە!!

 

دەنگۆی شەڕی نێوان پەکەکە و پارتی دیموکراتی کوردستان کە ڕۆژ لە دوای ڕۆژ کورەکەی زیاتر بۆ گەرم دەکرێت، سەرانی هەردوو حزب وتارو راگەیاندنی ئاگرین بە دژی یەک بڵاو دەکنەوە پیی دەچیت پێ نابێتە ئاستی ڕودانیەوە و هەموو کۆمەڵگەی کوردستان بە ترس و دڵە ڕاوکێیەوە تەماشای ئەم سیناریوە دەکەن. نێچیرڤان بەرزانی ووتویەتی "بە بڕوایەكی تەواوەوە دەڵێین پەكەكە دەبێ شنگال جێبهێڵێت و بۆ دەركردنیان پەنا بۆ هێزی سەربازی دەبەین" و پەکەکش دەڵیت شەری شەنگاڵ دەکیەنە شەرێکی سەراسەری. هۆی ڕاگەندراوی ئەم جەنگە دەرکردنی پەکەکەیە لە شەنگال، بەڵام هۆ ڕانەگیەنراوەکەی پێ دەچێت جێ بەجێ کردنی ئەجەندای دەوڵەتانی ناوچەکە بێت بەتایبەت تورکیا، حکومەتی عێراق هێزە ناوچەیەکانی تر. ٣٠/١٢/٢٠١٦

قەیرانەکانی کوردستانی عێراق بە ڕوخانی دەسەڵات چارەسەر دەبێ!!

 

کوردستان ئەوە بۆ سێ  ساڵ دەچێت بە قەیرانێکی قوڵ و هەمەلایەنەدا تێدەپەڕی و ڕۆژ لەگەڵ ڕۆژ بارودۆخی کوردستان بەرەو خراپی دەڕوات. دروست کردنی حکومەتی بنکە فراوان کە هەرپێنج حزبەکە دروستیان کرد بۆ بێدەنگ کردنی خەڵک و خەفە کردنی ١٧ شوبات و ڕێگرتن لە دووبارە نەبوونەوەی، نەک نەیتوانی چەند ساڵێکی ئارام و بەدەست بێنێ بۆ بورژوازی کرد، بەڵکو ناسیونالیزمی کورد و حزبە ئیسلامیەکانی نوقمی ئەوپەڕی قەیرانی سیاسی و ئابوری کردەوە. ناسیونالیزمی کورد پەرلەمانە کارتۆنیەکەی خۆیان داخست و حکومەتەکەیان فەلەج کردو هەریەکە لە ناوچەی نفوزی خۆی خەریکی دەسەڵاتدارێتیە، ئێسک و پروسکی یەکتر دەهاڕن و ئابڕووی یەکتری دەبن.

ئەم قەیرانەی ناسێونالیزمی کورد لەبەرامبەر زۆربەی هەرە زۆری خەڵکی کوردستاندا هاتوەتە ئاراوەو ئەمانە ئیتر ناتوانن دەسەڵاتی خۆیان بەسەر خەڵکدا داسەپێنن و خەڵکی چیتر ئامادەنیە بەناوی کورد و کوردایتەیەوە تاڵان و بڕۆی سەروەت و سامانی کۆمەڵگە و هەژار کردن و مەحرم کردنیان قبوڵ بکەن، زانکۆ و قوتابخانە و گەرەک و شەقام بووەتە سەکۆی تێکۆشانی خەڵک بە دژی زوڵم و زۆری فیرعەونەکانی کوردستان.

 

 

هۆکار و پەیامەکانی هەڵبژاردنی ترامپ!
 

حەمید تەقوایی

 


 

کەیوان جاوید: ترامپ بە پێچەوانەی تەواوی ڕاپرسیەکان بە سەرۆک کۆماری ئەمریکا هەڵبژێردرا، هۆکاری ئەمە چییە؟
حەمی
د تەقوایی: ترامپ کەسیێکە کە ڕاستڕەوترین سیاسەت و ڕاسیسترین بۆچۆن دژ بە ژنان و پەناهەندە و ڕەشپێستەکان نوێنەرایەتی دەکات وە هەر بەم دەلیلە جێگای بێزاری زۆربەی زۆری خەڵکی ئەمریکایە و ڕاپرسیەکان وایان نیشاندەدا کە هەڵنابژێردرێت. بەپێی رێژەی دەنگدەرانی سەراسەری کلینتۆن دەنگی زیاتری هێنا بەڵام بەهۆی ئەوەی کە سەرۆک کۆماری ئەمریکا بەپێی سیستیمی هەڵبژاردنی بازنەیی و ژماری نوێنەرانی ویلایەتەکان دیاری دەکرێت لەسەر ئەم بنەمایە ترامپ هەڵبژێردرا. بەڵام تەنانەت لەسەر ئەم ئاستەش کەسانێک کە دەنگیان بە ترامپ دا لە بنەڕەتدا دەنگیان نەداوە بە ڕاسیزم و بابەتە دژە ژنی و دژە بیانیەکانی ئەو. ترامپ بە ناونیشانی نوێنەر و هۆکاری ئاڵوگۆر خۆی پێناسەکرد. لە پڕوپاگەندە و بابەت و قسەکانیدا دژ بە سیستیمی حکومەتی خۆی نیشاندەدا، بە وتەی خۆی دژی "زەلکاوی واشنگتۆن" و دژ بە سیاسەتمەدارانی کۆنەکار بوو لە هەردوو ڕابەرایەتی حیزبی دیموکرات و کۆماریەکان و بانگەشەی ئەوەی دەکرد کە ئەم لەدەرەوەی سیستمەکەیە، کاری سیاسی نەکردوە و پلەوپایەکی سیاسی نەبوە و بەم پێیە دەتوانێت سیستم بگۆڕێت و "زەلکاوەکە وشک بکات" و چەندانی تر. بەبۆچونی من دەنگدان بە ترامپ یەک دەنگدانی سلبی ونێگەتیڤ بوو کە ناڕەزایەتی و بێزاری بەرفراوانی خەڵک لە وەزعی ئێستا نیشاندەدات. ئەمە هۆکاری بنەڕتی هڵبژارنی ترامپ بوو. ١١/١١/٢٠١٦

چ پەیوەندیەک لە نیوان ئازادی بێقەید و مەرجی بیروباوەڕو ڕەخنە لە بیروباوەڕی مەزهەبی بونی هەیە؟ ئایا ئەمانە لەگەڵ یەکدا ناکۆک نین؟

 

حەمید تەقوایی: ئازادی بێقەید و مەرجی بیروباوەڕ تا ئەو ڕادەیە بۆ ئێمە گرنگە کە خەبات لە دژی مەزهەب وەک یەک بیروباوەڕهەیەتی. سەیرکەن ئازادی بێ قەیدو مەرج لە مێژودا کاتێک هاتوەتە مەیدان کە ئاتەئیستەکان ویستیان بە ئاشکرا ڕەخنە لە خوداو مەزهەب بگرن و ڕەتیبکەنەوە. ئەگینا ئاخوندەکان و ئایندارەکان بەدرێژایی تەمەنیان ئازاد بون، قسەی خۆیان کردوە، لە پاپای فاتیکانەوە بیگرە تا کڵێسای ئەرتۆدۆکس تا یەهودیەکان و بوزیەکان و ئەوانی تر بە پیرۆزیەکانیان دنیایان لەسەر سەری خۆیانداناوە. تەواوی  بیرو هۆشی خەڵکیان ژەهراوی کردوە و هەمیشە هەر ئازاد بوون و هەمیشە پیرۆزیش بوون، بەردەوام دەمارگیر و دوگم بون وهەمیشەش دەوڵەتەکان و میدیاکان وفەرهەنگی فەرمیش بەرگری لێکردون. چینی کرێکار کاتێک ئەڵیت ئازادی بێ قەید ومەرجی بیروڕا  لەبەرئەوەیە کە دژە ئاینەکانیش بتوانن قسەی خۆیان بکەن. ئازادی بێ قەیدو مەرج لە ڕویی میژوییەوە بەکردەوە واتە ئازادی خەباتکردن لە دژی مەزهەب، واتە ئازادبونی دژە ئاین بون، وەئەگەرنا  ئەوانەی تر هەمویان هەر هەبون. خۆ باسی ئازادی ڕادەربڕین سەبارەت بە ئاو هەوا نەبووە! یان سەبارەت بەمەسەلەی  پیرۆزنەبون  وتاپۆ نەبون نەبوە. ئازادی سەبارەت بەو بابەتانە هەمیشە هەبووە .کێشەکە لەبنەڕەتدا سەبارەت بە ڕەخنەگرتنە لە ئاین. منی ئاتەئیست و دژی ئاینیان هەمیشە سوتاندوە، زمانیان بڕیوم وە لە داگای "پشکنینی بیروباوەڕ" دا لە داردراوم لەبەر ئەوەی کە بۆ نمونە وتومە زەوی بەدەوری خۆردا ئەسوڕێتەوە! ئەوەشی کە باوەڕی بە پێچەوانەی بابەتەکە بووە بۆئەوە بوە کە ویستویەتی پاپای فاتیکان و مەسیحیەت وەک ناوەندی جیهان بمێننەوە و بڕیاربدەن کە من بەزیندویی بسوتێنن!٠٣/١١/٢٠١٦

 

 

هێرش بۆسەر موسڵ و گرنگی و پەیامەکانی!


گفتوگۆی کەناڵ جەدید لەگەڵ حەمید تەقوایی..


کاظم نیکخواە: ئەمرۆ باسێکمان هەیە دەربارەی هێرشی سەربازی کە بۆسەر موسڵ دەستیپێکردوە لە لایەن سوپای عێراق و هێزەکانی پیشمەرگەی هەرێمی کوردستان و هاوپەیمانی هێزە تایبەتەکانی ئەمریکا و بەریتانیا و فەرانسا کە لە ڕێگای هێرشی ئاسمانییەوە بەشدارن. هەروەها دەوترێت دەوڵەتی تورکیاش هێزەکانی بۆ دەوروبەری موسڵ ڕەوانە کروە کە تەنگژەی لە گەڵ حکومەتی عێراقدا بەدوایخۆیدا هێناوە. ئەم ئۆپراسیۆنە ماوەیەکی زۆرە قسەوباسی لەبارەوە کراوە و لێرەدا دەمانەوێ لەگەڵ حەمیدی تەقوایی لەمبارەیەوە گفتوگۆیەک بکەین. 
حەمیدی تەقوایی بە بۆچونی ئێوە ئەم ئۆپراسیۆنە سەربازیە کە پڕوپاگەندەیکی بەرفراوانی لەبارەوە کراوە چ گرنگییەکی هەیە و تا چەند دەتوانێت سەرکەوتن بەدەست بهێنێت؟
حەمید تەقوایی: پێموایە گرنگی ئەم هێرشە ڕۆشنە چونکە کاتێک داعش ئەم ناوچانەی داگیرکرد و بە ناونیشانی یەک دەوڵەت خۆی نیشاندا، هۆکارێکی سەرەکی لەبەریەکهەڵوەشاندنی ناوچەکە و ئەو تاوانە بێوێنانە بوو کە هێزە ئیسلامیەکان ئەنجامیانداوە. وە ئەمە تەنها بە عێراق سنوردار نابێتەوە. لە سوریا و لیبیا هێزەکانی داعش لە جوڵدان و پێیان نابێتە هەر شوێنێکەوە جگە لەتاوانکاری و کارەسات هیچیتریان ئەنجام نەداوە. یەکێ لە پێگە هەرەگرنگەکانی داعش شاری موسڵە، وە لە واقعدا ئەوەی مۆڵەت دەدات بە داعش کە خۆی وەک دەوڵەتی ئیسلامی ڕابگەیەنێت لە بنەڕەتدا داگیرکردنی موسڵ و بەڕێوەبردن و سەپاندنی دەسەڵاتیەتی بەسەر ئەم دومین گەورەشارەی عێراقدا. ئەوە بۆماوەی دوو ساڵە ئەم شارە بەدەستی داعشەوەیە. کردەوە سەربازیەکان و جەنگێک کە دەستیپێکردوە ئەگەر بتوانێت بەسەر داعشدا سەربکەوێت و بتوانێت شارەکە بەدەستبهێنێتەوە، کە بە گریمانەیەکی زۆرەوە بەم شێوەیە دەبێت، لەسەر هەلومەرج و هاوسەنگی سیاسی و پێکهاتەی هێزەکانی کە لە ناوچەکەدا لەبەرامبەردا ڕیزیان بەستوە کاریگەری زۆری دەبێت. بەم هۆیەوە تا ڕادەیەک هەموو هیزەکان لەم ئۆپراسیۆنەدا دەرگیر و بەشدارن و هەریک لەوهێزانە هەوڵدەدات بەدەست باڵا پەیداکردن لەم ئۆپراسیۆنەدا لەدوای شکستی داعش لە موسڵ جێگاوڕێگایەکی بەهێزتر پەیدابکات. دەمەوێ ئەوە بڵێم کە بە بونی داعش و بەتایبەتیش دەسەڵاتی بەسەر موسڵدا بە جۆرێک دەتوانیت ئایندەی هێزەکان و هێزهاوسەنگی نێوان ‌هێزە جیاوازەکان لە ناوچەکەدا ببینیت و بەم پێیەش گرتنەوەی موسڵ لەدەستی داعش ئەم هەلومەرجە هەمووی ئاڵوگۆڕی بەسەردا دێت. ٢٥/١٠/٢٠١٦

 

بەیاننامە سەبارەی بە هێڕشەکانی داعش بۆ سەر کەرکوک!!
بە پیێ هەواڵەکان لە کاتژمێر دووی شەوی ڕابردوەوە ژمارەیک چەکداری داعش هێڕشیان کردوەتە سەر شاری کەرکوک و هێڕەشەکانیان لە زیاتر لە هەشت شوێنەوە هێڕشیان کردوە، دەیان کەس کوژراو بریدار هەیە ژمارەیەک لە بریندارەکان گەینراوەنەتە شاری سلێمانی و هەولێر ، هاوکات داعش هێڕشی کردوەتە سەر کارەبای دوبس و ژمارەیەک کەس لا ناو مودیریەتی کارەبا ی دوبس کوژراون.
ئەمە لە کاتێکدا ڕوو دەدات کە جەنگ بۆ دەرپەڕاندنی داعش لە موصل درێژەی هەیە و هەموو هێزەکانی سوپا و پێشمەرگەو هێزەکانی هاوپەیمانان لەم جەنگەدا بەشدارن. بە پێی هەواڵەکان داعش لە هەموو بەرەکان جەنگ شکستی هێناوە و ئەم هەوڵەی داعش لەپەلەقاژەیەکی مەرگ زیاتر نیە. 
بەپێی هەواڵەکان بەشداری خەڵک لە شاری کەرکوک بۆ پارێزگاری لە ژیان و ئاسایشی خۆیان زۆر بەرچاوەو هەر ئەم دەخالەتەی خەڵکە کە شکستی داعشی لەم شارە بەسەرنجام گەیاندوە. ئەمە لە هەمان کاتدا لە شاری موسل لاوان و خەڵک خەریکی تێکشکاندنی داعشن.
حزبی کۆمۆنستی کرێکاری چەپی عێراق ڕایدەگەیەنێت لەناو بردنی داعش لەبەرژەوەندی خەڵک تەواو دەبیت، لەناو بردنی ئەم هێزە درندەو کۆنەپەرستە کە دوژمنایەتی خۆی لەگەڵ هەموو کۆمەڵەگەدا کردوەتە ئامانج هەنگاوێکی پۆزەتیڤە. ئێمە دەزانین بە تێا چونی داعش ئازادی ویەکسانی ورفاه بەدەست نایەت بەلام لە کۆڵ کردنەوەی ئەم دڕندانە لە بەرژەوەندی خەڵک تەواو دەبێت.21/10/2016

لە خۆپیشاندانی تۆرۆنتۆ لە دژی حوکمی ئیعدام وبەرگری لە ژیان بەشداری بکەن!

ڕۆژی ١٠/١٠ ڕۆژی جیهانی بەرەنگار بونەوەی حوکمی سێدارە(ئیعدام)ە بەشداربون لە چالاکی خۆپیشاندانە کانی دژی یاساو حوکمی لە سێدارە ئەرکی هەموو ئینسانیەتە ،حوکمی سێداراە کوشتنی بەئەنقەست ونەخشە بۆداڕیژراوی دەوڵەتیە و ئەم یاسایە ئەبێت لە هەموو جیگائەکی دونیا قەدەغە بکرێت ،ئەگەرچی هەتا ئیستا لە ژێر فشارو هەوڵەکانی ئینسانیەتی ئازادیخوازدا ١٠٢دەوڵەت یاسای حوکمی لە سیدارەیان هەڵوەشاندوەتەوە ،بەڵام بەداخەوە کە هێشتا لە زۆریک لە وڵاتانی وەک عیراق وئیران وسعودیەو چین ...هتد سزای لە سیدارەدان کاری پێدەکریت وڕۆژانە چەندین کەس لەم ووڵاتانەدا بە بیانوی جۆراوجۆر وبە شیوەیەکی نەخشە بۆ داڕیژراو بە یاسای سەدەکانی ناوەڕاست مافی ژیانیان لێ دەسەنرێتەوە ،ئەبێت بزوتنەوەی دژی سیدارەو بەرگری لە ژیان هەر چی زیاتر فراوان و کۆمەڵایەتی تر بکەینەوە لە بپیناوی نەهیشتنی ئەم حوکم ویاسا دژی مرۆڤانەیەو بەدی هینانی دنیایەکی ناتوندو تیژو ئارام بۆ ئینسانەکان.٠٦/١٠/٢٠١٦

هستریای ده‌سه‌ڵاتی کوردی له‌به‌رامبه‌ر ناڕه‌زایه‌تیه‌کانی خه‌ڵک!!

