كورته‌ی وته‌ی ستاری چیمه‌نتۆ له مه‌راسیمی
ئایاری ئه‌مساڵ كه له ئێواره‌ی ڕۆژی 27 نیسان له شاری كۆڵ سازكرا
ئاماده بووان و میوانه به‌ڕێزه‌كان سه‌ره‌تا گه‌رمترین پیرۆزباییتان لێده‌كه‌م به‌بۆنه‌ی یه‌كی ئایار ڕپژی حیهانیی وهاوخه‌باتی چینی كرێكار. ئه‌مساڵ ئێمه له‌گه‌ڵ كرێكارانی دنیادا له هه‌لو مه‌رجێكی زۆر جیاوازتر له ساڵانی ڕابردوو مه‌راسیمی یه‌كی ئایار ده‌كه‌ین وده‌نگی هاوخه‌باتی خۆمان به كرێكارانی ئێره ئه‌ڵمانیا ، ته‌واوی ئه‌وروپا و جیهان ڕاده‌گه‌یه‌نین وپشتیوانی خۆمان بۆ خه‌ڵكی شۆڕگێڕی میسر، توس، لیبیا، سوریا عێراق و كوردستان باقی شوێنه‌كانی تری دنیا ڕاده‌گه‌یه‌نین.
ئه‌زمه‌ی ئابووری سه‌رمایه‌داری كه له ئه‌وروپا و ئه‌مریكا چوار تا پێنج ساڵه فشاری گه‌وره‌ی خستووه‌ته سه‌ر ژیان و گوزه‌رانی٪99 ی كۆمه‌ڵگاو هه‌زاران كرێكار بێكار كراون له‌م ووڵاتانه به‌به‌رده‌وام له مووچه كه‌م ده‌كرێته‌وه‌و بیمه‌كانی ژیان و ته‌ندروستی و خزمه‌تگوزاریه‌كانی ترداده‌گیرێت، خه‌ڵكی عێراق و كوردستان له‌ژێرده‌سه‌ڵاتی میلیشیا چه‌كداره‌كانی به‌ناو حكومه‌تی مالكی به‌غدا و حكومه‌تی هه‌رێمی كوردستاندا ده‌ناڵێنن و هه‌روه‌ك باقی شوێنه‌كانی تری دنیا ٪1 ئه‌و كۆمۆڵگایه ده‌ستیان به‌سه‌ر سه‌روه‌ت وسامانی ٪99 كه‌ی تری كۆمه‌ڵگادا گرتووه‌و ئه‌م زوربه‌یه له برسێتی كوشتن سه‌ركوت و تۆقاندندا ژیان ده‌باته سه‌ر.
ئه‌مانه‌و هه‌لومه‌رجی شۆڕشگێڕانه‌ی وڵاتانی تونس، میسر، لیبیا، سوریا، یه‌مه‌ن، عێراق كه كۆتایی به‌ته‌مه‌نی دكتاتۆریی زیاترله 30 تا 40 ساڵه‌ی قه‌زافی ، موباره‌ك و بن عه‌لی هێنا، تایبه‌تمه‌ندیه‌كی جیاوازترده‌دات به ئایاری ئه‌مساڵ وه چینی كرێكار وه خه‌ڵكی ئازادیخوازی دنیا له به‌رانبه‌ر سه‌رمایه‌داری وچینی بۆرجوازی دنیادا ڕاوه‌ستاوه و هێزی خۆی هێناوه‌ته مه‌یدان. له فه‌ره‌نسا، ئه‌ڵمانیا ئیسپانیا و زۆرێك له وڵاته‌كانی تری دنیا خه‌ریكی خۆپیشاندان و مانگرتنن وه‌ك مانگرتنه‌كانی مانگی ئازار و نیسانی كرێكارانی به‌شه خزمه‌تگوزاریه‌كانی ئه‌ڵمانیا بۆ زیادكردنی كرێ، مانگرتنی كرێكارانی ڕێگای ئاسن و چه‌ندین شوێنی تر وه‌ك خه‌سته‌خانه‌كان. ئه‌مانه زنجیره‌یه‌ك ناڕه‌زایه‌تین كه هێشتا درێژه‌یان هه‌یه، به‌ڵگه‌ی جیاوازی ئایاری ئه‌مساڵن له‌گه‌ڵ ساڵانی ڕابردوو، بۆیه ئه‌م هێزه‌ی چینی كرێكار وه خواسته‌كان و هه‌لومه‌رجی شۆڕشگێڕانه له‌مساڵدا هه‌رچی زیاتر وه خێراتر پێویستی به هاتنه مه‌یدانی به‌دیلی ڕادیكال و شۆڕشگێڕو كۆمۆنیستیه و كرێكاران هه‌رچیزیاتر به‌ده‌وری خواستی ڕۆژی خۆیه‌وه كۆ ده‌بێته‌وه‌و و به دوای ڕێگا چاره‌ی یه‌كجاره‌كی دا ده‌گه‌ڕێت تا له‌و نه‌هامه‌تییه ڕزگاری بێت . بۆ ئمڕۆ له كاتهێكی تر زیاتر پێویستیمان به پته‌و كردنی ڕیزی چینایه‌تیمانه، ده‌بێت كۆمۆنیسم و ئاسۆی سۆسیالیستی ببێته تاكه ڕێگا چاره‌و ئه‌لته‌رناتیڤی چینی كرێكار بۆ ڕزگاری یه‌كجاره‌كی له چه‌وسانه‌وه.
به‌شداری له‌مه‌راسیمی ئایارو ڕێپێوان و خۆپیشاندانه‌كانی كرێكاراندا، پشتیوانی وبه‌هێزكردنی ناڕه‌زایه‌تیه‌كان وداواكاریه‌كانی كرێكاران و درێژه‌دان به شۆڕشی چینایه‌تیمانه تا به‌دیهێنانی ڕزگاری یه‌كجاره‌كی و نه‌هێشتنی ده‌سه‌ڵاتی كه‌مایه‌تی ٪1 ی كۆمه‌ڵگاو به‌دسته‌وه گرتنی كۆمه‌ڵگا له‌لایه‌ن به‌شه زۆرینه‌كه٪99ی كۆمه‌ڵگاوه.
دووباره ده‌ستان ده‌گوشم هیوای سه‌ركه‌وتن.
سوپاستان ده‌كه‌م