 

به‌پێی هه‌واڵه‌کان ئاسیشی پێنجوین ئه‌مڕۆ 20\9 پێنج که‌س له‌ چالاکه‌وانانی ناڕه‌زایه‌تیه‌کانی خه‌ڵکیان ده‌سگیر کردوه، هه‌ره‌وها چه‌ند که‌سێکی تر له‌ خۆپێشانده‌رانی شاری هه‌ڵه‌بجه‌یان ده‌سگیر کراون، له‌ هه‌وڵێریش هه‌ڕه‌شه‌ وگوڕه‌شه‌ و چاوسورکردنه‌وه‌ له‌ ئاکتیڤسته‌کانی جه‌ماوه‌ر کراوه‌‌. ئه‌مه‌ له‌کاتێکدایه‌ که‌ ناڕه‌زه‌یه‌تیه‌کانی خه‌ڵکی کوردستان شه‌پۆڵ ده‌دات و له‌ هه‌موو شارو شارۆچکه‌کانی کوردستان ناڕه‌زایه‌تی به‌ر‌پاده‌کرێت و ڕابه‌ران و چالاکه‌وانان خه‌ریکی خۆ ڕێکخستن و خۆ ئاماده‌کردنن بۆ ڕووبه‌ ڕوو بونه‌وه‌یه‌کی نوێ له‌به‌رامبه‌ر ده‌سه‌ڵاتی ناسێونالیزمی کورد دا. 
خه‌ڵکی کوردستان ئه‌وه‌ بیست وپێنج ساڵه‌ به‌ده‌ست ده‌سه‌ڵاتدارێتی خێڵه‌کی و قه‌ومی و دوو حزبی خێڵه‌کیه‌وه‌ ده‌ناڵێنن و بێجگه‌ له‌ جه‌نگ و تیرۆر و تۆقاندن و ڕاوو ڕووت و به‌تاڵان بردنی سه‌روه‌ت و سامانی کۆمه‌ڵگه‌ له‌لایه‌ن ئه‌م دوو لایه‌نه‌وه‌ به‌ شه‌ریکایه‌تی هێزه‌ ئیسلامیه‌کان هیچ شتێکی تریان به‌ نسیب نه‌بووه‌. سه‌روه‌ت و سامان له‌ده‌ستی چه‌ند ملیاردێرێکدا کۆبووه‌ته‌وه‌ و هه‌ژاریش هه‌موو کۆمه‌ڵگه‌ی داگرتوه‌. ئه‌م ئاڵ وگؤڕانه‌ به‌شێوه‌یه‌کی سه‌رسوڕهێنه‌رو له‌ چاوترۆکانێکدا له‌ کوردستاندا جێکه‌وت و قڵشتی چینایه‌تی زۆر به‌زه‌قی هاتوه‌ته‌ سه‌ره‌وه‌. 
به‌ دوای قه‌یه‌رانی ئابوری و دابه‌زینی نرخی نه‌وت ده‌سه‌ڵاتدارانی کوردستان یه‌کسه‌ر په‌لاماری کرێی کرێکاران و فه‌رمانبه‌رانی کوردستانیان داو چه‌ندان مانگ موچه‌ی خه‌ڵکیان ده‌ست به‌سه‌ردا گرت و ئێستا ئه‌م دزی و په‌لارمه‌ره‌یان به‌ یاسا ده‌ست پێکردوه‌ و کرێ و موچه‌یان که‌م کردوه‌ته‌وه‌ بۆ نیوه‌ و که‌متر له‌ نیوه‌. باجی قه‌یه‌‌رانی خۆیان به‌ ڕۆژی ڕووناک خستوه‌ته‌ ئه‌ستۆی جه‌ماوه‌ری به‌شمه‌نه‌ت و سته‌مدیده‌ی کوردستان.20\9\2016

پەیامەکانی بوومەلەرزەی سیاسیی چوونەدەرەوەی بەریتانیا لە یەکێتیی ئەوروپا.
- گفتوگۆی لەگەڵ حەمید تەقوایی سەبارەت بە جیابونەوەی بەریتانیا لە یەکێتی ئەوروپا -


ئەنتەرناسیوناڵ: بەو پێیەی کە حکومەتی بەریتانیا، هەردوو پارتی سەرەکی پارێزگاران و کرێکاران، دەوڵەتی ئەمریکا وهەموو دەوڵەتە ئەوروپیەکان و دەوڵەتانی پیشەسازی، هەروەها ناوەند و یەکە جیهانییە دارایی و بازرگانیەکان بە چونەدەرەوەی بەریتانیا لە یەکێتی ئەوروپا نەیاربون بۆچی مەسەلەی ڕیفراندۆم هاتەئاراوە و بۆچی جیابونەوە دەنگی هێنا؟

حەمید تەقوایی: بۆچونی ریفراندۆم دەربارەی درێژەدان بە ئەندامەتی لە یەکێتی ئەوروپادا بۆیەکەمجار دەیڤید کامرۆن لە ساڵی ٢٠١٢ دا هێنایە ئاراوە. ئەو کات ئەمە جۆرێک لە سازش و مانۆرێکی تاکتیکی بوو لە پێناو پاراستنی یەکێتی ویەکپارچەیی و سەرنجڕاکێشانی فراکسێۆنەکانی ناو حیزبی پارێزگاران، کە هەمیشە ڕەوتی بێزاربون لە ئەوروپا و نزیکایەتی زیاتر لە ئەمریکا لە ناویدا بەهێز بووە. بە مانایەکی تر جیابونەوە لە یەکێتی ئەوروپا نە ئەو کاتە وە نە کاتێک کە ریفراندۆم ئەنجامدرا ئامانجێکی ستراتیژی یان نەخشەکاری پارتی پارێزگاران وە بە پلەی یەکەم پارتی کرێکاران و ناوەند و هێزە سیاسیە بنەڕەتی و خاوەن هەژمونەکانی تری بەریتانیا نەبووە. نە کامیرۆن و کەسایەتیەکانی تر و پەیکەرەی بنەڕەتی پارتی پارێزگاران خوازیاری هاتنەدەرەوە لە یەکێتی ئەوروپا نەبون و گومانێکیان لەوە نەبوو کە ئەنجامی ریفراندۆم جیابونەوە لە ئەکێتی ئەوروپا نابێت. هەر بەهۆی ئەم هۆکارەوەیە کە ئەمرۆ بە دەنگدانی بەریتانیا بە جیابونەوە ناچار بە دەست لە کارکێشانەوە دەبێت. رۆژێک بوو ئەمە یەک مانۆری سیاسی بوو لە پێناو بەهێزکردنی پێگەی پارتی پارێزگاران و کورسی سەرۆک وەزیران بەڵام ئەمرۆ بە دەست لە کارکێشانەوەی کامیرۆن بە ئەنجامێکی پێچەوانە گەیشوە.11/09/2016

 

کۆدتا و دژە کۆدتا: لوتکەی قەیران و پەرتەوازەیی بۆرژوازی تورکیا

!

ئەنتەرناسیوناڵ: لەیەکەمین کاتژمێرەکانی شەوی شەممەی ڕابردودا ڕاگەیەنرا کە هەوڵی گروپێک لە هێزەکانی سوپای تورکیا کە شەوی ڕابردوو نیازی کۆدتایان هەبوو شکستیانخوارد. بە بۆچونی ئێوە کۆدتا و ڕوداوەکانی ئەم دواییەی تورکیا لەسەر بنەما و چ زەمینەیەکی سیاسی وکۆمەڵایەتی شکڵیانگرت؟

حەمید تەقوایی: ڕودانی ئەم کۆدتایە ئاکام و نوێنەری قەیرانی قوڵی حکومەتیە کە ماوەیەکی زۆرە ڕوبەڕوی  بۆرژوازی تورکیا بۆتەوە. حکومەتی ئەردۆغان سیاسەت و خەتێک پەیڕەو دەکات کە جێگای ڕەزامەندی هەموو چینی دەسەڵاتدار و تەنانەت چەند بەشێکی سوپا و دادوەری و ئۆرگانەکانی دەوڵەت لە تورکیادا نییە. بە دیاریکراویش ناسیونالیزمی تەقلیدی تورکی کە ڕەوتێکی لە مێژینە و زاڵی بۆرژوازی تورکییە و بە سیاسەتە ئیسلامیەکانی ئەردۆغان و پارتی داد وگەشەپێدان و ستراتیژی دۆنکیشۆتی و سەرپەرشتیکردنی زیندوکردنەوەی ئیمپراتۆریەتی عوسمانی سازگار نییە و ئەم ناکۆکی و کێشمەکێشمە فشارێکی درێژخایەنی  لە ناو دەستەی دەسەڵاتداردا دروستکردوە کە کۆدتا دەرکەوتەیەکی بوو. حکومەتەکەی ئەردۆغان تا ئێستا فەتحوللە گولەن - یەک هەڵسوڕاوی ئیسلامی ئۆپۆزیسیۆنە و لە تاراوگە لە ئەمریکا ژیان بەسەردەبات و یەکێ لە لایەنگرانی پێشوی حکومەتەکەی ئەردۆغان و جۆرێک لە ئۆپۆزسیۆنی دەرون حکومەتی لە جۆری دویخردادیهای ئیرانە -  بە بەرپرسی کۆدتاکە ناساندوە و دەستیکردوە بە پاکتاوکردنی لایەنگرانی ئەو لە ناو ڕیزەکانی حکومەت دا. بەڵام ئەم دابەشبون و بۆشاییە لەناو ئیسلامیەکاندا خۆی ڕەنگدانەوەی کێشمەکێشم و ناکۆکی پایەیی تری ڕەوتە ئیسلامیەکانە لەبەرامبەر کەمالیزم و ناسیونالیزمی تەقلیدی بۆرژوازی تورکیادا.  ١١/٠٩/٢٠١٦

 

بورقوع و بورکینی؛
دیوارەکانی ئاپارتایدی سێکسی و قەفەسە جوڵاوەکان
!

 

حەمید تەقوایی


ئەنتەرناسیوناڵ: حیزب خوازیاری قەدەغەکردنی بورقوعە و لەم دویانەدا لە ڕاگەیاندراوێکیدا بەرگری لە قەدەغەکردنی بورکینی کردوە، بەڵام بۆچی حیزب خوازیاری قەدەغەکردنی حیجاب نییە؟ بورکینی یا بورقوع چ جیاوازیەکی لەگەڵ حیجابدا هەیە؟
حەمید تەقوایی: مۆڵەتم بدە سەرەتا سەبارەت بە ڕووە هاوبەشەکانی ئەم بەناو پۆشاکانە قسە بکەین. حیجاب و بورقوع و بورکینی هەمویان پشتبەستون بە جۆرێک تێڕوانین لە جیاکاری ڕەگەزی(جنسی) و مەبەستی کۆنەپەرستانە و دژە ژن بون. لە فەلسەفە و تێڕوانینی ئیسلامییەوە پێناسەی ژن بریتیە لە جۆرێک کاڵای سێکسیی کە پیاو خاوەنییەتی و بۆیە پێویستە بە جۆرێک پێچراوە و داپۆشراو بێت تا سەرنجی چاوی نامەحرەم ڕانەکێشێت بۆخۆی. جۆرە جیاوازەکانی حیجابی ئیسلامی کە ئەمڕۆ بورکینیشی پێزیادکراوە جۆرێک لە پۆشاک نین بەڵکو دیوارەکانی ئاپارتایدی سێکسی و قەفەسە جوڵاوەکانن لە پێناو پاراستنی "ناموس" ی پیاوان لە سەرنجی زەرەرمەندانەی ئەو پیاوانەی کە بە شەرع خاوەنی ئەوە کاڵایە نین. حیجابی ئیسلامی لەهەر شێوازێکیدا بێت "پۆشاکێکی گونجاوە" بۆ ئەوە ژنانەی کە مافی زەواج و تەلاق و سەفەریان بەبێ مۆڵەتی مێرد یان باوک یان لێپرسراوێکی پیاو نییە، لە زۆرێک لەبوارەکانی وەرزشی وهونەری و کۆمەڵایەتی ڕێگەیان پێنادرێت ئامادەبن و چالاکی ئەنجام بدەن، وە لە شایەدیدان و میراتیدا بە نیوەی پیاوان ئەژماردەکرێن. حیجاب سیمبول و بەشی تەواوکەری ژێردەستەیی و بێمافی ژنانە. ٠٩/٠٩/٢٠١٦

 

لە به‌رامبه‌ر شه‌ڕ فرۆشی ده‌وڵه‌تی فاشستی –ئیسلامی تورکیا له‌دژی کانتۆنه‌کانی کوردستانی ڕۆژئاوا بێنه ‌مه‌یدان!!

ده‌وڵه‌تی فاشستی ئیسلامی- قه‌ومی تورکیا ده‌ستی داوه‌ته‌ شه‌رێکی ناڕه‌وا و کۆنه‌په‌رستانه‌ له‌ ناوچه‌ی جه‌رابلوسی سوریا به‌ پشتیوانی هێزه و داروده‌سته‌کانی خۆی له‌ سوریا به‌ دژی خه‌ڵکی کوردستان و به‌دژی کانتۆنه‌کانی کۆبا‌نی و عه‌فرین و جه‌زیره‌ و له‌ دژی هێزه‌کانی یه‌په‌گه‌ و هیزه‌ کوردستانیه‌کانی تری ئه‌و ناوچه‌یه‌، له‌ ژێر پاساوی دژایه‌تی کردنی تیرۆردا. ئه‌م کاره‌ شه‌ڕانگێزانه‌یه‌ی تورکیا تا ئێستا کاردانه‌وه‌ی ناوچه‌یی وجیهانی جیا جیای لێکه‌وتوه‌ته‌وه‌.
خه‌ڵ‌کی کوردستان له‌و ناوچانه‌ی که‌ تورکیا هێڕشیان ده‌کاته‌ سه‌ر ته‌نها ناوچه‌ن له‌ سوریا شه‌ڕی جه‌ماوه‌ری تێکۆشه‌رانه‌یان له‌دژی داعش وهێزه‌ دڕنه‌ده‌کان و باندو گروپه‌ ئیسلامیه‌ دڕنده‌کانی سوریا ئه‌نجام داوه‌و ته‌نها ئه‌م ناوچانه‌ن که‌ له‌ هێڕشی داعش و هێزه‌کانی ئه‌سه‌د پارێزراون و خه‌ڵکی تا ڕاده‌یه‌ک له‌ ئه‌من وئاسایشدا ژێان به‌سه‌ر ده‌به‌ن. ئه‌مه‌ سه‌ره‌ڕای شێوه‌یه‌ک له‌ ده‌خا‌ڵاتی ڕاسته‌خۆی خه‌ڵک له‌ ده‌سه‌ڵات و هاتنه‌ ناوه‌وه‌ی ژنان بۆ سه‌ر سه‌رکۆی کێشمه‌ کێشه‌ سیاسیه‌کان و ده‌رکردنی به‌یاننامه‌ی یه‌کسانی ژن وپێاو له‌ کۆبانیدا ئه‌مه‌ ده‌سه‌ڵمێێ. 
ده‌وڵه‌تی تورکیا که‌ له‌ ناخۆی خۆێدا ده‌رگیری ده‌یان کێشه‌یه‌ چی له‌ ڕووی ئابوریه‌ وچی له‌ ڕووی سیایسه‌وه‌ ده‌یه‌وێ له‌ لایه‌که‌وه‌‌ سه‌رنجی خه‌ڵکی تورکیا به‌لاڕێدا به‌ری و له‌ڕێگای به‌رپا کردنی جه‌نگه‌وه‌ نه‌یاره‌کانی ناوخۆی خۆی بێده‌نگ بکات و له‌لایه‌کی تره‌وه‌ ده‌یه‌و‌ی ڕێگه‌ بگرێ له‌ هه‌ر پێشه‌وه‌ چونێکی ده‌سه‌ڵاتداری خه‌لکی کوردستان به‌سه‌ر ناچه‌کانی خۆیاندا و رێگه‌ گرتن له‌هه‌ر به‌رپا بوونێکی ناوچه‌یه‌کدا که‌ ئازادی سیاسی تێدا به‌رقه‌رار بێت وکێشه‌ی خه‌ڵکی کوردستان چاره‌سه‌ر ببێت تێێدا.30/08/2016

 

تیرۆر کردنی وەدات حسین  تاوانێکی تری ناسێونالیزمی کورد و پارتیە!!

ڕۆژی ١٣ئاب ڕۆژنامەنوس وەدات حسین عەلی دوای دیار نەمانی یان باشتر بوترێت ڕفاندنی لەسەر ڕێگای سمێڵ – دهۆک بە کوژراوی دۆزرایەوە، شایانی باسە وینەکان ئەوە پێشان دەدەن وەدات ئەشکەنجەیەکی دڕندانە کراوە و لاشەکەی شێوێندارواوە. وەدات حسێن ڕۆژنامە نوس بووە لە ماڵپەڕی ڕۆژنیوز و چەند جارێک توشی هەڕەشەو ترساندن بوەتەوە پێش تیرۆر کردنەکەی.

بۆ هەموو لایەک ڕۆشنە ناسێونالیزمی کورد بە گشتی هێزێکی عەشایەری و کۆنەپەرستە بەلام  ناوچەکانی ژێر دەسەڵاتی پارتی  سەرکوت وخنکاندنی ئازادی و ئازادی دەربڕێن لەو پەڕیدایە تا ئێستا پارتی دەیان کەسی تیرۆر کردوە یان ڕفاندویەتی یان گرتونی و ڕاوی ناون وهیچ ئازادیەکی سیاسی لەناوچەی ژێر دەسەلاتی پارتیدا بوونی نیە. ئەم شێوەیە لەتیرۆر کردن لە ژێر دەسەڵاتی پارتی و لە پەنای دەستی ئەودا ڕوو دەدەن. بە ڕۆژی ڕوناک نەزیر عمر و رەوف کامیل و ئەبوو نەسیر بەهەمان شێوە پارتی دەستی هەبووە لە تیرۆر کردنیاندا. هەموو ئاماژەکانی ئەوە پێشان دەدەن کە پارتی خۆی ئەم کارەشی ئەنجام داوە.

ڕۆژنامە نووس لەکوردستاندا یان دەبێت دەستکەلای دەستی ئەم حزبە سوپەر کۆنەپەرست وعەشیرەتیانە بێت، یان ئەوەتا بە دەردی سەردەشی عوسمان و سۆرانی مامە حەمە و کاوە گەرمیان و ودەات حسێن دەبرێت. کە دیارە تیرۆر کردن سیاسی لە کوردستان هەموو کۆمەڵگەی گرتوەتەوە و بکوژانیش لە جیاتی گرتن و دادگایی یان پاداش دەکرێن یەن داڵدە دەدرێن. 16/08/2016

سوریا "فیدرالیزم دیموکتیک' وەڵام نیە

وتوێژی نەسان نەودینیان لەگەڵ حەمید تەقوایی

نەساننەودینیان:لە ڕۆژەکانی ١٦و ١٧ ئازار (مارس)دا  لە کۆنفرانسیکدا لە شاری ڕومیلان لە کانتۆنی جەزیرە بە ئامادەبونی نوێنەرانی کاتۆنەکانی جەزیرەو عەفرین وکۆبانی و ئەحزاب و  هێزو بزوتنەوە سیاسیەکانی ناوچەکە لە باکورسی سوریا بەڕیوە چوو. ئەم کۆنفراسە مۆدێل یان سیسستەمی "فیدرالیزمی بۆ ئیدارەکردنی کوردستان وباکوری سوریا  هەڵبژاردو وەک ڕێگایەک بۆ دەربازبون لە ئەزمەی سوریا ناوی لێ نرا،بەڕای ئێوە فیدرالیسمی دیموکراتی پێشنیارێکی گونجاو ئەبێت بۆ دەربازبوون  لە و ئەزمەی سوریە؟

حەمید تەقوایی:نەخیر  بە بڕوای من  ئەوە پێشنیارێک نیە بۆ دەربازبون لە ئەزمەی سوریا بەڵکو ئەم پێشنیارە لە ئەزمەی سوریاوە سەرچاوەی گرتوەو بەرهەمی ئەویشە.11/04/2016

 

 با ٨ی مارسی ئەمساڵ بکەینە دەستپێکی قۆناغێکی نوێ بۆ خەبات کردن

ژنان و پیاوانی ئازادی خواز .

دایکان باوکانی بەشمەینەت

مامۆستایان ،کارمەندان

هەروەکو دەزانن ئەمڕۆ کوردستان و عێراق بۆتە جەهەنمێك بۆ ئێوەی بەشمەینەت و ستەم لێکراو. کەهەرڕۆژەی جەستەی یەکێکتانی پێ دەسوتێنرێت .بۆتە گۆرستانێکی گەورە وبە شێنەیی گیانی ئازیزانمانی تێدا دەنێژین. بۆتە زیندانێك وشوێنێکی بێزارکەربۆ گەنجەکانمان کە  ناچاردەبن ووڵات بە جێ بهێڵن  وژیانی خۆیان  بخەنە بەردەم مەترسی و  کۆچ دەکەن بەرەو هەندەران تا کوو هیچ نەبیت  لەو وەزعیەتە ڕزگاریان ببێ بەڵام بەداخەوە  هەموومان دەیبینن ودەیبیستین ، کە چۆن ڕۆژانە  بە تاك و بە کۆمەڵ هەواڵی گیانلەدەست دان و خنکاندنن و وون بوون بێسەروشوێن بوونی هاوڵاتیان  لەگەڵ  نقوم بوونی کەشتی و بەلەمەکان. سەرباری ئەو هەل و مەرجە تاڵ و دژوارە چاوەروانی هینانەوەی مەیتی ئازیزەکانمانین .

 ئەمە  چ کارەساتێکە ؟ کە  ڕۆژ لە دوای ڕۆژ ژمارەی  قوربانی یەکان ڕوو لە زیادبوون دەکات . سەرباری ئەو هەل و مەرجە ئاڵۆزو دژوارە کە یەخەی بە خەڵکی کوردستان گرتوە لە  نەدانی مووجەو نیوە موچە، برسیکردنی مناڵەکان، بایکۆت و داخستنی دەرگای خوێندنگاکان، بێبەش بوونی خوێندکاران لە پەروەردەوخوێندن.ترس ودڵەڕاوکێ ی کرێچیتی لە خاوەن ماڵ کەوتنە سەرچادەو شکاندنی شەخسەیەت و کەرامەتی ئینسانیان ، کە کار گەشتۆتە ئەو ڕادەیەی ئێوە وەك  دایکان و باوکان بۆکرینی شیر بۆ مناڵە کانتان یان دانی کرێ ی خانووی  چەند مانگێک بۆ  ئیدامە دان  بەو  ژیانە سەرکوت و  کولەمەرگییە تان پەنا بەرن بۆ فرۆشتنی بەشێك لە ئەندامەکانی لەشتان .

 ئایا ئیوە پێتان وایە پەنابردن بۆ خۆکوشتن و خۆ سوتاندن و فرۆشتنی گورچیلەکانتان ، لە  ئەم هەموو ماڵ وێرانی و کارەساتانە کە یەخەی بە خۆتان وماڵ ومنڵداتان گرتوە هیچ شتێك دەگۆرێت ؟ یان ئەو ئەحزابانەی کە بوونەتە هۆکاری ئەو قەیران و ڕۆژە ڕەشی یە مێشێك میوانیان دەبێت ؟

٢٥ ساڵە ئەحزابی قومی ودینی لە کوردستان و عێراق دا ژەهراوی مەرگ دەرخواردی ئێوەی کرێکاران ، زەحمەت كێشان ، ژنان ، فەرمانبەران ،مناڵان دەدەن .حکومەتێك و پەرلەمانێك و سەرۆکێک کەهەموو پیوەرێکی یاسایی یان لەدەست داوە لە فەسادی وگەندەڵی دا خەرق بوون ، وە بونەتە مەترسی یەکی گەورەی سەر ژیانی ئابووری و کۆمەڵایەتی سیاسی ئێوە مێژووی چەند ساڵەیان شاهیدی ئەوە دەدات کە ئەوەی ڕژێمی هارو درندەی بەعس نەیتوانی بیکات .ئەم ئەحزابانە بە ناوی دیموکراسی بە خەڵکی عێراق و کوردستانیان کرد .وە ئەو هەرێمە یان  کردە تراتێنی دەوڵەتانی ناوچەکەو هەر لایەنێکیان کلکیان بە ناوچەیەکەوە گرێداوە.5/3/2016

ڕاپەڕینی خەڵک و سەربەخۆی کوردستان لەیەک پاکێجدا!!

سەرنجامی دەسەلاتداری ناسیونالیزمی کورد کە ٢٤ ساڵە خۆی داسەپاندوە بە سەر خەڵکی کوردستاندا بەتەواوەتی بە بن بەست گەیشتوە. ئەمە تەنها قسەی من نیە بەڵکو خودی سەرانی ناسیونالیزمی کورد زۆر بە ڕاشکاوانە باسی ئەم بن بەستەی خۆیان دەکەن بە قەولی خۆیان ئەزمونەکەیاندا لەبەردەم شکستدایە، هەر یەکەیان کە دینە سەر سەکۆی قسەکردن یەکەم قسەیان ئەم هوشداریەیە. کە دیارە ئەوان زۆر دیماگۆجیانە دەیانەوی هۆکاری دروستکراوی بۆ داپتراشن و زهنیەتی خەڵک جارێکی تر بەم ولاو ئەولادا بەرن تا بتوانن لەم بن بەست و قەیەرانە بە کەوڵەکانیانەوە دەربچن و قورسای ئەو قەیارانانەی کە تێی کەوتون بخەنە ئەستۆی کۆمەڵانی خەڵکی کوردستان. 

قەیرانی ئابوری و تاڵان و بڕۆی سەروەت وسامانی کوردستان!!

کوردستان و عیراق وەک یەکێک لە دەوڵەتە سەرمایەداریەکانی جیهان توشی قەیەران و بن بەستی ئابوری بووە، ئەم قەیرانە سەرەتا لە ٢٠٠٨ لە ئەمریکا سەری هەڵداو دواتر هەموو جیهانی گرتەوە. ئەم قەیرانە ئەوەی سەڵماند کە سەرمایداری بازاڕی ئازاد کە بۆرژوازی جیهانی بە بەهشت هێمای بۆ دەکرد توشی قەیرانێکی قوڵ بووە و ڕابەران و موفەکرینی بازاڕی ئازاد توشی شۆك بوون و ڕایان گەیاند کە مارکس ڕاست دەکات دەربارەی قەیران، تیوری قەیەرانی مارکس جارێکی تری ڕاست ودروستی خۆی سەڵماند.

لە عیراق و کوردستان ساڵی ڕابردوو بەتەواوەتی نیشانەکانی دەرکەوت بە تایبەت دوای دابەزینی نرخی نەوت لە بازاڕەکانی جیهاندا. سەرەتا بازاڕەکان فەلەج بوون و تونای کڕێنی هاوڵاتیان هاتە خوارەوە هەزاران کارگەو کارخانە لە کوردستان داخران دەیان هەزار کرێکار نێردرانە ماڵەوە. ئاستی بێکاری بەرە وسەرەوە هەڵکشاو و لاوان بە لێشاو ڕوویان کردوە هەندەران. مانگ دوای مانگ بورجوازی کوردستان خۆی دەدزیەوە لە دانی موچەی کرێکاران و فەرمانبەرانی کوردستان، ئەمە قەیەرانەکەی بەتەواوەتی قوڵ کردەوە توانای کڕێاری خەڵک بەجاری هاتە خوارەوە، کارکردی ئەم قەیرانە ڕووی کردە هەموو توێژە هەژار و دواتریش مامناوەندیەکان.

دەسەڵاتدارانی کوردستان سەرەڕای ئەم قەیرانە جیهانیە لەماوەی حوکم ڕانی ٢٤ ساڵەیاندا هەرچی سەروەت سامانی کۆمەلگە هەیە بەتاڵان بردویانە هەردوو بنەماڵەی تاڵەبانی و بەرزانی و داردەسەی حزبەکانیان دواتریش پشکێکی کەمیان هەڵڕشت بۆ ئەحزابی ئۆپۆزسیون برا بەش ئەم تاڵان و برۆیەیان ئەنجام دا. ئێستا سەروەت و سامانی کۆمڵگە لە ژێر چنگی بەشێکی زۆر کەمی خەڵکی کوردستان لە ١% ڕەنگە کەمتر بێت کۆبوەتەوە، مەلا بەختیار دەڵی پارە لەژێر زەمینەکان هەیە، عەلی باپیر دەڵی پارەی ژیر زەمینەکان دەربێنن، مەسعود بەرزانی دەیەوی لە گەندەڵی دارودەستەکەی بکۆڵێتەوە لێژنە دروست دەکات، بەرهەم ساڵح دەڵی پارەی دەرەوە دەبێ بگەڕێتەوە و ئەو کۆمپانیایانەی پارەیان بردوە دەبێ بێگێرنەوە. باقی خەڵکی کوردستان بەشیان بوەتە بێکاری و هەژاری و هەڵهاتن بۆ هەندەران و خنکان لە دەریای ئیجەدا. یا ئەوەتا دەبێ ڕوو بەڕوو ببنەوە لە گەڵ ناسیونالیزمی کوردا، کە هەواڵەکان ئامژە بەمەدەکەن.٢٨/٠٢/٢٠١٦

 

لە یادی ١٧ شوباتدا بڕوخی دەسەڵاتی ناسیونالیزمی کورد!!

 

١٧ شوبات کە خۆی بەشێکە لە مێژووی بەهاری عەرەبی و بۆ پشتیوانی ئەو ڕاپەڕین و شۆڕشانە هاتە مەیدان کە لە میسر و تونس سەریان هەڵدا، دواتر لەلایەن حزبە ناسیونالست_ ئیسلامیەکانەوە بەلاڕیدا براو وا پێشاندرا کە ئەم ڕاپەڕینەی خەڵک بۆ هەندێک چاک سازیە لە دەزگای دەسەڵاتداری و چەند چاکسازیەکی ئابوریە لە ساختاری دەوڵەتدا، کە بەتەواوەتی لەگەڵ تەوقعی خەڵک و ئاوات و ئارەزووکانیاندا پێچەوانە بوو.

ئەم دەسەڵاتە نەک هیچ چاکسازیەکی نەکرد بەڵکو بکوژەکانی منداڵان و نەوجەوانەکانی دەسگیر نەکرد و دەزگاکانی سەرکوتی قایمتر کرد و درێژەی بەملهوڕیەکانی خۆی داوە و نەک هیچ چاک سازیەکی ئابوری ئەنجام نەدا بەڵکو هەرچی سەروەت و سامانی کۆمەڵگە هەیە بەتلان بردیان و ژمارەیە بەرپرسی گەندەڵ لەسەرووی هەمویانەوە هەردووبنەماڵەی بارزانی و تاڵەبانی گەورەترین تاڵانیان لە خەڵکی کوردستان ئەنجام داوە. ئەوە پێنج مانگە موچەی خەڵکیان دزیوە و ئێستاش بەناوی چاک سازیەوە دەیانەوەی ئەوەندەی تر خەڵک برسی و بێ دەرەتان بکەن.

ئەمساڵ لە کاتێکدا یادی ئەمڕۆژە دەکرێتەوە دەسەڵاتی ناسێونالیزم وشەریکە بەشە ئیسلامیەکانی بەتەواوەتی لە ژێر مەنگەنەی ناڕەزایەتی فراوانی کۆمەڵانی خەڵکدا توشی سەرگێژی و سەرلێشێواوی تەواو هاتون و لەو پەڕی قەیرانی سیاسیدا ڕۆژان بەسەر دەبەن، بە هەموو لایکدا هەولدەدەن سەرنجامی قەیرانی ئابوری و سیاسیان بکێشن بەکۆڵێ خەڵکی زەحمەتکێشی کوردستاندا و بە کمترین زەرەر لەم قەیرانە بێنە دەرەوە.

١٨\٢\٢٠١٦

بەییانامەی پشتیوانی لە بایکۆتی کردنی دەوامی مامۆستایانی کورستان !!

ئەوە بۆ دووەم دەورە دەچی لەماوەی چەند مانگی ڕابردوودا مامۆستایان و کرێکاران و فەرمانبەرانی کوردستان دەست دەدەنە خەباتی جۆراو جۆر وەک مانگرتن و کۆبنەوە و خۆپێشاندان وچەندان شکڵ شێوەی تری خەباتی جەماوەری پێشکەوتخواز و تێکۆشەرانە، لەبەرامبەر نەدانی موچەکانیان بۆ چەند مانگ لەسەریەک و نەبوونی خزەمتگوزاری و وەزعی نالەباری ژیانی زۆربەی هەرە زۆری خەڵکی کوردستان.

مامۆستایان لەم خەباتەدا بونەتە سەرچەشمەی خەباتی جەماوەری کوردستان لە ڕیزی پێشەوەی ناڕەزەیاتیەکانەوە راوەستاوەن، لە ٢٦\١\٢٠١٦ وە جارێکی تر ماموستایان دەستیان داوەتەوە بایکۆتکردنی دەوام و داخستنی دەرگاکانی خوێندن، سەرەتا مامۆستایانی شارەکانی سلێمانی وهەڵەبجە و گەرمیان وزۆربەی شاروشارۆچکەکان دەستیان داوەتە بایکۆت کردن وئەوە ئەمڕۆ ٢٧\١ بەشێکی زۆر لە مامۆستایانی هەولێر و دهۆکیش هاتونەتە سەر خەت و بایکۆتی دەوامیان کرد، لەبەرامبەر نەدانی موچەی.27/1/2016

 

ڕێگا چارەی خەڵکی کوردستان مانگرتن و خۆپێشاندان و ناڕەزایەتیە!!

 

ئەمڕۆ چوار حزبی دەسەڵاتدار لە سلێمانی یەکێتی و گۆڕان ویەکگرتو و کۆمەڵ کۆبونەوەیەکیان ئەنجام داوە، دوای کۆبونەوەکە زۆربەی قسەکەرەکان قسەکانیان ئەوە بوو ڕێگا چارە خۆپێشاندان نیە یا ئەوەتا هێشتا ماوەیەتی، وەک بڵێ خۆپیشناندان لە دژی ئەوان نەبێت و ئەوان خۆیان وەک دەم ڕاستی خەڵک پێشان دەدا.

ئەمە لە کاتێکدایە ئەوە پێنج مانگە خەڵکی کوردستان موچەیان وەرنەگرتوە، ڕۆژ دوای ڕۆژ ئابوری کوردستان زیاتر دادەتەپێ، خەڵکی کوردستا بونەتە ژیر باری ئام داتەپینەوە، سەرمایەداران بۆ یەک چرکە دەستیان لە بەرژەوەندی و قازانج کۆکردنەوە هەڵنەگرتوە.

خەڵکی کوردستان ئەوە باش دەزانن بەرپرسانی کوردستان زۆربەی سەروەت و سامانی کوردستانیان دزیوە و تاڵانیان کردوە، ئەوان بەرپرسی یەکەمن لەم قەیرانەی کە کوردستانی تێکەوتوە ، حکومەتە بنکە فراوانەکە بەرپرسیارە، دەبی ئەو سەروەت وسامانە بگێڕنەوە، بۆ خەڵک ئەمە ڕیگا چارەیە نەک برسی کردن و نەدانی موچە و زیاد کردنی زەریبە لەسەر خواردن وپێداویستەکانی خەڵک.

کرێکاران و خەڵکی بەشەرەفی کوردستان!!......١٨/٠١/٢٠١٦

چاکسازیەکانی حکومەتی هەرێم!

 

وەزیری کارو کار باری کۆمەڵایاتی لە دیمانەیەکی کەناڵی ئێن ئاڕ تی NRT سەبارەت بە بیمەی بێکاری دەڵێ لەبەر ئەوەی کوردستان بە قەیرەند ا تێدەپەڕێت من ڕام گرت، هەر لەوکاتەدا مانشێتێکی هەمان کەناڵ پەیتا پەیتا خەبەری بڕێنی دەرماڵەی  پەرلەمانتاران 

و پلە باڵاکانی بڵاو دەکردەوە دیارە بە ڕێژەی جیاجیا، بەڵام بڕینی بیمەی بێکاری کە قەت لەکوردستاندا بە کەس نەدراوە تەنها یاسایەکی شلۆق و بێ ناوەڕۆکە بۆ ئەو کەناڵە نەدەبوو ببێ بە مانشێت. تەماشای ئەم دوو رووییەی ئەو کەناڵەو ئەو وەزیرەو ئەم حکومەتە گەندەڵە بکەن، بڕێنی ڕێژەیەک لە دەرماڵەی ئەندام پەرلەمان و پلە تایبەتەکان دەبێتە مانشێتێکی زۆر سەرنج ڕاکێش( تەماشا کەن ئەم کەناڵە چەند بێلایەنە!!) بەڵام بڕینی بیمەی بێکاری لەتۆی قسەکانی جەنابی وەزیری گەندەڵدا باس لێوە دەکرێت. ناهەقیان نیە چونکە ئەندام پەرلەمان و پلە تایبەتەکان منداڵەکانیان سبەی دەکەونە سەر جادە بۆ سواڵکردن بە بڕێنی دەرماڵە کانیان بەڵام بێکاران بە نەدانی ئەو بیمەیەی کە بوەتە شەمەندەفرەکەی سلێمانی هیچ کارکردێکی نابێ لەسەر دەیان هەزار بێکاری کوردستان21/12/2015.

ڕوو بەڕوو بونەوەی توندو تیژی لە گرەوی چیدایە؟

سەمیر نوری

 

ئەمڕۆ توند و تیژی لەبەرامبەر ژاناندا لە کوردستان و ناوچەکە گەیشتوەتە ئەوپەڕەی، مەگەر لەسەردەمی فتوحاتی ئیسلامی یا لە سەردەمی نازیەکانی سەردەمی هیتلەر لەبەرامبەر جولەکەکاند ئەوەندە دڕندەیی بەخۆوە بینیبێ. لە ماوەی ٢٤ ساڵی دەسەڵاتداری ناسیونالیزمی کورد و حزبە خێڵەکیەکانیاندا دڕاندانە ترین کوشت بڕ بە دژی ژنان جێ بەجیکرا . لە شوێنە گشتیەکاند ژنان بە بلۆک بە گولە بە خنکاندن بە هەموو شێوەیەکی دڕندیی دەکوژرێن، ناچار بە خۆ سوتاندن دەکرێن. لە هەموو بوراکانی ژیاندا ژنان براوەنەتە دواوە.

داعش ( دەوڵەتی خیلافەی ئیسلامی لە عێراق و شام) دڕندانە ترین کارەساتی بە سەر ژنانی شەنگال و کرستیانەکان و شیعەکاندا هێنا ، هەزاران ژن لە بازاڕەکانی نەخاسەدا فرۆشران و لاقەکران و بە ناشرینترین شێوە مامەڵەیان لەگەڵدا کرا. لەسەراسەری عێراقدا هەزاران ژن لەلایەن باندەکان و میلیشیا شیعەکانەوە کوژران و ئەتک کران لەسەر شەقامەکان فڕیدران، هەزاران ژن لاقە کران و بازرگانیان پێوە کرا.

دەوڵەت وحکومەتی عێراق کە خۆی بەرهەمی"  لیبرەیشن" ڕزگارکردنی عێراق و "پرۆسەی سیاسیە" نەک تەنها گەندەڵترین دەوڵەتە بە ڵکو وەک دەوڵەتی موزایکی و چەند پێکهاتەیی کوردو شیعە و سونە تاسەر ئێسقان دژی ژن و دژی ئینسانە. ئەم دەوڵەتە کە بەدوای سەرکەوتنی ئەمەریکا و هاوپەیمانەکانی و نەزمی نویەوە هاتە سەرکار، ژنی دەیان سال بردوەتە دواوە. بە فەرزکردنی حجاب و داسەپاندنی ڕەشترین جل وبەرگی ئیسلامی بەسەر ژنان دا، ژنیان لە ئینسانەوە گۆڕیوە بۆ تابلۆیەکی ڕەش. دەستور و یاساکانی عێراق بە کوردستانیشەوە دواکەتو ترین یاسان و ژێردەستەی بەسەر ژناندا دەسەپێنن و بەپێی ئەو یاسایانە ژن ئینسانێکی سەربەخۆ نیە وشەرفی پێاوەو پیاو بۆ پاراستنی شەرەفی خۆی هەرکاتێ کە زانی شرەفی لەکەدار بوە دەتوانی بیکوژێ( یاسای ٤٠٩) بێ ئەوەی دادگاو یاسا ڕێگری لێبکا. پۆلیس و دادگا و ئیجرائاتی یاسای سەرتاپای پیاو سالاری و دژی ژنن. پیاو دەتوانی چەندان ژن بهێنی لە یەک کاتدا، بۆی هەیە بە لێدان ژنەکەی تەمێ بکات. 24/11/2015

ڕوونکردنەوەیەک لەسەر ڕوونکردنەوەکەی هاوڕێ نادر عبدالحمید!!

 

لە نوسینێکدا هاوڕی نادر عبدالحمید بە ناو" ڕونکردنەوە لەسەر چاوپێکەوتنەکەی بەرنامەی "پۆلیتیکس"ی ژمارە ٢٣ " چەند سەرنجێکێ خۆی خستوەتە ڕوو من بە پێویستم زانی بۆچونی خۆمی لەسەر بدەم.

سەرەتا ئەوە بڵێم ئەم هەوڵەی هاوڕی نادر جێگای دەستخۆشیە و لە پای خەمخۆری بۆ بزووتنەوەکەوەیە ،  لە ڕوانگەی ئەم ئامانجەوە من ئەمەوی بچمە ناو باسەکەوە و لێرەوە شەن وکەوێکی بۆچونەکانی هاوڕی نادر بکەم.

بنەماکانی خەباتی هاوبەش تا ئاستی بزووتنەوەکی سۆشیالستی تٶکمە و یەکگرتوو چی لەسەر ئاستی عێراق بێت یا لەسەر ئاستی کوردستان هەتا دەگات بە یەکگرتن لەیەک حزب دا پیویستی بە بەرنامەیەکی هاوبەش و شیعارێکی ستراتیژی هەیە و " پڕوپاگەندە وهاندان  و ڕێکخستن" بەدەوری ئەو شیعارەدا دەکرێت و بەڕیوە دەبرێت، شیعاری ئازادی یەکسانی حکومەتی کرێکاری و شیعاری جمهوری سۆشیالستی  شیعاری ستراتیژین پڕوپاگەندەو هاندان و ڕێکخستن بەدەوری ئەم شیعارانەدا دەمانگەیەنی بە سۆشیالیزم کە ئامانجی تێکۆشانی کۆمۆنستەکانە، غیابی ئەم ستراتیژە هەموو سنورەکان لەگەڵ بورژوازیدا دەسڕێتەوە دەتکا بە لێبراڵ نەک  ڕێگا چارەی کێشەی کورد.

 من پێم وانیە شیعاری ڕوخان شیعارێکی ستراتیژی بێت، بەڵکو شعارێکی مەقتەعیە و ڕووخان ئامانجی ستراتیژی نیە تا حزب و کۆمۆنزمی کرێکاری بەدەوری شیعاری روخاندا ڕیک بخرێت. بەڵام دەکریت پلاتفۆرمێک وەک هەنگاوێکی پراکتیکی بخرێتە ڕوو بەدەوی ئەو پلاتفۆرمەدا هێزە چەپ وکۆمۆنستەکان کاری هاوبەش ئەنجام بدەن، هەنگاوێکی پراکتیکی بێت بۆ ئەوزاعێکی وەک ئێستا کە جەماوەر ڕژاونەتە سەر شەقامەکان. بۆ نمونە دەکرێ کۆنگرەیەک ببەستین بۆ یەکخستنی هێزە کۆمۆنستەیەکان بە دەوری پلاتفۆرمێکی لەو بابەتەدا، هەموو هێزە هاوراکانی تێدا کۆبێتەوە، هەنگاوێکی جدی بێت بۆ پڕ کردنەوەی نەبوونی حزبێکی سیاسی بە توانا لە مەیدانەکەدا. ١٢/١١/٢٠١٥

ڕاگەیاندنی  

پەیوەست بوونی حزبی کۆمۆنستی کرێکاری چەپی عێراق ب " بەیاننامەی هاوبەشی حزبە چەپ وکۆمۆنیستەکان لە دژی دەوڵەت و هێزە ئیسلامیەکانی ناوچەکە"

 

حزبی کۆمۆنستی کرێکاری چەپی عێراق هاوڕا بوونی خۆی و پەیوەست بوونی بە "بەیاننامەی هاوبەشی حزبە چەپ وکۆمۆنستەکان لە دژی دەوڵەت و هێزە ئیسلامیەکان ناوچەکە" ڕادەگەیەنێ. حزب هێزیكی سەرەکیە لە هێزە خەباتگێڕە کۆمەڵایەتی و سیاسی و ڕزگاریخوازەکانی عێراق لە پێناو جیای دین لە دەوڵەت و لە پێناو بەرگریکردن لە تەمەدون و یەکسانی و مرۆڤایەتیدا و بەشێکی دانەبڕاوە لە بەرەی جەماوەری ڕاپەڕیو و هێزە چەپ و کۆمۆنستە کرێکاریەکان لە ناچەکە لە دژی دەوڵەت و هێزو دەستەو تاقمەکانی ئیسلامی سیاسی. ئێمە پەیوەست بوونی خۆمان بەم بەیانە و بەم بزووتنەوەیەوە  ڕادەگەیەنین.

٨\١٠ ٢٠١٥

ڕێگا چارەی ئێستای کوردستان دامەزراندنی حکومەتێکی سیکولاری نە دینی نە قەومیە!!

 

قەیرانی ئابوری و سیاسی لەکوردستاندا بە دوای خۆیدا قەیرانی دەسەڵاتیشی هینایە ئاراوە. ئەم قەیرانە بەشیکە لە قەیرانی سەراسەری عێراق و دەسەڵاتێک کە لە پرۆسەی سیاسیدا لە ٢٠٠٣هاتوەتە سەر کار. ئەوزاعی خەڵکی کوردستان هەروەک خەلکی سەراسەری عیارقەو بەرهەمی کۆمەڵگەی موزایەکی و دامەزراندنی دەوڵەتە لەسەر پێناسەی ئینسان لە پێی بنەمای قەومی و تایەفی و عەشایەری، ئەمڕۆ خەڵکی عێراق و کوردستان لەبەرامبەر ئەم ئەوزاعە هاتونەتە مەیدان دەیانەوێ ئەم هێزانە بپێچنەوە.

خەڵکی کوردستان لەخوارەوە  ئەم دەسەڵاتە گەندەڵەیان ناوێ، سەروەش ناتوانی کۆمەڵگە ببات بەڕیوە، ناڕەزایەتیەکانی خەڵکی دەسەڵاتی حکومەتی بنکە فراوانی زیاترخستوەتە قەیرانێکی قوڵەوە، ناڕەزایەتیەکانی خەڵک ڕووی لەهەر پێنج حزبەکەیە و لەدەسەڵاتەکەیانە. هێزە هاوبەشەکان لەدەسەڵاتداخۆیان ئەوەندەی تر ئابڕوی پەرەلمان و حکومەتە بنکە فراوانەکەیان بردوە!!١٧/١٠/٢٠١٥

بەیاننامەی حزبی کۆمۆنستی کرێکاری چەپی عێراق سەبارەت بە

کۆچی دوای عیسای حاجی عەبدولله ڕابەری کرێکارانی کارگەی جگەرە و چەهرەی کۆمۆنستی شاری سلێمانی !!

 

بەداخەوە هاوڕێی خۆشەویست وتێکۆشەر عیسای حاجی عبدالله، چەهرەی ناسراوی کۆمۆنستی شاری سلێمانی لە هەنداران و لە کەندا کۆچی دوایی کردو بۆ یەکجاری تەواو کردنی ڕێگاکەی بە ئێمە سپارد.

هاوڕێ عیسا هەموو ژیانی لە پێناو سەرخستنی کۆمۆنیزم و چینی کرێكار تەرخان کردبوو، مرۆڤێکی تێکۆشەر و خۆشەویست لە نێو هاوڕێ کرێکارەکانیدا لە هەموو ئەو مانگرتن و تێکۆشانەی کە ئەنجام دەدرا لە کارگەی جگەرەی سلیمانی هاوڕێ عیسا لە رێزی پێشەوەی تێکۆشانی کرێکارندا بوو. ئەو لە شوراکانی ١٩٩١ جێگای پەنجەی دیاربوو یەکێک بوو لە نمایەندەکانی شورای کڕیکارانی کارگەی جگەرە، بەڕوویی داردەستەی بەڕیوەبەرایەتی کارگەکەی و بەرەی کوردستانیدا ڕاوەستا.

عیسای حاجی عبدالله کەسایەتی کۆمۆنستی شاری سلێمانی بوو، مرۆڤێکی خۆشەویستی نێو خەڵک بوو و یەکێک بوو لە کادرە ناسراوەکانی ڕەوتی کۆمۆنست و دواتر کە حزبی کۆمۆنستی کڕیکاری عێراق دامەزرا ، یەکیک بوو لەو دەیان کادرەی کە دەنگیان دا بە دروست کردنی حزب زۆر شێلگیرانە لە نێو خەڵکدا دیفاعی لە کۆمۆنیزمی کرێکاری و سەرخستنی کۆمۆنیزم دەکرد. 15/10/2015

بکوژان ئازدن، خۆپێشاندەران ڕاپیچی زیندان دەکرێن!!

لە هەموو ئەو شارانەی کە خۆپێشاندانیان تێدا ئەنجام دراوە سەدان لاو ڕاپێچی زیندان کراون بە تۆمەتی بەرد هاوێشتن بەڵام یەک کەس نەگیروە لەوانەی تەقەیان لە خەڵک کردوە و لاوانیان لە خوێندا نوقم کردوە. تا ئێستا بەشیکی زۆر لەوانەی گیراون رەوانەی زیندان کراون بەرنەدروان و خەریکی فایل دروست کردنن بۆیان.

بەڵام ئەوانەی شڤان زەنگەنەیان ڕفاند کەس نازانێ کێن، ڕۆژانە دەیان کەس چاو ترسێن دەکرێن، بۆ کۆتایی هێنان بە مانگرتن خەریکی پیلان گێڕین، کەناڵەکانی ڕاگەیاندن دادەخرین. سەرکوت ئەبەنە سەرەوە ، ئەوەیان لەیاد نیە هەموو شتێ لە باریکیدا دەبچڕی زۆڵم نەبی!15/10/2015

داخستنی کەناڵی ئێن ئار تیNRT  لەلایەن پارتیەوە دژی ئازادی دەربڕینە، مەحکومی دەکین!!

بە پێی بەییانەمەیک" دامەزراوەی میدیای نالیا" بڵاوی کردوەتەوە، دوێنی شەو هێزێکی زۆری ئاسیش لە شاری هەولێر و دهۆك هەڵیان کوتاوەتە سەر نوسینگەی تەلەفزیونەکەیان و بە شێوەیەکی زۆر سەرکوتگەرانە کارمەندەکانیان ڕفاندوە و دواتر کارمەندەکانی هەولێریان ئاودیونی دێگەڵە کردوە وهەردوو نوسینەگەکایان داخستوە. بەبێ ئەوەی هێچ ڕێگایەکی یاسایی یان هەر توهمەیەکیان بەرەو ڕوویان کردبێتەوە، بەپێێ قسەی کارمەندەکان ئەو هێزە چەکدارەی هەڵێان کوتاوەتە سەریان سەدان کەس بوون و ئاسیش بوون ئیهانەو بێ ڕێزیان پێیان کردوە.11/10/2015

خۆپێشاندانەکانی کوردستان بە کوشتنی مەحەمەد ڕسوڵ  ودوو کەسی تر چووە قۆناغێکی ترەوە!!

ئەمڕۆ خۆپێشاندانەکەنی قەڵادزی چوە قۆناغێکی ترەوە کە ئەوێش خوێناوی کردنی ئەو خۆپێشاندانەیە لە لایەن چەکدارەکانی پارتی دیموکراتی کوردستانەوە و کوشتنی سی کەس و بریندار کردنی  زیاتر لە ١٧ کەس ودواتر سوتاندنی ناوچەی پارتی وژاراوە و کۆبونەوەش لەدەورو بەری ناوچەی پارتی لە حاجیاوە پەیدا بووە، پێدەچی هەرچی مەقڕ و ناوچەی پارتی هەیە لە چەند کاژێر تردا بپێچترێتەوە. 

ئەوە زیاتر لە هەفتەیەکە مانگرتن و خۆپێشاندان سەرتاپای کوردستانی داگرتوە زۆربەی دام ودەزگاکان مانگرتنی سەراسەریان ڕاگەیاندوە ، ئەم مانگرتنانە هەموو شارەکانی سلێمانی و هەڵبەجە و شارەکانی گەرمیان و چەمچماڵ کۆیە وقەڵادزێ وڕەواندوز وهەولێر چەندان شارو شارۆچکەی تری گرتوەتەوە. ناڕەزایەتیەکانی خەڵک بۆ موچە دەستی پێکرد بەڵام ئێستا زۆر لەوە زیاتر فراوان بوەتەوە بەتایبەت قەیرانی ئابوری و قەیارانی سیاسی سەرتاپای کوردستانی گرتوەتەوە ناسیونالیزم و حزبەکانی دەسەڵاتی خەریکە  ئابڕوی یەکتری دەبەن هەرچی لەژێر بەڕە بوو هیناویانەتە سەر بەڕە، ناڕەزایەتیەکانی خەڵک قەیرانەکەی ئەوەندەی تر قوڵتر کردوەتەوە.09/10/2015

 

وەلام بە سەلام مارف

سەلام مارف : مانتانگرت ده‌ستان خۆش، گه‌رچی پرسیارێكی ژه‌هراویشه‌: ئه‌ی دوای ئه‌وه‌ چی؟

 

·         سەلام هاوڕێیان، ئەو پرسیارەی سەلام وروژاندویەتی، پرسیارێکی مەعقولە ، بەڵام واقعێک وا هەیە ئەویش دیاردەی مانگرتنە، خەڵک بۆچی مانی گرتوە ، خەڵک بۆ موچە مانیگرتوە، ئەوەی لە مێشکی من و دەیان ئینسانی سۆشیالستدا هەیە یا ئەوەی ئەم مانگرتنانە گەشە دەکات دەبیتە شتێکی تر مەبەستم ڕاپەڕین و شۆڕش ئەوە مەسەلەیەکی ترەو و پێم وایە پرسیارەکەی هاوڕێ سەلام لەسەر ئەمەیانە دەنا مانگرتن ڕۆشنە وئەم مانگرتنەش داواکاریەکەی خۆی بەدەنگی بەرز ڕاگەیاندوە و ئەمش پاڕانەوە نیە بەڵکو یەک شێوەی خەباتی فراوان و مۆدرێن و ڕوو لەپێشە، سونەتێکی خەباتکارانەی چینی کرێکارە. من بە دوای سەرکەوتنی ئەم مانگرتنانەوەم دەمەوێ کرێکاران و فەرمانبەرانی کوردستان لەم نەبەردەدا سەرکەون، بزووتنەوەی سۆشیالسی مەبستم سۆشیالیزمێکی کۆمەڵایەتیە نەک فرقەیی لە مەتنی ئەم باروو دۆخەدا گەشە دەکات08/10/2015

شەپۆڵی مانگرتنەکانی کوردستان بۆ موچە تا دێت پەڕە دەسێنێ!!

ئەمڕۆ ٤\١٠ \٢٠١٥ زۆربەی شارو شارۆچکەکانی سەر بەپاڕێزگای سلێمانی و هەڵەبجە مانگرتنیان بە خۆوە بینی، فەرمانبەرانی دادگا و سەرۆکایەتی شارەوانی و بەڕیوەبەرایەتی کارەبای گەرمیان دەستیان لە کار کێشایەوە، فەرمانبەرانی دادی سلێمانی مانیان گرت و مامۆستایان ڕۆژئاوای سلێمانی خۆپێشاندانیان ئەنجامدا و جادەی سالمیان داخست بە دەم وتنەوەی سرودی دەمی ڕاپەرینەوە، شارەوانی و مامۆستایانی هەڵبجە مانیان گرت، بەڕیوەبەرایەتی ڕۆشنبیری وهونەری و بەڕێوەبەرایەتی گشتی کتێێبخانەکانی چەمچەماڵ مانیان گرت، مانگرتنی مامۆستایانی ڕاپەڕین دەستی پێکرد. ئەمە سەرخەتی زۆرێک لەو مانگرتن و خۆپێشاندانانەیە کە لە کورستان لە دەزگاکانی ڕاگەیاندنەوە ئاماژەیان پێ کراوە.

داواکاری سەرەکی ئەم مانگرتنانە دانی موچەی سێ مانگی ڕابردوە کە حکومەتی هەرێم لەژێر ناوی بونی قەیەرانی ئابوریەوە بە فەرمانبەران و کرێکارانی کوردستانی نەداوە. ئەم مانگرتنانە لە سەرەتای ئەم مانگەوە دەستی پێکردوە و ڕۆژ لە دوای ڕۆژ فراوان تر دەبێتەوە و وا پێدەچی شکڵ و شێوەی تر بە خۆوە بگرێت، هەر لەم ئاستەدا نەمێنێتەوە، خۆپێشاندان و گرتنی سەرجادەکان  سەر بکێشی بە مانگرتنی سەراسەریدا. ٤/١٠/٢٠١٥

هێشتا دوعاکان و شلێر و پرشنگ و سنوورەکان لە کوردستاندا لەشوێنە گشتیەکاندا دەکوژرێن!!

بە داخەوە دوێنی ژنێکی لاو تەمەن ٢١ ساڵە لە سلێمانی لە پارکی دایک خەڵتانی خوێن کرا و بە گولەی دەمانچە کوژرا. ئەمە یەکێک لە هەواڵە دڵتەزێنەکانی دوێنیی کوردستان بوو . سنوور ناوی ئەو ژنەیە کە دوێنی کوژراو وێنەکەی لە هەموو دەزگاکانی ڕاگەیاندن بڵاو کرایەوە ، ویژدانی هەموو ئینسانە شەریف و ئازادیخوازەکانی کۆمەلگەی هەژاند. سنوور پێشتر لە خانەی داڵدەدانی ژناندا بووە لە سلێمانی وەک دەردەکەوێ هەڕەشە لەسەر ژیانی ئەم ژنە لاوە مۆتەکەیەک بووە بەسەریەوە تا کوژرانی و هیچ دەزگایەک حکومەتی ئەم شارە نەیتوانیوە بیپارێزێ لە کوژران.

کوژرانی ژنان و لەت و پەت کردنیان و ئەتک کردنی جەستەیان و بلۆک بارانکردنیان لەکوردستاندا لە ٢٤ ساڵی ڕابردودا یەک سونەتی باوی ئەم کۆمەڵگەیە بووە،  بەشێک بووە لە سیمای بە ناو کوردستانی ئازادەوە. هەزاران ژن کوژراون لە کوردستاندا لەم ماوەی حوکمی کوردیدا و لە ژێر دەیان بڕو بیانوی جیاجیادا. ئەم کوشتنانە هەندێ جار بە ئاشکرا لەنێو خەڵکدا و بەبرچاوی خەڵکەوە ئەنجام دراوە و هەندێ جار بەدزیەوە و بێ سەر وشوێن کردن ژنان و کچانەوە ئەنجام دراوە. هەندێ جار ژنان ناچار کراون بە خۆکوشتن و کەسیش تاونبار نەکراوە یان کوشتنی شارەوە بووە  بەناوی ئەوەی سوتانی غاز و ئاگر کەوتەنەوە  ولە سەربان کەوتەنە خوارەوە. ئەم جۆرە کوشتنانە زۆر کەمیان لە خانەی ژن کوشتن پۆلێن کراون.٤/١٠/٢٠١٥

کوشتاری عەقیدەتی لە مەراسیمی حەجدا!

دوا بەدوای کوژرانی زیاتر لە هەشت سەد کەس لە وانەی چونەتە مەراسیمی حەج لە دوو ڕوداوی جیا جیادا جمهوری ئیسلامی ئێران دەوڵەتی سعودیەی بەرپرسیار کرد وبە " نەبوونی دارووک" ناساندنی ئەوانی لە دابێن نەکردنی ئاسایشی حاجیەکان بە هۆی کوشتاری ئەوانەوە دایە قەڵەم.26/09/2015

جمهوری ئیسلامی ئێران بەرپرسیارە لە مەرگی رابەری کرێکاری شاروخ زەمانی!!

 

بەپێی هەوالەکان لە "حزبی کۆمۆنستی کرێکاری ئێران"ەوە و  ئەو گروپانەی دیفاع لە زیندانی سیاسی دەکەن لە ئێران ڕۆژی١٣\٩\٢٠١٥ شاروخ زەمانی چالاکەوانی کرێکاری و کۆمۆنیستی جەسور لە زیندانی رەجائی شهر گیانی لە دەست داوە ، جمهوری ئیسلامی ڕایگەیاندوە کە هۆی مردنەکەی سەکتەی دەماغی بووە.

شاروخ زەمانی چالاکەوانی کڕیکاری و ئەندامی کۆمێتەی بە دوداچونی  پێک هێنانی ڕیکخراوە کرێکاریەکان و ئەندامی سەندیکای کرێکارانی نەقاشی " بویەچی" بووە لە ساڵی ٢٠١١وە  لەلایەن جمهوری ئیسلامی ئێرانەوە دەسگیرکراوە ڕوو بە ڕووی ئەشکنجە وئەزیەت و ئازاری زۆر بووەتەوە، بە ١١ ساڵ زیندانی حوکم دراوە . شاروخ زەمانی کەسێکی ئازادیخواز و عەدالەت خواز بووە و هیچ وەخت ئەشکەنجەو و تەهدید و تۆقاندن چۆکی پی دانەداوە هەر لەم پێناوەدا گیانی لەدەستدا.15/09/2015

 

بانگەوازێک بۆ خەڵکی شۆڕشگێڕی عێڕاق!

لە لایەن پلنیومی نۆیەمی حزبی کۆمۆنستی کرێکاری چەپی عێراقەوە!

ئەی جەماوەری ڕاپەڕیو، ئازادیخوازان، ئەی ژنان و کچانی تێکۆشەر!

ئێمە ئەندامانی کۆمیتە مەرکەزی حزبی کۆمۆنستی کرێکاری چەپی عێراق دەستی خەباتکارانەتان دەگوشین و بە گوڕێکی زۆرەوە پشتیوانی لە ناڕەزایەتی شۆڕشگێرانەتان دەکەین دژ بە ئەم دەسەڵاتە میلیشیاییە دینی وقەومیە گەندەڵە. ئێمە لە ڕیزەکانی ئێوەداین و شان بەشانی ئێوە ڕاوەستاوین؛ لە ناو تەنسیقیەکانتان وکۆڕەکانتان و پلمیکە مەدەنی و بزووتنەوە سیکیولارەکەتان، لە گۆڕەپانەکانی تەحریر و شەقامی شارەکانی عێراق، لە خەباتداین لە گەڵتاندا لەهەر هەنگاوێک ڕاپەڕینی مەزنی ملیونی ئێوە دەینێت بەرەو پێشەوە.01/09/2015

ئاگاداری!! زەنگی خەتەر بۆ هەموو هاوڵاتیان!!

جێ بەجێکردنی سزای مەرگ گەرایەوە  بە ئیمزای سەرۆك!!

بۆ ڕێکخراوەکانی دژی ئیعدام لە عێراق و کوردستان و جیهان!!

بۆ ئیتلافی جیهانی لەدژی سزای لەسێدارەدان !

 

هەفتەی ڕابردوو فواد مەعسوم سەرۆک کۆماری عێراق ئیمزای خستە سەر ئیعدام کردنی ٢١ کەس و بەپیێ قسەی وەزیری دادی عێراق  بێت ٧٠٠٠ کەس حوکمی ئیعدامیان هەیە لە عێراقدا. ئەوە ئەمڕۆش خەبەری ئەوەمان پێ گەیشت کە سەرۆک( کە نازانین هێشتا بە سەرۆکی ماوەتەوە  یان نا) مەسعود بەرزانی ئیمزای خستە سەر ئیعدام کردنی پیاوێک و دوو ژن و ئەو سێ کە سە لەشاری دهۆک ئیعدام کراون. 27/08/2015

پشتیوانی لە مانگرتنی کرێکارانی وێستگەی کارەبای گەرمی موسەیەب دەکەین!!

 

کرێکارانی وێستگەی کارەبای گەرمی موسەیەب  مانگرتنیان ڕاگەیاند و کۆپیەک لە بەیانامەکەیان بە دەست ئێمە گەیشتوە لە ڕێگەی یەکێتی گشتی سەندیکاکانی کارەمندانی عێراقەوە، کە پشتیوانی لە مانگرتنەکە کردوە . داواکاریەکانی کڕیکاران  لەسەر کرێ و دەرماڵە و کرێکارانی کاتی و نەدانی موچە و نوێنەرایەتی کرێاکران خۆیانە بۆ کێشەکانیان و کرێکاران ڕایان گەیاندوە مانگرتنەکەیان درێژە پێدەدەن دەیبەنە ئاستێکی فراوانترەوە ئەگەر وەڵامی داواکاریەکانیان نەدرێتەوە . 27/08/2015

مانگرتنەکان لەسەر نەدانی موچە بەردەوامن!

حزبی کۆمۆنستی کرێکاری چەپی عێراق پشتیوانی لە مانگرتوان دەکات، داوا دەکات دەست بەجێ موچە بدرێت!!

 

ئەمڕۆ کرێکاران و فەرمانبەرانی کارەبای سلێمانی مانیان گرت و نەچوونە سەرکار  لەپێنا و دانی موچەکانیاندا، خەڵکێکی زۆر لە بەڕێوەبەرایەتی کارەبا کۆبوونەوەو بۆ بەڕی کردنی کاروبارەکانیان و کەس نەبوو کارەکانیان بۆ ئەنجام بدات.

شاری سلێمانی لە هەفتەی ڕابردوودا شایەدی بەرپا کردنی مانگرتنی جۆراو جۆر بوو لە پێناو موچەکانیان و نان بڕینیان، ئەمە شکڵێکی تازەیە لە خەباتی فەرمانبەران و کڕیکاران بۆ مووچە  وا پێدەچێ پەڕە بسێنی و لەگەڵ زیادبوونی قورسی سەرشانی خەڵک و بڵاو بوونەوەی هەژاری و نەداری و  مانگرتن و خەباتی بەرفراوان ڕۆژ لە گەڵ ڕۆژ فراوانتر دەبێتەوەوە و پەرە دەسێنێ.25/08/2015

دەبێ ئازادی بیروباوەڕ و دەربڕین لە کوردستان پارێزراو بێ !!

بەیاننامەی حزبی کۆمۆنستی کرێکاری چەپی عێراق لەسەر دەستگیرکردنی شڤان ئازاد!!

دوای ئەوی هاوڵاتی  شڤان ئازاد  خەڵکئ شاری هەولێر گرتەیەکی ڤیدیویی بڵاو کردوەو کە توڕەیی خۆی دەربڕی بوو لە سیستەمی سیاسی و گەندەڵی  دەسەڵاتدارانی کوردستان و هانی لاوانی دابوو بۆ ناڕەزایەتی دەربڕین، پۆلێسی ئەو شارە شڤانینان دەسگیر کردو  لە زیندانیان توند کرد، هەر جارەی بە بیانویەک و هەوڵدانی بۆ ناو زڕاندنی لەلایەن دەزاگاکانی ڕاگەیاندنی پارتیەوە پاسوی ئەم کارەی پۆلیسی هەولێر دەدەنەوە.22/08/2015

چارەسەری قەیرانی ئابوری ودەسەڵات لە کوردستان، لە دەستی خەڵکدایە !!

بەیاننامەی حزبی کۆمۆنستی کرێکاری چەپی عێراق، سەبارەت بە قەیرانەکانی کوردستان!!

ئۆپۆزسیونی کورد لە کوردستانی عێراق (بزووتنەوەی گٶڕان و یەکگرتوی ئیسلامی و کۆمەڵی ئیسلامی) بە قەولدان بەوەی چوار ساڵی ئایندەی کوردستان "چوار ساڵی ئارامی دەبێت " حکومەتی شەراکەتیان لە گەڵ یەکێتی و پارتی پێک هێناو ناویان نا حکومەتی بنکە فراوان. هەرپێنج حزبی بۆرژوازی حکومەتێکی ناسیونالست _ ئیسلامیان پێک هێنا و جەژنی دابەش کردنی کێکی دەسەڵاتیان لە نیوان خۆیان دا دەگێڕا، زەردەخەنە و قاقایان بەڕووی خەڵکدا هەڵ ڕشت. 17/08/2015

 

خۆپێشاندانەکانی ئەمڕۆی عێراق مەزنترین خۆپێشاندانە لە مێژووی تازەی عێراقدا!!

 

ئەمڕۆ ٧\٨\٢٠١٥ لە بەغداو هەشت شاری گەورەی عێراق کە بەسرەو عمارەو نەجەف دیوانیە و ناسریەو کوت .. چەندان شارو شارۆچکەی تر  دەستی پێکردو بەپێێ هەواڵەکان نزیەکەی ملیونێک کەس بەشادری خۆپێشاندانەکانی بەغدای کردوە .

ئەم شەپۆلەی خۆپێشاندان لە مێژووی دوای ڕووخانی حکومەتی بەعس کەم وێنەیە ، داواکریەکانی خەڵک لە دەوری نەبوونی کارەبا وئاو و گەندەڵی لە دام ودەزگاکانی دەوڵەتدا  شکڵی گرتوە ، بەڵام شیعارەکانی خەڵک لەوە زیاتر ڕۆێشتوە ، شیعاەی " علمانیە علمانیە ، نە سونیە ونە شیعیە"  و شیعاری هەڵوەشانەوەی پەرلەمان و ناوزەد کردنی ناوچەی سەوز بە ناوچەی ڕەش ئەوە پێشان دەدەن ئەم خۆپێشاندانە لەوە تێپەڕیەوە کە تەنها هەندی داواکاری خزمەتگەزاری بێت و دەسەڵاتی کردوەتە نیشانە.14/08/2014

 

بۆردمانی ناوچە سنوریەکانی باشوری کوردستان لەلایەن دەوڵەتی تورکیاوە مەحکوم دەکەین !!

 

ئەوە چەند ڕۆژێکە بەبیانوی هەڵمەت بۆسەر پارتی کرێکارانی کورستان، بە ناوی هەڵمەت لە دژی تیرۆرزم، دەوڵەتی فاشستی تورکیا بەبێ دەست پاراستن دەستی داوەتە هەڵمەتێکی کۆنەپەرستانەی بێ وێنە لە دژی خەڵکی تورکیا بەگشتی و  لەدژی هێزە چەپەکان بەتایبەتی و هەروەها دەستی داوەتە بۆردومان کردنی ناوچە سنوریەکانی کوردستانی عێراق و بە شێوەیەکی بەربەری و دڕندانە دەیان کەسیان خەڵتانی خوێن کردوە و چەندان گوندیان خاپور کردوەو لە ناوەوەی تورکیاشدا سەدان گەنجاین ڕاپێچی زیندان کردوە.

حکومەتی ئیسلامی و حزبەکەی ئوردۆغان دوای ئەوەی  لە هەڵبژاردنەکانی ئەم دوایەی تورکیا شکستی هێنا، لە هەمان کاتدا کۆمەڵگەی تورکیا بەتایبەت هێزە چەپەکان برەویان پەیدا کردو بزووتنەوەی ناڕەزایەتیەکان گەشەیان سەند، قەیرانەکانی دەسەڵات دارێتی حزبی داد وگەشەسندن کەوتە ژێر مەنگەنەی کۆمەڵگەوە و بەتایبەت هاوکاریەکانی دەوڵەتی تورکیا بە داعش، پایەکانی ئەم دەسەلاتە بەتەواوەتی خستە لەرزە. 02/08/2015

دەستداماڵینی سیاسەت لە ئایین و پێویستی ڕێنسانسێکی سۆشیالیستی!

حەمید تەقوایی

 

چەند خاڵێک دەربارەی ڕەخنەی سیاسی و عەقیدەیی لە مەزهەب

پرۆژەیاسای کۆیلایەتی سێکسی ژنان کە لە ژێر ناوی پرۆژەیاسای پارێزگاریکردن لە خێزان لە پەرلەمان پێشکەشکراوە، جارێکی تر ئەوپەڕی کۆنەپەرستی و قێزەونی ودڕندەیی ئایین  نمایش دەکاتەوە. هێچ کۆمەڵگەیەک بەبێ ئازادی ژنان ئازاد نیە وە پرۆژەیاسای کۆیلایەتی سێکسی ژنان لە ڕاستیدا بەڵگەی کۆیلایەتی هەموو کۆمەڵگەی ئێرانە لە ژێر دەسەڵاتی سەدەکانی ناوەڕاستی کۆماری ئیسلامیدا. ئەبێت بەهەموو توانامانەوە لە ڕوانگەیەکی ڕادیکاڵ و مرۆییانە وسۆشیالیستییەوە  خەبات بکەین و لەبەرامبەر ئەم پرۆژەیاسایە و حکومەتێکدا  بوەستینەوە  کە ڕیگا بەخۆی ئەدات لە سەدەی بیستویەکدا  قسەکردن لەسەر وەها یاسایەکی پڕ لە سوکایەتی  و بەکەم سەیرکردن بێنێتەکایەوە. پێشنیارکردنی پلاتفۆڕمی چەپ لە دژی ئەم پرۆژەیاسایە و ڕێکخستنی خەباتێکی ڕادیکاڵ  بە مەبەستی شکست پێهێنانی  ئەركیکی لێبڕاوانەیە کە حیزبی ئێمە لە بەرنامەی کاری خۆیدا دایناوە. بەڵام ئامانجی من لەم نوسینە قسەوباسکردن لەسەر  ئەم پروژەیاسایە و گرنی خەباتکردن لەدژی نیە. بەڵکو ئەمەوێت بەو بیانوەوە جارێکی تر بەگرنگی پاکردنەوەی کۆمەڵگە لە مەزهەب و بنەماکانی ڕەخنەی سیاسی و عەقیدەیی کۆمۆنیستەکان لە ئایین باس بکەم. پرۆژەیاسای کۆیلایەتی ژنان جارێکی تر لە سەر پێویستی هەر ئێستای ڕزگار کردنی کۆمەڵگە لە شەڕی ئایین دوپات ئەکاتەوە، وە ئەم ڕزگارییە بەبێ ڕەخنەی قوڵ و هەمەلایەنە لە ئایین و بە بێ ڕاماڵینی ئایین لە مەیدانی سیاسی وکۆمەڵایەتی و عەقیدەتیدا لە توانادا نیە. ٢٦/٠٧/٢٠١٥

ئازادی ڕادەربڕین لە جۆری دووەم!

مەنسوور حیکمەت

 تارماییەک لە سەرتاسەری ئەوروپاوە تا ( سنورەکانی ئەمریکا وکەندا) لە هاتوچوندایە! پرسیارێکی مێژوویی ناوەندە سیاسیە تازە دیموکراتیکەکان ولەم دوایانەشدا "جیابوە وە " ئیرانیەکانی دەرەوەی وڵاتی پەشۆکاو وسەرگەردانکردوە. گرفتێکی قوڵ و فەلسەفی باسدەکرێت  کە وەڵامێکی پڕاوپڕی دەوێت: ئازادی ڕادەربڕین.

بەڵام بە هەڵەدا نەچیت. قسە لەسەر ئازادی ڕادەربڕینی ئێمەی خەڵک، ئێمەی ژنان، ئێمەی کرێکاران، ئێمەی کۆمۆنیستەکان، ئێمەی بێخوداکان "ئاتەئیستەکان"، ئێمەی لایەنگرانی زانست وهۆنەر وجوانی ودادپەروەری وڕاستی وخۆشی لە ئێران نیە. نەخێر، باسی ئەم کۆڕوکۆمەڵانە لەسەر ئازادی ڕادەربڕینی ڕژیم وکەسایەتیەکانیەتی لە دەرەوەی وڵات! پرسیارەکە ئەوەیە کە ئایا ئێمە هێزوکەسایەتیە نەیارەکانی ڕژێم لە دەرەوەی وڵات لەم بیست ساڵەدا ئەوەندە فێربوین، ئایا ئەوەندە لەکانیاوی سازگاری هەڵبژاردنی ڕزگاریخوازانەی سەید محمەد خاتەمی بە سەرۆکی دەسەڵاتی بەڕێوەبەردنی ڕژێمی ئیسلامی تێرئاو بوین، ئایا ئەوەندە "ڕاهێنانی دیموکراسی" مان کردوە کە بەیەکدەنگ لەگەڵ وڵترهاواربکەین کە ئامادەین گیانمان بەختکەین لە پێناو ئەوەی لاجوردییەکان ومهاجرانییەکان وسروشەکان بتوانن لە دەرەوەی وڵات ئازادانە قسەی خۆیان ٠٧/٠٦/٢٠١٥

مافی منداڵان

 گفتوگۆی بڵاوکراوەی داروگ

 سەوسەن بەهار: سڵاو؛ هەروەها سوپاس کە بانگهێشتی "داروگ" تان بۆ ئەنجامدانی ئەم چاوپێکەوتنە قبوڵکرد.

مەنسور حیکمەت: زۆر سوپاس بۆ بانگهێشتنەکەتان وهەروەها پێش هەمووشتێک هیوای سەرکەوتن بۆ خۆینەرانی بڵاوکراوەی پڕخوێنەری "داروگ" ئەخوازم.

 سەوسەن بەهار: ئێوە لەبەرنامەی" دنیایەکی باشتر"، بەرنامەی حیزبی کۆمۆنیستی کرێکاریی ئیراندا بەشێکتان تایبەت کردوە بە مافەکانی منداڵان، ئەگەر دەکرێت دەتوانن هۆکاری ئەم بابەتە ڕونبکەنەوە؟

مەنسور حیکمەت: منداڵان و تازەلاوان یەکێک لە بێبەشترین وبێمافترین بەشەکانی کۆمەڵگەن. قوربانیانی بێدەنگکراوی ڕژیمی کۆمەڵایەتی ملهوڕو نایەکسانی ئێستان. لە زۆربەی کۆمەڵگەکان و هەتا لەم ئەوروپا ڕۆژئاواییە بەناو پێشکەوتوەدا، بۆزۆرکەس هەر ئەوەی کە منداڵ مافێکی قابیلی پێشێلنەکراویان هەیە، وە باوک ودایک وخێزان و قوتابخانە وە بەگشتی دونیای گەورە ساڵان هەرکارێک کە دەیەوێ نەتوانێت بە ئەوی بکات، جێگای پەسندکردن نیە. لە بەشێکی زۆری جیهان، منداڵان لە تەمەنێکی زۆر کەمەوە دەخەنە بەر کار و بەهەزارو یەک شێوە ڕوبەڕوی چەوسانەوە و بەهەڵە سودلێوەرگرتنیان ئەکەنەوە. وە تازە لەو جێگایانەشی کە یاسایەک هەیە کە کەمێک پێش بەم کارە قێزەونانە دەگرێت، هێشتا منداڵ لە ماڵ و قوتابخانە توندوتیژی ئەبیستێ و ئەشکەنجە ئەدرێ. بیری لێبکەرەوە، لێدان وشەڕکردن و ترساندنی منداڵ، برسیکردن و زیندانیکردنی، هەر لە ئەم ئەوروپای ڕۆژئاوایەدا لە ژێرناوی پەروەردەی منداڵدا برەوی هەیە وە باوک ودایکان و زۆرێک لە قوتابخانەکان ئەم توندوتیژیە لە دژی منداڵان بە مافێکی خۆیان دەزانن. لەم تێڕوانینەوە منداڵان هیچ جیاوازیەکیان لەگەڵ  خەڵکی بەشمەینەتدا نییە، ئەبێت بۆ ئازادکردنیان هەوڵبدرێت وە هێچ حزبێکی سیاسی ناتوانێت خۆی بە لاینگری ئازادی و ماف و یەکسانی بزانێت، بە بێ ئەوەی زۆر ڕۆشن و لێبڕاوانە لەپیناو مافەکانی مناڵاندا خەبات بکات. من وەک خۆم وابیر دەکەمەوە بۆ ئەوەی ئازادیخوازی هەر کەس، چ تاک ،چ حیزب وە چ دەوڵەت، باشتر بناسین ئەبێت بەر لە هەر شتیک سەیری ڕەفتاریان بکەین لەگەڵ منداڵاندا.01/06/2015

ئازادی لە سندوقەکانی دەنگدانەوە نایەتە دەرەوە!

حەمیدی تەقوایی

 لە ئێمە ئەپرسن : لە سەرمایەدارێکەوە تا کرێکارێک هەموو تاکێک و دەنگێک. ئایا ئەوە باشترین شێوازی بەشداریکردنی تاکەکانی کۆمەڵگە نیە لە چارەنوسی خۆیاندا؟

 نەخێر ئەوە باشترین شێواز نییە. ئەوە دەرک و تێگەیشتنێکی باوە لە دیموکراسی و ئازادی کە سەرمایەداری برەوی پێداوە. هەر چەند ساڵ جارێک خەڵک ڕادەکێشنە سەر سندوقەکانی دەنگدان بۆ ئەوەی لەنیوان حیزبە دەسەڵاتدارەکاندا یەکێکیان هەڵبژیرن و بڕۆنەوە ماڵەوە. ئەم خەڵکە دەنگدەرە جگە لەم دەنگدانە کە هەر چەند ساڵ جارێک بەڕێوەدەچێت، هیچ نەخش و کاریگەریەکیان لە بەڕێوەبردنی کارەکاندا نیە. دیاری کردنی ئەو چارەنوسە لە ڕێگای خەڵکەوە نیە، بەڵکو سپاردنی چارەنوسە بەدەستی ئەو حیزب و باڵانەی چینی دەسەڵاتدار کە پارە و پێداویستی زۆرتریان هەیە بۆ ململانێکانی هەڵبژاردن. هەڵبژێردراوەکان هەتا بەم مانا سنوردارەی نوێنەرایەتی دیموکراسی دیسان نوینەرایەتی زۆربەی کۆمەڵگا ناکەن بەڵکو بەهۆی ئەو زۆرینە ڕێژەییەی بەشێک لە خەڵك کە لە هەڵبژاردندا بەشداریان کردوە هەڵئەبژێردرێن. کاندیدەکان بە ڕێژە لەسەدیەکانی وەک چل- پەنجا لەسەد لە سی - چل لە سەدی کۆمەڵگا کە لە هەڵبژاردندا بەشداریان کردوە واتە نزیکەی بەڕێژەی لە سەدا بیستی خەڵکی هەموو کۆمەڵگا ئەبنە سەرۆکی وڵات و سەرۆک وەزیران و ئەندامی پەڕلەمان، وە بە شێوەیەکی ڕەواڵ هەر لەدوای چەند مانگی  یەکەم، و بونی بەڵێنەکانی هەڵبژاردنیان بە بڵقی سەرئاو، ٢٧/٠٤/٢٠١٥

 

ئازادی بیرو ڕا له‌ناو په‌رله‌مانی کوردستان به‌ مشته‌کۆڵه‌ سه‌رکوت کرا!!

به‌یانامه‌ی مه‌حکومکردن و هه‌ڕه‌شه‌ له‌ ئازادی ده‌ربڕێن!!

 

 

info@socialismnow.org

 

دوێنی چوار شه‌ممه‌ ئه‌ندام په‌رله‌مانه‌کانی پارتی دیموکراتی کوردستان له‌ ناو هۆڵی په‌رله‌مان له‌ کاتی ده‌ست پێکردنی دانشتنی ئاسای په‌رلرماندا، هێڕشیان  کرده‌ سه‌ر عه‌لی حه‌مه‌ ساڵح ئه‌ندم په‌رله‌مانی بزووتنه‌وه‌ی گۆڕان و به‌مشته‌ کۆڵه‌ تێی به‌ربون و به‌به‌رچاوی کامیراکانه‌وه‌، له‌ پای ئه‌وه‌ی عه‌لی حه‌مه‌ساڵح له‌ باره‌ی پۆستی سه‌رۆکی کوردستانه‌وه‌، که‌ ئێستا مه‌سعود به‌رزانی ئه‌و پۆسته‌ی هه‌ی، قسه‌ی کردوه‌.

به‌ دوای ئه‌مه‌دا سوج له‌ قه‌حابه‌ت ناشرین تر ئه‌وه‌ بوو ئه‌ندام په‌رله‌مانه‌کانی پارتی له‌سه‌ر زمانی سه‌رۆکی فراکسیونی پارتیه‌وه‌ باسه‌کانیان بردوه‌ته‌ سه‌ر موقه‌ده‌ساته‌کانی ئه‌وان، زۆر به‌ڕوون ئاشکرا باس له‌ ئه‌وه‌ ده‌که‌ن مه‌سعود به‌رزانی موقه‌ده‌سه‌ که‌س بۆی نیه‌ له‌باره‌یه‌وه‌ لێدوان بدات ئه‌وه‌ی پێشانی عه‌لی حه‌مه‌ ساڵحیان دا له‌ڕاستیدا هه‌ڕه‌شه‌یه‌کی ڕاسته‌و خۆ بوو له‌ کۆمه‌ڵانی خه‌ڵکی کوردستان. 28/03/2015

 

سەرهەڵدانی چەپی نوێ و بەپەراوێزبونی زیاتری چەپی سوننەتی لە ئەوروپادا!

حەمیدی تەقوایی

یاداشتەکانی هەفتە..

 

پاپلۆ ئیگلسیاس ڕابەری حیزبی چەپڕەوی پودموس چەند مانگێک لەمەوپێش لە میانەی وتارێکدا لە ئەسینا ئەوەی خستەڕوو کە:

"ئێمە دەبێ بە توندی ڕوبەڕوی گروپچێتی (مەحفەلیزم) ببینەوە. تایبەتمەندی شۆڕشگێڕان بە پۆشینی بلوسەکانیان نییە. تایبەتمەندی ئەوان بە گۆڕینی بیروباوەڕەکانی خۆیان، بە مەزهەب نییە. ئەرکی شۆڕشگێڕیک وێنەگرتنی خۆی نییە بە چەکوش و داسەوە. ئەرکی شۆڕشگێڕێک سەرکەوتنە".١٦/٠٢/٢٠١٥

 

ڕاسیزم، پۆستمۆدێرنیزمێکە کە ئیتر قوبوڵکردنی بەسەر چووە!

حەمید تەقوایی

پۆستمۆدێرنەکان و لایەنگرانی نیسبیەتی فەرهەنگی لەوباوەڕەدان کە ڕەخنەگرتن و هەجوکردنی پیرۆزیەکانی ئیسلام ڕاسیستیە ، بەڵام لە ڕاستیدا ئەوەی کە ڕاسیستیە خودی تیئۆری پۆستمۆدیرنیزم و نیسبیەتی فەرهەنگییە .ڕاسیزم ڕویەکی تری ئەو تیۆریە یە کەلەو باوەڕەدایە شارستانیەت وفەرهەنگ و بەها مرۆییەکان بەسەر ئاین و میللەت و خێلەکاندا دابەش ئەبن.پۆستمۆدێرنیزم لەباوەڕەدایە کە دەبێ ئەوانی تر قوبوڵ بکەیت،ڕاسیزم باوەڕی وایە کەنابێت قوڵی بکەیت. جیاوازیان تەنها لێرەدایە.ڕاسیست پۆست مۆدێرنیستێکە کە ئیتر قوبوڵکردنی بەسەر چووە. ٢٢/٠١/٢٠١٥ 

 

تیرۆری پاریس، مشتێک بوو درا لە بزوتنەوەی ئیسلامی سیاسی!

حەمیدی تەقوایی

بنەمای تیرۆریزم دروستکردنی ترس و تۆقاندنە لە کۆمەڵگادا. هێرشی تیرۆریستانی ئیسلامی بۆسەر تەنزئامێزنامەی چارلی ئیبدۆ، بڕیاربوو هەموو ڕۆژنامەنوسانی سکۆلار و ئاتەئیست و هەموو ڕەخنەگرانی ئیسلام بترسێنێت و ناچار بە بێدەنگیلێکردن و هێورکردنەوەیان بکات.

پێشتر سەبارەت بە سەلمان ڕشدی و ڕۆژنامەی دانیمارکی کە بۆ یەکەمجار کاریکاتۆرەکانی لەسەر محەمەد چاپکرد هەمان چەکی ترس وتۆقاندنیان بەکارهێنا و کەم تا زۆر سەرکەوتوبون. ئەو هەڕەشە و خەت ونیشان کێشانە بە ناڕەزایەتی بەرفراوانی خەڵک بەرەوڕوو نەبوو. بەڵام ئەمجارەیان تاوانی دڕندانەی ئەوان لە پاریس وەڵامێکی دانشکێنانەی لە لایەن جەماوەری خەڵک و ڕۆژنامەنوسانەوە پێدرایەوە. زیاتر لە سەد هەزار کەس لە شەوی هەمان ڕۆژدا لە پاریس و باقی شارەکانی تری فەڕەنسا ڕژانە سەرشەقامەکان و ڕایانگەیاند من چارلیم. لە لەندەن و ڕۆما و بەرلین شاهیدی گردبونەوە و ڕێپێوانی هەزاران کەس بووین وەک کاردانەوەیەک دژ بەو کردەوە تیرۆریستییە.١٢/١/٢٠١٥

 

هەموومان چارلی نیین

بۆچی سی ئین ئێن و سەرجەم تەلەفزیۆن و بڵاوکراوە سەرکییەکان لە ڕۆژئاوا کاریکاتۆرەکانی چارلی ئیبدو بڵاوناکەنەوەو سەرلەنوێ لە چاپی نادەوە ؟" (مایک سمر کونیش، ئامادەکارو بیژەری بێژەری کەناڵی سی ئێن ئێن)

من"چارلیم دروشمی خەڵکی توڕەیە لە تاوانکاریەکەی پاریس ، بەڵام حسابی دە زگا ڕاگەیاندنە سەرکی و دەوڵەتی یەکانی ڕۆژئاوا لەگەڵ خەڵک جیایە.

بێژەرەکەی سی ئێن ئێن بەناوهێنانی ژمارەیەک لە تۆڕە تەلەفزیۆنی و بڵاوکراوە دیارەکانی ئەمەریکاو ئەوروپا کە خۆپاریزی ئەکەن لە چاپکردنی کاریکاتۆرەکانی چارلی ئیبدو ئەپرسێت هۆکاری ئەمە چی یە؟ ترسە یان هەستکردنە بە بەرپرسیارێتی؟

وەڵامی ئەمە هیچکامێک لەم دولایەنە نیە . هۆکارە کە سیاسەتیکە کە زاڵە بەسەر دەزگاڕاگەیاندنەسەرکی ودیارەکانی ڕۆژئاوادا.ئەم دەزگا ڕاگەیاندنانە سیاسەتی دەوڵەتەکانیان پەیڕەودەکەن، وە جیاکردنەوەی حسابی تیرۆریستان لە "ئسلامی ڕاستەقینە" و پاریزگاریکردن ومەیداندارکردنی ڕەوتە ئیسلامیە "موعتەدیل و میانە ڕەوەکان"گۆشەیەکی ئەم سیاسەتەیە.تیۆری و فەلسەفەی ئەم سیاسەتەش پۆست مۆدێرنیزم و نیسبیەتی فەرهەنگی هیناویەتی یە کایەوە.

 

١١/٠١/٢٠١٥

ئاین  قوتوی هەڵگیراوی(معلب) نەفرەت لە ژنانە.

حەمیدی تەقوایی

"ژنان و پیاوان یەکسان نین ... ئەمە لە گەڵ سروشت دا ناکۆکە"

ئەوەی کە لەگەڵ سروشتی ژندا لە ناکۆکیدایە  حوکم و یاسا وتێڕوانینی دژی ژنی ئیسلامیە نەک یەکسانی ژن و پیاو !جەنابی ئەردۆغان هەمان ئەو "بەڵگە" کۆن و داڕزیو انە ی لایەن گرانی پیاووسالاری کە سەدجار وەڵامدراونەتەوە  دوبارە ئەکاتەوە : ژن لە ڕوی خەسڵەتی سروشی یەوە لەگەڵ پیاو یەکسان نیە . لاوازتر وبێ تواناترە و بەم پێ یە نابیت لە ڕوی کۆمەڵاتی و سیاسی و مافیشەوە لەگەڵ پیاودا یەکسان بێت!

ماوەیەک لەمەو بەر حیزبی نەهزەی تونسی هەوڵی ئەدا لە یاسی بنەڕەتی ئەو وڵاتەدا ووشەی "ژن و پیاو یەکسانە" بگوڕێت بە "ژن وپیاو تەواوکەرن" بگۆڕێت کە لەلایەن ژنان و سیکۆلارەکانەوە وەڵامی دانشکێنیان وەرگرتەوەو پاشەکشە یانکردو لە هەڵبژاردنەکانی ئەم دوایانەشدا لە بەرارامبەر سیکۆلارەکان دا شکستیان خوارد.

خامنەیش ئەم ساڵ بە بۆنەی ڕۆژی ژنەوە کۆمەڵی هەڵیت وپەڵیتی ڕیز کرد بوو هەمان شێوە کە ڕەفسنجانی و ڕوحانی هەوڵیاندابوو پاساوی بۆ بهێننەوە .ئیستاش سەرەی گەشتوەتە "ئیسلامی میانە ڕەو"کەی ئەردۆغان .

خەسڵەتی"سروشتی ژن و پیاو جیاوازە " وێردی سەرزمانی هەموو ئەو کۆنە پەرستانەیە .بۆچی کەسێک جیاوازی سروشتی نیوان ژن و پیاوی ئینکاری کردوە .قسە لەسەر هەڵاواردنی کۆمەڵایەتی وسیاسی و ئابوری یە لە نیوان ژن و پیاودا.٢٦/١١/٢٠١٤

 

ده‌بێ جیهان بۆ به‌رگری له‌ کۆبانی،یه‌کده‌ست له‌دژی داعش ڕابوه‌ستن!!

به‌ییانامه‌ی حزبی کۆمۆنستی کرێکاری چه‌پی عێرق!

 

هێزه‌ تیرۆرست وه‌قۆکێشه‌کانی ده‌وڵه‌تی ئیسلامی له‌ عێراق وشام له‌ هه‌موو لایه‌که‌وه‌ په‌لاماری شاری کوبانیان داوه‌ و به‌ هه‌موو جۆره‌ چه‌کێک تۆپ وتانک و چه‌کی قورس ئه‌م شاره‌یان خستوه‌ته‌ ژێر خه‌تری داگیر کردن و کاول کردن و خولقاندنی جینۆسایدێکی مرۆی گه‌وره‌ وترسناک. تا ئێستا ده‌یان دێهاتی سه‌ر به‌م شاره‌ داگیر کراون و ماڵ کاول کراوه‌ سه‌دان بریندا رو کوژراو هه‌یه‌. ده‌یان هه‌زار که‌س که‌ زۆربه‌یان منداڵن ڕوویان کردوه‌ته‌ سنوره‌کانی تورکیا و له‌ بارودۆخێکی زۆر ناله‌باردان و ده‌وڵه‌تی تورکیاش که‌ به‌ نزیکایه‌تی له‌ گه‌ڵ داعش تاوانباره‌ تا ئێستا که‌مترین کۆمه‌کی به‌ وهاوڵاتیانه‌ نه‌گه‌یاندوه‌.٢٠/٠٩/٢٠١٤

به‌ییانامه‌ له‌سه‌ر

کێشه‌ی به‌نزین و ئاشکرا بوونی گه‌نده‌ڵیه‌کان، موچه‌ی فه‌رمانبه‌ران!!

 

دوێنی دوو شه‌ممه‌ خۆپێشاندان زۆربه‌ی شاروشارۆچکه‌کانی کوردستانی گرته‌وه‌، له‌ دژی بڕیاری دیاری کردنی نرخی به‌نزین له‌لایه‌ن وه‌زاره‌تی سامانه‌ سروشتیه‌کانه‌وه‌ له‌ پێناو دابێن کردنی موچه‌دا، ئه‌م خۆپێشاندانانه‌ شاره‌کانی سلێمانی وهه‌ولێر و ڕانیه‌ شاره‌کانی ده‌ورو به‌ری و عه‌ربه‌ت وسه‌ی‌د سادق و ده‌ربه‌ندیخان و چه‌مچه‌ماڵی گرته‌وه‌ و له‌ زۆربه‌ی شوێنه‌کان شۆفێران و جه‌ماوه‌ر جاده‌ سه‌ره‌کیه‌کانی نێوان شاره‌کانیان داخست. به‌ته‌واوه‌تی حکومه‌تی هه‌رێمی شپرزه‌کرد و ناچار حکومه‌ت به‌ڕه‌سمی پشتیوانی خۆی بۆ وه‌زاره‌تی سامانه‌ سروشتیه‌کان ڕابگه‌یه‌نێ. ىریاره‌ ئه‌م خه‌باته‌ جه‌ماوه‌ریه‌ ئه‌مڕۆ به‌رده‌وام بێت.

هه‌ر له‌م ڕۆژانه‌دا هێزه‌کانی ناو په‌رله‌مان و ناو حکومه‌ت که‌ حکومه‌تی بنکه‌ فراوانیان به‌ قه‌ولی خۆیان دروست کردوه‌، که‌وتونه‌ته‌ سه‌روپۆته‌ڵاکی یه‌ک و ئه‌سپه‌کان گاز له‌ بان سه‌ری یه‌کتر ده‌گرن. یه‌ک به‌دوای یه‌کدا لستی گه‌نده‌ڵی بڵاو ده‌که‌نه‌وه‌ و زایاتر له‌ 82 هه‌زار که‌س خانه‌نشینیان بۆ بڕاوه‌ته‌وه‌ به‌ مانگانه‌ی به‌رزو که‌ له‌ پله‌ی وه‌زیره‌وه‌ ده‌ست پێده‌کات ده‌یان ملیون دۆلار مانگانه‌ ده‌ده‌ن به‌ ده‌ست وپێوه‌نده‌کانی خۆیان به‌بێ ئه‌وه‌ی کارێکی به‌ سود پێش که‌ش به‌ کۆمه‌ڵگه‌ بکه‌ن، وه‌ک ده‌رده‌که‌وێت ئه‌مه‌ ته‌نها لا‌یه‌نێکه‌ له‌ گه‌نده‌ڵیه‌کان له‌ بواری بڕینه‌وه‌ی مانگانه‌ و به‌تاڵان بردنی سه‌روه‌ت و سامانی کۆمه‌ڵگه‌. نیشانده‌ری قه‌یرانی  قوڵی نێوان ئه‌م هێزانه‌ی ده‌سه‌ڵاتی ئه‌م حزبه‌ گه‌نده‌ڵانه‌ پێشان ده‌دات.٢/٩/٢٠١٤

 

ته‌له‌فزیونی که‌رکوک ته‌پڵی ڕاسیسزم لێده‌دات !!قابلی قبوڵ نیه‌!!

 

ئه‌مڕۆ یه‌کشه‌ممه‌ له‌ به‌رنامه‌یه‌کی ڕاسته‌خۆدا ته‌له‌فزیونی که‌رکوک له‌ڕیگای بێژه‌ره‌که‌یه‌وه‌ میواندارێتی ئازاد جه‌باری  ئه‌ندامی پارێزگای که‌رکوک و به‌رپرسی کوچ و کۆچبه‌رانی پارێزگای کرد سه‌باره‌ت به‌ ئاواره‌ عه‌ره‌به‌کان له‌ که‌رکوک و مه‌ترسیه‌ک که‌ دروستی ده‌که‌ن بۆ سه‌ر شاره‌که‌. تایتڵی بابه‌ته‌که‌ خۆی ده‌سپێکێکی راسستی بوو و له‌میانه‌ی ئه‌و قسه‌و باسه‌کاندا فۆکه‌س له‌سه‌ر ئه‌وه‌ بوو که‌ ئه‌م ئاوارانه‌ چه‌نده‌ مه‌ترسین له‌سه‌ر شاره‌که‌ و بێژه‌ره‌که‌ خۆی ببوو به‌داوه‌رو خه‌ریک بوو په‌یتا په‌یتا ڕاسمیزمی ده‌جوڵاند ، که‌یسی کوشتنی مناڵێک که‌ هی چه‌ند مانگ پێش ئێستایه‌ ده‌خسته‌ پاڵ ئه‌و ئاوارانه‌ که‌ له‌ ده‌ست داعش و بۆمبارانی فڕۆکه‌ جه‌نگیه‌کانی مالکی و ئاگری جه‌نگ  که‌ مال و حاڵی خۆیانیان به‌ جێهێشتوه‌.

ئازاد جه‌باری له‌جایتی ئه‌وه‌ی به‌رپرسیارێتی خۆێ و ئینسان دۆستی خۆی پێشان بدات و چۆن ده‌چی به‌ ده‌نگی ئاواره‌کانه‌وه‌، گه‌یشته‌ ئه‌وه‌ی بڵی ئێمه‌ ئه‌و خێزانانه‌ی پیاویان له‌گه‌ڵ نه‌بێ ده‌ریان ده‌که‌ین. هه‌روه‌ها چه‌ندان کێشه‌ی کۆمه‌ڵایه‌تی تر که‌ له‌شاره‌که‌دا هه‌بوون ده‌وروژێنران ده‌کران به‌ گه‌رم کردنی قسه‌و باسه‌کانیان. هه‌ره‌وه‌ها ئازاد جه‌باره‌ی باسی له‌وه‌ده‌کرد ئه‌گه‌ری سوتاندنی ئۆفیسی کۆچ کۆچبه‌ران هه‌یه‌ له‌لایه‌ن ئاواره‌کانه‌وه‌. به‌رنامه‌یه‌ک که‌ پر بوو له‌ ده‌ربڕێنی ڕاسستی به‌رنما‌یه‌ک بوو ده‌یان کێشه‌ی کۆمه‌ڵایه‌تی و خانو به‌ره‌و کێشه‌ی کۆمه‌ڵایه‌تی تر ئاخنرانه‌ ناو ئه‌م بابه‌ته‌وه‌ ١٢/٠٨/٢٠١٤

پێویستی لایەنگیری کۆمۆنیستی لە سەربەخۆیی کوردستانی عیراقحەمید تەقوایی

وەرگێڕانی لە فارسیەوە: کاروان نەجمەدین

 

 

گفتوگۆی بڵاوکراوەی ئەنتەرناسیۆنال لەگەڵ حەمید تەقوایی         

ئەنتەرناسیۆنال: لە بەیاننامەی حیزبدا (حیزبی کۆمۆنیستی کرێکاریی ئێران.. وەررگێر) لە پەیوەند بە سەربەخۆیی کوردستان و سودمەندی ئەم پرسەوە ئاماژە دراوە بە بارودۆخی ڕەش و بالادەستی کێشمەکێشمی قەومی و مەزهەبی لەعێراق دوای هێرشی سەبازی ئەمرکا.

یەکەم پرسیار ئەوەیە گەرەنتی چییە کە دوای سەربەخۆیی کوردستان بارودۆخ باشتر ببێت ؟١٢/٠٨/٢٠١٤

تاوانه‌کانی داعش، بێ باکی ده‌و‌ڵه‌تانی جیهان و کۆمه‌ڵگه‌ی نێو ده‌وڵه‌تی!!

به‌رپرسیارێتی پارتی!

 

ئه‌وه‌ بۆ چه‌ند ڕۆژ ده‌چێت به‌ پێێ ده‌زگاکانی ڕاگه‌یاندن زیاتر له‌ 60 هه‌زار که‌س له‌ شاخی شه‌نگاڵ گیریان خواردوه‌و تا ئێستا ده‌یان منداڵ وپیر وژن و پیاو له‌ بێ ئاوی و بێ خۆراکیدا گیانیان له‌دست داوه‌و و نه‌توانراوه‌ ڕزگار بکرێن ، کۆمه‌ڵگه‌ی مه‌ده‌نی و ده‌وڵه‌ته جیهانیه‌کان تا ئێستا نه‌هاتون به‌ هانای خه‌ڵکی ئه‌م ناوچه‌یه‌وه‌‌. ٩/٨/٢٠١٤

 

سه‌ربه‌خۆیی کوردستان رێگا چاره‌ی هه‌ر ئێستایه‌!

 

له‌ دوای گرتنی موصل و شاره‌کانی تری سونه‌ نشین له‌لایه‌ن ده‌وڵه‌تی ئیسلامی له‌ عێراق وشام( داعش) و گروپه‌ چه‌کداره‌ ئیسلامی وقه‌ومه‌یه‌کانه‌وه‌ و هه‌رس هێنانی سوپای عێراق و فه‌له‌ج بونی یه‌ک جاره‌کی حکومه‌ته‌که‌ی نوری مالکی له‌ به‌غدا ،  عێراق به‌ته‌واوه‌تی نوقمی شه‌ڕێکی تایه‌فی- دینی و کۆنه‌په‌رستانه‌ بووه‌و به‌ته‌واوه‌تی دابه‌ش بووه‌ بۆ سێ ده‌وڵه‌تی جیا له‌یه‌کتر، دروست بوونی جه‌نگێکی کۆنه‌په‌رستانه‌ که‌ ته‌ڕ ووشک ده‌سوتێنی. هه‌زارن که‌س تا ئێستا بوون به‌ قوربانی و نزیکه‌ی دوو ملیون که‌س ئاوه‌ بوون. وئێستا کوردستان به‌ته‌واوه‌تی له‌گه‌ڵ به‌غدا له‌یه‌ک دابڕاوه‌و هه‌موو ئه‌و پارێزگایانه‌ی که‌ کوردستان ده‌به‌سن به‌ به‌غداوه‌ که‌وتوه‌ته‌ ده‌ست داعش وگروپه‌ چه‌کداره‌کان، موصل و تکریت و ئه‌نبارو  دیاله‌ و به‌شێک له‌که‌رکوک له‌ ژێر ده‌ستی ئه‌م ده‌سته‌و تاقماندایه‌ و حکومه‌ته‌که‌ی مالیکی نه‌یتوانیوه‌ چه‌ند کیلۆمه‌ترێک ئه‌م هێزانه‌ پاشه‌ کشه‌ پێ بکات.٢٥/٠٧/٢٠١٤

به‌ییانامه‌ی پشتیوانی له‌ مانگرتن و ناڕه‌زایه‌تی کرێکاران و فه‌رمانبه‌رانی کوردستان له‌ دژی نه‌دانی موچه‌!!

خه‌ڵکی کوردستان ڕوو به‌ ڕووی بارو دۆخێکی ناله‌بار بونه‌ته‌وه‌ و ئه‌وه‌ چه‌ند مانگه‌ مانگانه‌ی کرێکاران و فه‌رمانبه‌ران و مامۆستایان دواده‌خرێت و تا ئێستا موچه‌ی مانگی چوار نه‌دراوه‌، ئه‌مه‌ خه‌ڵکی کوردستانی زۆر نیگه‌ران کردوه‌، نه‌ک ته‌نها کاری کردوه‌ته‌ سه‌ر ئه‌وانه‌ی فه‌رمانبه‌ری ده‌و‌ڵه‌تن به‌ڵکو ئه‌مه‌ کاری کردوه‌ته‌ سه‌ر بازاڕو سات وسه‌ودا.درێژەی بابەت

قسەو باسی حیزبی کۆمۆنیستی  کرێکاری چەپی عێراق  رێکخستنی کەنەدا   لە لایەن  سەرگوڵ ئەحمەد ئەندامی کۆمیتەی ناوەندی حیزب کە لە مەراسیمی یەکی ئایاری٢٠١٤ شاری تۆرۆنتۆ پێشکەشی کرد  دەتوانن لەم لینکەی خوارەوە بینەری بن.

http://www.youtube.com/watch?v=--NgUDwTBXk

 

٨ی مارس ڕۆژی جیهانی ژنان

من ئەمڕۆ پێش هەموو شتێك کە ٨ی مارسە. ڕۆژی جیهانی ژنان ،پر بەدڵ پیرۆزباییەکی گەرمتان لێ دەکەم وە پیرۆزبایی  ئاراستەی تەواوی ژنان و پیاوانی ئازادی خواز لە عێراق وکوردستان هەموو دنیا دەکەم.

ئامادەبوانی بەرێز،ئەگەر فرسەت بدەن ئەوا دەمەوێت لە چەند دەقەیەکدا قەسەوباسی خۆمتان پێشکەشبکەم بەم بۆنەیەوە. وە لە هەمان کاتدا دەمەوێت نارەزایەتی و دژایەتی خۆم بەرامبەر بە نیزامی زالمانەی سەرمایەداری و کە هەتاوەکو ئیستاش ژنان بەدەست کرێی کەم و بێکاری و نەبوونی بیمەی بیکارییوە دەناڵێنن . دژایەتی خۆم بەرامبەر بەو قانوون و ویاسا دواکەوتوانە ی ژێر دەسەڵاتی یەکێتی وپارتی وحکومەتی بەغداد کە ٢٢ساڵە ڕەسمیەت بە پلەدوویی ژنان دەدات، شەرعیەت بە هاوسەرگیری لەگەڵ مناڵانی کچی تەمەن  ٩ساڵاندا دەدات لە چەشنی ( قانونی فرەژنی ، جەعفەری و  وە جۆرەها زەواجی ئیسلامی  .نیکاح وە دژایەتی خۆم بەرامبەر بە دین بە فەرهەنگ وبە  کلتوری ئەوکۆمەڵگایە کە هۆکاری سەرەکین بۆ بێ مافییەکانی ژنان و کوشتنی ژنان کە لە سەر عیشق و خۆشەویستی دوعاو هەزارەها ژنی تربوونە قوربانی .. هەروەها دژایەتی خۆم بەرامبەربە بێدەربەستی و شەریك بوونی  دەسەڵاتداران لە بەرامبەرکوشتن وهەڕەشە بۆ سەرگیانی ڕۆژنامە نووسان وهەڵسوڕاوانی ژنان کە نموونەی زیندوو بەهار مونزیرە کە هەڵسوڕاوی گروپی ژیانە ١١/٠٣/٢٠١٤

چاوپێکەتن

وتووێژی یەدێ مەحمودی لەگەڵ کاوە عومەر سەبارەت بەکوشتنی ژنان لە کوردستان و کوشتنی شلیرو حەلیمە لە سەیدسادق و پاشان قسەو باسیکی کوردلەسەر ٨ مارس و چالاکی و کارو هەڵسوڕانەکان لە کوردستان

بۆ بینینی چاوپێکەوتنەکە کلیک لەسەر ئەو لینکەی خوارەوە بکە

http://www.youtube.com/watch?v=lvEB2WnNZH8&feature=share&list=UUJfSjKCm-CRMtpuKszFBIBw

 

 

 

مەراسیمی٨ی مارس ڕۆژی جیهانی ژن لە تۆرۆنتۆ

 

٨ی مارس ڕۆژی هاتنە مەیدان و خەبات و ئیعترازی ژنان دژ بە نایەکسانی و هەڵاواردن و ستەمی جنسییە کە ئەمڕۆ لە چوارچێوەی سیستەمی سەرمایەداری دا دەبرێتە پێشەوە.  ژن بوون بەڵایەکە کە ژنان ڕووبەروی دەبنەوە وسەرجەم نەهامەتیەکانی  ڕاستەوخۆ ، ڕیشەی لە پەیوەندیە ئابوریەکانی سیستەمی سەرمایەداریەوە شکڵ دەگرێت! ئەمڕۆ ئیتر کێشەی ژن کێشەی کرێکارە! ڕاستەوخۆ لەچوارچێوەی خەباتی کرێکاران بۆ باشتر کردنی ژیان و گوزەرانیان گرێ ی خواردووە و تا ئێساش هەموو دەست کەوتەکانی بزووتنەوەی ژنان لە ڕێگای بزووتنەوەی کرێکاریەوە پشتیوانی لێکراوە و بە دەست هاتوون و لە کۆمەڵگادا چەسپاوە.٥/٣/٢٠١٤

 

حزبی کۆمۆنیستی کرێکاری چه‌پی عێراق پشتیوانی له‌ خۆپێشاندانی مامۆستایانی سلێمانی ده‌کات!!

 

info@socialismnow.org

ئه‌وه‌ ماوه‌یه‌که‌ بگره‌و به‌رده‌ له‌سه‌رنه‌ دانی موچه‌ له‌ کوردستاندا به‌ گشتی وله‌ سلێمانی به‌تایبه‌تی ده‌ستی پێکردوه‌و تا ئێستا زۆربه‌ی وزاره‌ته‌کان موچه‌ی مانگی یه‌کی 2014 یان نه‌داوه‌ ، هه‌ر بۆیه‌ ئه‌مڕۆ مامۆستایان له‌ شاری سلێمانی بایکۆتی خۆێندنیان کردو به‌شێکیان جاده‌ی  سلێمانی تاسلوجه‌یان گرت و تا نوسینی ئه‌م به‌یانامه‌یه‌ ئه‌م مه‌سه‌لیه‌ هه‌ر به‌رده‌وامه‌، یه‌کێتی مامۆستایانی کوردستانیش کاره‌که‌ی بوه‌ته‌ هه‌وڵدان بۆ ساردکردنه‌وه‌ی مامۆستایانی ناڕازی و ده‌یه‌وی به‌ وه‌عده‌و وه‌عیده‌کانی حکومه‌تی هه‌رێم مامۆستایان بێده‌نگ بکات.

گوزارشی بەشداری حیزب لە گردبوونەوەی ناڕەزایەتی دژ بە تیرۆری کاوە گەرمیانی لە شاری تۆرۆنتۆ

دوێنێ ١٥/١٢/٢٠١٣ کاتژمێر ٢ی پاشنیوەڕۆ هە تا ٤ ئیوارە بە مەبەستی وەستانەوە  بە دژی تیرۆری  کاوە گەرمیانی و بەرگری لە ئازادی لە کوردستان کۆمەڵکی بەرچاو لە خەڵکی ئازادی خواز و حیزب و لایەن و کەسایەتی ڕۆشبییرو هەڵسوڕاوانی سیاسی ، کە کۆمەڵیک لە کادیرانی( حیزبی کۆمۆنیستی کرێکاری چەپی عێراق) یش بەشدار بوون تێدا  لە بەردەم پەڕلەمانی ئۆنتاریۆ لە شاری تۆرۆنتۆی کەنەدا کۆبونەوە .١٦/١٢/٢٠١٣

بکوژانی کاوه‌ گه‌رمیانی ده‌بێ زیندان و دادگایی بکرێن، نابێ خوێنی گه‌رمیانی به‌هه‌ده‌ر بدرێ!!!!!

 

به‌پێێ هه‌واڵه‌کان چه‌ند که‌سێک له‌و بانده‌ی کاوه‌ گه‌رمیانیان تیرۆر کردوه‌ ده‌سگیرکراون و به‌شێکیان هه‌ڵهاتون و تا ئێستاش ڕۆشن نیه‌ ئه‌وه‌ی ئه‌مری به‌ تیرکردنه‌که ‌داوه‌ کێیه‌ و ئه‌م تاوانه‌ کێێ له‌ پشته‌وه‌یه‌، به‌ڵام هه‌موو داتاکان ئه‌وه‌ ده‌رده‌خه‌ن ئه‌مه‌ تیرۆری سیاسیه‌ و کاوه‌ گه‌رمیانی به‌هوی نوسینه‌‌کانیه‌وه‌ و به‌ هۆی ئاشکراکردنی گه‌نده‌ڵی به‌رپرسه‌کان و ئه‌و ناڕه‌زایه‌تی و چالاکیانه‌ی ئه‌نجامی داوه‌ تیرۆر کراوه‌. 09/12/2013

تیرۆر کردنی کاوه‌ گه‌رمیان، ڕۆژنامه‌ نووس  به‌ توندی مه‌حکوم ده‌که‌ین!!

 

info@socialismnow.org

دوێن پێنج شه‌ممه‌ 5\12\2013 له‌ شاری که‌لار کاوه‌ گه‌رمیانی ڕۆژنامه‌نوس له‌به‌رده‌م ماڵه‌که‌ی خۆیان له‌ به‌رده‌م دایکی دا گوله‌ باران ده‌کرێ و تیرۆر ده‌کرێ له‌لایه‌ن چه‌ند چه‌کدارێکه‌وه‌. به‌پێ هه‌موو ئه‌و هه‌واڵانه‌ی بڵاو بونه‌ته‌وه‌ له‌ ده‌زگاکانی ڕاگه‌یاندنه‌وه‌ کاوه‌ گه‌رمیانی هیچ تاوانێکی نه‌کردوه‌ ته‌نها قه‌ڵه‌مه‌که‌ی به‌کار هێناوه‌ بۆ ڕسواکردنی ده‌سه‌ڵاتداران و که‌سانی ده‌سه‌ڵاتدار، وه‌ک ده‌رده‌که‌وی چه‌ندان جار توشی هه‌ڕه‌شه‌ بووه‌ته‌وه و‌ ژیانی له‌مه‌ترسیدا بووه‌. 06/12/2013

 

گرتن وئه‌شکه‌نجه‌ و دادگای کردنی ئه‌حمه‌د شیروان به‌ هۆی درچونی له‌ دینی ئیسلام، مه‌حکوم ده‌که‌ین!!

info@socialismnow.org

به‌ پێێ ئه‌و هه‌واڵانه‌ی له‌ ماڵپه‌ڕه‌ کوردیه‌کانه‌وه‌ بڵاو بوه‌ته‌وه‌ ئه‌حمه‌د شیروان مێردمنداڵی ته‌مه‌ن 14 ساڵ له‌ شه‌وی 23\10\2013 له‌لایه‌ن هێزێکی دژه‌ تیرۆر وئاسایشی پارتیه‌وه‌وه‌ ده‌سگیر ده‌کرێت، دوای ئه‌وه‌ی له‌لایه‌ن باوکیه‌وه‌ شکایه‌تی لێده‌کرێت که‌ کوڕه‌که‌ی له‌ دینی ئیسلام ده‌رچووه‌‌، ده‌برێته‌ بنکه‌ی ڕاستی له‌وێ به‌ کێبڵ و سۆنه‌ و قایش لێی ده‌درێت. دواتر کاتژمێر 2:30 ده‌گوێزرێته‌وه‌ بۆ زیندانی مێردمنداڵان له‌وێیش زۆری لێده‌درێت و شه‌ڵاڵی خوێنی ده‌که‌ن پێ ده‌ڵێن تۆ" خوێنت حه‌ڵاڵه‌، هه‌رکه‌سێ بتکوژێت ده‌ستی سه‌وز ده‌بێت". ئه‌حمه‌د شیروان له‌ زینداندا ده‌یهێڵنه‌وه‌ بۆ مه‌به‌ستی دادگایی کردن و به‌پێی قسه‌کانی خۆێ له‌ دادگادا چه‌ندان جار سوکایه‌تی پێکراوه‌ و به‌ چاوی سوک ته‌ماشایان کردوه‌. له‌ 4\11\2013 دا  به‌ که‌فاله‌ت ئازادی ده‌که‌ن. ئه‌حمه‌د شیروان ڕایگه‌ینادوه‌ ئه‌و بڕوای به‌ خورافه‌ی دینی نه‌ماوه‌ و له‌م پێناوه‌دا ده‌ست له‌ خه‌بات هه‌ڵناگرێت.02/12/2013

له‌ یه‌ک ڕۆژدا له‌کوردستان چوار کرێکار ده‌بنه‌ قوربانی نائه‌منی شوێنی کار!!

info@socialismnow.org

 

 

به‌پێ هه‌واڵه‌کان دوێنی 25 تشرینی یه‌که‌م چوار کرێکار بوه‌نه‌ته‌ قوربانی نائه‌منی شوێنی کار، به‌پیی قسه‌ی عوسمان زیندانی به‌رپرسی سه‌ندیکای بیناسازی له‌کوردستان " یه‌كێك له‌و كرێكارانه‌ ناوی‌ موزه‌فه‌ر گوڵه‌و له‌ كارگه‌ی‌ دروستكردنی‌ شیشی‌ بازیان گیانی‌ له‌ده‌ستداوه‌ و كه‌سیێكیش له‌ كارگه‌ی‌ چیمه‌نتۆی‌ ماسیش کرێکارێکی دیکەی بەرەگەز عەرەب له‌كاتی‌ كاركردنیدا ئامێرێكی‌ كه‌وتووه‌ به‌سه‌ریدا و گیانی‌ له‌ ده‌ستداوه‌٢٦/١١/٢٠١٣.

 

گیراوه‌کانی هه ولێر ده‌بێ ده‌سبه‌جێ ئازادبکرێن!!

ئێران ئیعدام ده‌کات، حکومه‌تی هه‌ڕێمیش  خۆپێشانه‌ده‌ران به‌و ئیعدام کردنانه‌  ده‌سگیرده‌کات!!!!

له‌ وه‌ته‌ی جمهوری ئیسلامی ئێران هاتوه‌ته‌ سه‌ر حوکم سه‌دان هه‌زار که‌سی ئیعدام کردوه‌ ، خه‌ڵکی کوردستان به‌شی سه‌رکی ئه‌م ئیعدام و کوشت وکوشتاره‌ی جمهوری ئیسلامی ئێرانیان  به‌رکه‌وتوه‌. به‌ هاتنه‌ سه‌رکاری حکومه‌تی ئیصلاح گه‌را حه‌سه‌ن ڕوحانی زیاتر له‌ 200 که‌س ئیعدام کراون و جمهوری ئیسلامی ئێران ده‌ستی ناوه‌ته‌ بیناقاقای خه‌ڵکی ئه‌و وڵاته‌و ڕۆژ نیه‌ ملی لاوانی ئه‌و وڵاته‌ نه‌کا به‌ په‌تا و کرێنه‌کان نه‌کا به‌سکۆی ئیعدام و گۆڕه‌پانی مه‌رگ. زندانیانی سیاسی و خه‌ڵکی ئێران ده‌ستیان داوه‌ته‌ ناڕه‌زایه‌تی ڕووبه‌ڕوو بوونه‌وه‌ی ئه‌م تاوان و قه‌تڵ عام کردنه‌، شاره‌کانی سه‌قز و بانه‌ و شاره‌کانی تر بۆ پاراستنی گیانی لاوانیان بێده‌نگیان شکاند و ڕووی ڕه‌شی جمهوری ئیسلامیان ئه‌وه‌نده‌ی تر ڕه‌ش کرد.١٤/١١/٢٠١٣

به‌یاننامه‌

 ‌‌ڕه‌تکردنه‌وه‌ی پرۆژه‌ یاسای باری که‌سێتی جه‌عفه‌ری  وه‌زیری داد‌ !!!

ئێمه‌ "گروپی نا بۆ توند وتیژی دژی ژنان" هه‌ردوو پرۆژه‌ یاسای وه‌زیری دادی عێراقی حه‌سه‌ن شه‌مه‌ری، ڕه‌شنوسی یاسای باری که‌سێتی جه‌عفه‌ری و ڕه‌شنوسی یاسای دادی شه‌رعی جه‌عفه‌ری که‌ له‌سه‌ر بنه‌مایه‌کی تایفی و دینی داڕێژراوه‌ ڕه‌تده‌که‌ینه‌وه‌ که‌ به‌پێی ئه‌م یاسایه‌ هه‌ر تایفه‌یه‌ک هه‌قی هه‌یه‌ یاسای باری که‌سێتی خۆی هه‌بێ بۆ ڕێکخستنی کاروباری ئیزدواج و جیابوونه‌وه‌ و سه‌رپه‌رشتیاری منداڵ و وه‌ره‌سه‌، ئه‌م پرۆژه‌ یاسایه‌ پشتی به‌ستوه‌ به‌ ماده‌ی 41 ده‌ستور که‌ ده‌قه‌که‌ی( عێراقیه‌کان ئازادن له‌ ئیلتزام کردن به‌ باری که‌سێتیانه‌وه‌، به‌پێی دینه‌کانیان و مه‌زهه‌به‌کانیان و بیروباوه‌ڕه‌ڕیان ئه‌مه‌ش به‌یاسا ڕێکده‌خرێت) له‌ بنچینه‌دا ئه‌م به‌نده‌ ده‌ستوریه‌.٥/١١/٢٠١٣

 

چاوپێکەوتنی یەدێ مەحمودی لەگەڵ کاوە عومەر سەبارەت بە کۆچی دوای عوفی ماضي(ئەبو کەریم) ئەندامی مەکتەبی سیاسی حیزب و شکاندنی پەیکەری خۆشەویستی و کێلی قەبری شێرکۆ بێکەس .کە لە تەلەفزیۆنی ئیسکرا کە لە  کەناڵ جەدید بڵاو کراوەتەوە .بۆبینینی  چاوپێکەوتنەکە کلیک لەسەر ئەو لینکەی خوارە بکەن .http://www.youtube.com/watch?v=YVo1j8VpbBU&feature=share

 

 

سزا دراوه‌کانی ئیعدام له‌ مه‌عسکه‌ر سه‌لام هه‌ر ئێستا به‌ مردوو ئه‌ژمار ده‌کرێن!!

 

ئه‌مڕۆ کوێستان صدیق سزا دراو به‌ سزای مه‌رگ " ئیعدام" له‌ زیندانی مه‌عسکه‌ر سه‌لام " چاکسازی گه‌وڕان"ه‌وه‌  له‌ شاری سلێمانی په‌یوه‌ندی پێوه‌ کردم و پی ڕاگه‌یاندم که‌ به‌رپرسی زیندانه‌که‌ که‌ ناوی ئومێده‌ محمد عبدالله یه‌و هه‌روه‌ها مدیری قوتابخانه‌که‌ی ئه‌م زیندانه‌ به‌ ناو چاکسازیه!!‌ پێیان ڕاگه‌یاندوه‌ که‌ ئه‌وان سزای له‌ سێداره‌دان دراون بۆیان نیه‌ له‌ قوتابخانه‌ بخوێنن و ئه‌ومافه‌یان نیه‌.

ئه‌مه‌ له‌ کاتێکدایه‌ ڕه‌وشی زیندانیه‌کان له‌ جیاتی چاکسازی ڕۆژله‌دوای ڕۆژ به‌ره‌و خراپی ده‌ڕوات و فشاری  گیانی و روحیان بۆ ده‌هێنن و دوو هه‌فته‌ پێش ئێستا سید ستار له‌م زیندانه‌ به‌ هۆی ئه‌شکه‌نجه و‌ بێڕێزی پێکردنه‌وه‌ ئاگری له‌ خۆی به‌ردا وخۆی سوتاند. به‌ دوای ئه‌مه‌دا زیندانیه‌کان ده‌ستیان دایه‌ مانگرتن و چه‌ندان زیندانی ده‌م و چاوی خۆیان دوریه‌وه‌ و مانگرتی گشتیان له‌ خواردن ڕاگه‌یاند.24é10é2013

بەیان سەبارەت بە کۆچکردنی هاوڕێەکی تێکۆشەرمان  عوفی ماضی کە رابەرێکی کرێکاران  و ئەندامی مەکتەب سیاسی حیزبی کۆمۆنیستی کرێکاری چەپی عێراق بوو!

 بە بۆنەی کۆچی دوایی هاوڕیی تێکۆشەرو کۆمۆنیست هاورێ عوفی ماضی ناسراو بە( ئەبو کەریم) هاوخەمی و پەژارەیی خۆمان ئاراستەی خێزانەکەی وکەس وکاری وتەواوی هاوڕیان دەکەین .گیان لە دەستدانی ئەم هاوڕێ یە تەنها کۆستێک وخەسارەتیک نە بوو لە حیزبی کۆمۆنیستی کرێکاری چەپی عێراق، بەڵکو خەسارەتێك بوو لە تەوای بزوتنەوەی کۆمۆنیستی و یەکسانیخوازی  کۆمەڵگای عیراق ،هاوڕێ ماضی ئینسانێکی دڵسۆزوخەباتکار، خاوەنی بیروباوەرێکی کۆمۆمیستی، ئینساندۆست وخۆشەویست.24é10é2013

بۆ هاوڕێیانی مهکتهب سیاسی حزبی کۆمۆنیستی کرێکاری چهپی عێراق

 

بهبۆنهی کۆچی دوایی هاوڕی عۆفی ماضی(ئهبو کریم)هوه لهقوڵایی دڵمهوهسهرخۆشی  لهئێوهولهخێزانهکهی دهکهم. بهلهدهست دانی ئهبو کهریم کرێکارانی عێراق،و حزبی ئێوهوبزووتنهوی کۆمۆنیستی کرێکاری ڕابهرێک و چالاکهوانێکی خۆشهویست و بهناوبانگ و موئهسیری خۆی لهدهست دا. ئێمهبهدرێژهدان بهو خهباتهی کە ئهبو کهریم  گیانی خۆی لهپێناویدا بهخت کرد، یادی ئهو ئازیزهمان بهرز ڕادهگرین.

حمید تهقوایی

22 تشرینی یهکهم 2013

مانگرتنی زیندانیه‌کانی مه‌عسکه‌ر سه‌لام ، گه‌یشته‌ ده‌م دورینه‌وه‌ !!!

ئه‌وه‌ بۆ چه‌ند ڕۆژ ده‌چێت مانگرتنی زیندانیه‌ حوکم دراوه‌کانی زیندانی مه‌عسکه‌ر سه‌لام ده‌ستیان داوه‌ته‌ مانگرتن له‌ خوردن و شێوه‌ ده‌ربڕینی تر، ئه‌مه‌ش به‌ دوای خۆسوتاندنی سید ستار ده‌ستی پێکرد سه‌رنجامی ئه‌شکه‌مجه‌ کردن و بێڕێزیکردن پێی. به‌رپرسانی زیندانی  مه‌عسکه‌ر سه‌لام له‌ترسی په‌ڕه‌سه‌ندنی ئه‌م مانگرته‌نه‌ بۆ ده‌ره‌وه‌ی زیندان له‌ڕۆژی یه‌ک شه‌ممه‌ی ڕابردوه‌وه‌ که‌ بڕێار وابوو ڕێکخراوه‌کانی مودافیع له‌ مافه‌کان زیندانیان  ئه‌و ڕێکخراوانه‌ی دژی ئیعدام و ئه‌شکه‌نجه‌ن له‌م ڕۆژه‌دا به‌شداری که‌س وکاری زیندانیه‌کان بکه‌ن و ناڕه‌زایه‌تیکه‌نیان بۆ پشتیوانی له‌ زیندانیان مانگرتوو ده‌رببڕن، ڕێگه‌یان لێگیرا بچنه‌ به‌رده‌م زیندانه‌کان، چوارده‌وری سلێمانیان لێکرا به‌ سه‌ربازگه‌و نه‌یان هێشت له‌ هیچ جیگه‌ک کۆببنه‌وه‌ بۆ ناڕه‌زایه‌تی ده‌ربڕێن.١٦/١٠/٢٠١٣درێژەی بابەت

وتووێژی یەدێ مەحمودی لەگەڵ کاوە عومەر

 سەبارەت بە ئەنجامەکانی هەڵبژاردنی پەڕلەمانی حکومەتی هەرێمی کوردستان ،لەتەلەفزیۆنی  کەناڵی جەدید

دەتوانن چاوپێکەوتنەکە لەم لینکەی خوارەوە ببینن

http://www.youtube.com/watch?v=P8OuUX-lK_4&feature=c4-overview&list=UUJfSjKCm-CRMtpuKszFBIBw

١١/١٠/٢٠١٣

به‌یاننامه‌ سه‌باره‌ت به‌ خۆ سوتاندانی سید ستار له‌ زیندانی گه‌و‌ڕان له‌ سلێمانی!!!

 

ئه‌مڕۆ که‌ ڕۆژی سه‌ردانی که‌س وکاری زیندانه‌کان بوو‌ بۆ‌ زیندانی مه‌عسکه‌ر سه‌لام ناسراو به‌ گه‌وڕان له‌ شاری سلێمانی، که‌سێک به‌ ناوی سید ستار که‌ زیندانیکراوه‌ ‌ له‌م زیندانه‌  دوای ئه‌وه‌ی نه‌وت ده‌کا به‌ خۆیدا ئاگر له‌ خۆی به‌رده‌دات سه‌رنجام زۆر به‌ سه‌ختی ده‌سوتێت و دواتر ده‌گوازرێته‌وه‌ بۆ نه‌خۆشخانه‌ی ئیمرجنسی له‌ سلێمانی و تا نوسینی ئه‌م به‌یانه‌ چاره‌نوسی دیار نیه‌.٠٧/١٠/٢٠١٣

 

هۆشداری!!

هه‌ڵبژاردنه‌کانی کوردستان و گاڵته‌جاڕی به‌ ئیراده‌ی خه‌ڵک وخولقاندنی فه‌زای نائارام‌!!

 

info@socialismnow.org

 

له‌ 21 ئه‌یلولدا هه‌ڵبژاردنه‌کانی کوردستان ده‌ستی پێکردو ڕۆژێکی خایاند، له‌ماوه‌ی ڕیکلامکردن و که‌مپینه‌کانی هه‌ڵبژاردن دا چه‌ندان که‌س بوونه‌ قوربانی شه‌ڕه‌ گوله‌ و شه‌ڕه‌ چه‌قۆی هێزه‌ ناسێونالست وئیسلامیه‌کانی کوردستان و ژیانی خه‌ڵکیان توشی دڵه‌ڕاوکێ کرد هه‌رچی سونه‌ت و داب نه‌ریتی ناشرین وقێزه‌ونی پیاو سالاری عه‌شیره‌تیان  هەیە  له‌م هه‌ڵبژاردنانه‌دا زیندوو یان کردوه‌. له‌پرۆسه‌ی ده‌نگدانیشدا چه‌ندان سه‌نته‌ری هه‌ڵبژاردنی هێڕشیان کرایه‌ سه‌ر و‌  ته‌زویر کردن و چه‌ندان شێوه‌یان گرته‌ به‌ر بۆ گۆڕینی سه‌رنجامه‌کانی هه‌ڵبژاردن له‌کۆتایشدا چه‌ند لاوی تر هێڕش کرایه‌ سه‌ریان و خه‌ڵتانی خوێن کران. به‌دوای کۆتای هاتنی ده‌نه‌گدانیشدا ئه‌وه‌ بۆ دوو ڕۆژ ده‌چێت خه‌ڵکی کوردستان و به‌تایبه‌تی شاری سلێمانیان خستوه‌ته‌ به‌رده‌م مه‌ترسی جه‌نگ و فه‌زایه‌کی جه‌نگیان خولقاندوه‌ و شه‌وی ڕابردوو مه‌رکه‌زه‌کانی شاره‌کان باردۆخی جه‌نگیان به‌خۆیانه‌وه‌ بینی و تا ئێستا بارگرژیه‌که‌ هه‌ر ماوه‌و سه‌رنجامه‌که‌ی نازانرێ به‌ چی کۆتای دێت.٢٥/٩/٢٠١٣

چاوپێکەوتنی یەدی مەحمودی لەگەڵ کاوە عومەر

چااوپێکەوتنی یەدی مەحمودی لەگەڵ کاوە عومەر لە بەرنامەی وەڵام بە پرسیاری بینەران،لە تەلەفیزیۆنی کەناڵی جەدید سەبارەت بە بارودۆخی کوردستانی عێراق لە ژیرسایەی ٢٢ دەسەڵاتدارێتی ئەحزابی ناسیۆنالیستی کورددا.http://www.youtube.com/watch?v=P4WFYC914pM&feature=youtu.be ئەمە لینکی بەرنامەکەیە لە یۆتوب ١٩/٠٩/٢٠١٣

 حکومه‌تی هه‌رێمی کوردستان منداڵێکی پێ ناپارێزرێ!!!

ئێمه‌ ئه‌وه‌ بۆ زیاتر له‌ ساڵێکه‌ که‌مپینێکمان ڕاگه‌یاندوه‌ بۆ هه‌ڵوه‌شانه‌وه‌ی سزای له‌ سێداره‌دانی کوێستان صدیق که‌ له‌ دادگایه‌کی شکڵی دا سزا درا که‌ له‌ نزمترین ئاستی ستانداردی دادگایی کرد‌ به‌هره‌مه‌ند نه‌بوو، هه‌روه‌ها زیاتر له‌ 10 ژنی تر که‌ به‌ ماده‌ی 406 به‌بی بوونی پارێزه‌ر و له‌ ماوه‌یه‌کی کورتدا به‌ سزای له‌سێداره‌دان سزادراون. ک...وێستان چوارمنداڵی له‌دوای خۆێ به‌ جێ هێشتوه‌ که‌ دادگا داویانێتی به‌ ماڵی باوانی پیاوه‌ کوژراوه‌که‌ی، کوێستان له‌ نامه‌یه‌کی ڕاسته‌وخۆ که‌ له‌ ته‌له‌فزیونی NRT بڵاوکرایه‌وه‌ مه‌ترسی خۆی له‌چاره‌نوسی منداڵه‌کانی به‌یان ده‌کات. ئه‌وه‌ بۆ دوو مانگ ده‌چێت یه‌کێک له‌ منداڵه‌کانی که‌ ناوی مه‌حه‌مه‌ده‌ له‌ده‌ست ماڵ باپیری هه‌ڵهاتوه‌ و نایه‌وی بچێته‌وه‌ بۆ ئه‌و ماڵه‌.
که‌یسی مه‌حه‌مه‌د‌ و مه‌ترسیه‌ک که‌ له‌سه‌ر ژیانی ئه‌و منداڵه‌ دروست بووه‌ خه‌ریکه‌ کێشه‌که‌ی کوێستانمان له‌بیر ده‌باته‌وه‌. کێشه‌ی مه‌حمه‌د گه‌یشته‌ دادگای سلێمانی به‌ڵام دادگا نه‌یتوانی ئه‌م کێشه‌یه‌ چاره‌سه‌ر بکات ده‌زگای پۆلیسی سلێمانی و لایه‌نه‌ په‌یوه‌ندی داره‌کان له‌جیاتی په‌یدا کردنی جێگا بۆ ئه‌م منداڵه‌و دروست کردنی فه‌زایه‌ک که‌ ئه‌م منداڵه‌ هه‌ست به‌ دڵنه‌وایی بکات ئه‌م منداڵه‌یان ترساندوه‌ به‌وه‌ی ته‌سلیمی ماڵی باپیری ده‌که‌نوه‌ و ده‌بێت بگه‌ڕێته‌وه‌ ماڵ باپیری، بۆیه‌ مه‌حه‌مه‌د له‌ ده‌ستیان هه‌ڵدێت ڕوو ده‌کاته‌ چه‌مچه‌ماڵ دواتر له‌ڕیگا ڕێکخراوێکی لاوانه‌وه‌ به‌هانای مه‌حه‌مده‌وه‌ ده‌چن، تا ئێستا که‌ ئه‌م به‌یانه‌ ده‌نوسم ئه‌م منداڵه‌ له‌ که‌رکوکه‌ و له‌ ڕێگای پۆلیسی که‌رکوکه‌وه‌ ئاگادارکراینه‌وه‌ که‌ ئه‌و منداڵه‌ له‌لای ئه‌وانه‌ به‌ڵام ئه‌وان ناتوانن هیچ کارێکی بۆ بکه‌ن جێگایه‌کیان نیه‌ بۆ ئه‌م منداڵه١٦/٠٩/٢٠١٣

به‌ییانامه‌ی

حزبی کۆمۆنیستی کرێکاری چه‌پی عێراق سه‌باره‌ت به‌

"کۆنگره‌ی نه‌ته‌ویی کورد"

info@socialismnow.org

کۆنگرەی نه‌ته‌وه‌یی کورد که‌ له‌سه‌ر بانگهێشتی مه‌سعود به‌رزانی وبه‌ به‌شداری چه‌ندان حزب له‌ چوارپارچه‌که‌ی کوردستان یه‌که‌م کۆبونه‌وه‌ی بۆکراوه‌ و ئێستا هه‌یئه‌تێکی ئاماده‌کاری بۆ پێکهێنراوه‌، له‌ بارودۆخێکدا ده‌به‌سترێت که‌ تایبه‌تی خۆێ هه‌یه‌ ‌وه‌ڵام نیه‌ به‌ئه‌نگیزه‌ی مێژوویی ناسیونالزمی کورد وه‌ک مه‌سعود به‌رزانی ئیشاره‌تی پێده‌کات که‌وا ده‌مێکه‌ له‌نێوان سه‌رانی ناسێونالستی کوردا قسه‌ی له‌سه‌ر ده‌کرێت ، به‌ڵام ‌ ئه‌مڕۆ ئه‌وان پێویستاین پێیه‌تی و به‌دوای ئامانجی دیاری کراوی خۆیانه‌وه‌ن، ئه‌م کۆنگره‌یه‌ وه‌ک مه‌سعود به‌رزانی ده‌ڵێت بۆ ئه‌وه‌یه‌ ببنه‌ " خاوه‌نی ووتار وستراتیژی هاوبه‌ش‌" و دانی په‌یامی " ئاشتیانه‌یه‌ به‌ وڵاتانی دراوسێ"  ببینه‌ مایه‌ی "سا‌قمگیری"! له‌ ناوچه‌که‌دا.13/08/2013

سیناروێی درێژکردنه‌وی سه‌رۆکایه‌تی مه‌سعود به‌رزانی و هێڕشکردنه‌ سه‌ر که‌مالی سه‌ید قادر!!!!

info@socialismnow.org

ئێمه‌ هه‌ر له‌یه‌که‌م ڕۆژه‌وه‌ وتومانه‌ هه‌ڵبژاردن له‌ کوردستان گاڵته‌جاڕیه‌و یاریکردنه‌ به‌ نیازی خه‌ڵک بۆ هێنانه‌ سه‌رکاری ده‌سه‌ڵاتێک که‌ ئامانجه‌کانیان بهێنێته‌ دی، به‌ڵام هه‌ڵبژاردن نه‌ بۆ ئه‌م کاره‌یه‌ و نه‌ ئه‌م بواره‌شی تێدایه‌ خه‌ڵک بتوانن پراکتیکی ئه‌م فرسه‌ته‌ بکه‌ن. مێژووی دوو ده‌یه‌ له‌ ده‌سه‌ڵتدارێتی ناسێونالیزمی کورد له‌ کوردستانی عێراق ئه‌وه‌ی به‌ پراتیک پێشان داوه‌ ئه‌م هێزه‌ نه‌ نوێنه‌ری خه‌ڵکه‌ نه‌ باکی به‌ چاره‌سه‌ری کێشه‌کانی خه‌ڵکی کوردستانه‌. ئه‌مانه‌ هێزی خێڵه‌کین و پابه‌ند نین به‌هێچ ستاندارێکی ئازادیخوازی ومه‌ده‌نیه‌وه‌ و ئاماده‌نین لانی که‌می ئاره‌زوو ئاواته‌کانی خه‌ڵک به‌دی بهێنن.

ئۆقیانوسێك لە تاوان دژ بە ژنان بەردەوامە!!! 

ئەوەی کە جێگەی ڕەخنەو بێزاری و نەفرەت کردنە لە دەسەڵات و حکومەتێك. کە بۆ ماوەی زیاتر لە ٢٢ سالە لە ژیر سایەی ئەم دەسەڵاتانەدا بە (مالکی و یەکیتی و پارتی یەوە) ئامارەکانی کوشتنی ژنان  بە داخەوە نەك هەر ڕولە زیاد بوونە بەڵکو زۆر ترسناك و راچڵەکێنەرە بۆ وژیدانی هەر کەسێك کە دڵی بۆ ئازادی و یەکسانی و مافەکانی ژنان لی دەدات. وە رۆژانە ئەم مەرگەساتانە یەخە بە ژنان و کچانی.03/07/2013

گه‌مه‌ی هه‌ڵبژاردنی په‌رله‌مان و سه‌رۆکایه‌تی هه‌رێم کێشه‌کان خه‌ڵک چاره‌سه‌ر ناکات!!

  info@socialismnow.org

چه‌ند مانگێکی که‌می ماوه‌ بۆ به‌رپا‌کردنی هه‌ڵبژاردنه‌کانی کوردستان ئه‌مه‌ ئه‌گه‌ر هێزه‌ پاوه‌ن خواز و ده‌سه‌ڵاتداره‌کانی کوردستان بتوانن ته‌حه‌مولی یه‌کتر بکه‌ن و هه‌ڵبژاردن به‌رپا بکه‌ن. هێزه‌ ناسێوناڵ _ ئیسلامیه‌کانی کوردستان له‌ پێناو وه‌رگرتنی شه‌رعیه‌تی جه‌ماوه‌ری هه‌ر چه‌ند ساڵ جارێک پرسه‌ گورگانه‌یه‌ک به‌ خه‌ڵکی کوردستان ده‌که‌ن و خه‌ڵک ڕاکێش ده‌که‌نه‌ پای سه‌ندوقه‌کانی ده‌نگ دان بۆ شه‌رعیه‌ت دان به‌ ده‌سه‌ڵتدارێتی ئه‌وان، هه‌موو هێزه‌ ده‌سه‌ڵاتدارکان و ئه‌وانه‌ی پێیان ده‌ڵێن ئۆپۆزسیون ده‌یانه‌وێ ئه‌م ده‌سه‌ڵاته‌ی چینی بورژوازی و باڵا ده‌ستی ئه‌م چینه‌ی‌ کۆمه‌ڵگه‌ی کوردستان جارێکی تر له‌سه‌ر کورسی ده‌سه‌ڵات دابنێنه‌وه‌و بۆ چه‌ند ساڵێکی تریش کۆمه‌ڵگه‌ی کوردستان له‌ چنگی مشتێک له‌ مشه‌خۆرو تاڵانچیدا بهێڵنه‌وه‌، بڵێن ئێمه‌ نوینه‌ری هه‌ڵبژێردراوی خه‌ڵکین.03/07/2013

11/04/2017