کۆمۆنیزمی کرێکاری له عێراق و کوردستاندا پێویستی به که‌ناڵێکی ئاسمانی هه‌یه .
سه‌ردار عه‌بدوللا حه‌مه
هه‌موو رۆژه له که‌ناڵه‌کانی ئاسمانیه‌وه هه‌مووشت ده‌بینین جگه له راستیه کان ، به‌و مانایه‌ی ، ئه‌وه‌ی که شاراوه‌یه لایان به‌رژه‌وه‌ندی خه‌لکی ئه‌م ولاته‌یه وه رێگای ده‌رباز بوونیه‌تی له‌و بارو دۆخه‌ی که تیێدا ته‌مه‌ن به سه‌ر ده‌بات گه‌ر شانسی ژیانی هه‌بێ. بارو دۆخێک که ژیانی ئینسان تێیدا که‌مترین به‌های بۆ نیه . هه‌ندێک له که‌ناله‌‌کان فرمێسکی تیمساحی ده‌رێژن بۆ ئه‌و خه‌لکه به‌لام له سه‌رجه‌مدا چ به راسته‌وخۆ یان ناراسته‌وخۆ له دژی به‌رژه‌وه‌ندی کانیان کار ده‌که‌ن.
که‌ناڵێک نابینیت ئه‌و رێگا چاره عه‌مه‌لی و واقیعیه نیشان بدا که ئاوات و ئاره‌زوه‌کانی خه‌لکی سته‌مدیده بێ وه نوێنه‌رایه‌تی یان بکا وه ده‌نگ و ره‌نگی ئه‌وان نیشان بدا وه ئه‌وه پیشان بداڕێگاو هۆی ده‌ربازبوون له ژیانی پڕ کاره‌سات و تیرۆر و مال وێرانی چیه؟ . که‌نالێ نابینی که دوژمنانی به‌رژه‌وه‌ندیه‌کانی کرێکاران ، زه‌حمه‌تکێشان ،مناڵان، ژنان ،لاوان بناسێنێ. که‌ناڵێ نابێنی پێت بڵێ ئه‌وه‌ی ئه‌مرۆ به سه‌ر ئه‌و خه‌لکه‌دا دێ وه‌ک دایناسۆڕێ به‌رۆکی ئه‌و خه‌لکه‌ی گرتووه لێ ی نابێته‌وه ئه‌وه دوو قوتبی تیرۆریستی ئه‌مه‌ریکا و ئیسلامی سیاسیه،ئه‌وه ئه‌مریکاو هاوپه‌یمانه‌کانیه‌تی که به‌هۆی داگیرکاریه‌وه به سه‌ر ئه‌و خه‌لکه‌یدای هێناوه یا ئیسلامی سیایسیه به هه‌ردوو باله‌که‌ی سه‌ر به غه‌رب و دژ به غه‌رب یا قه‌وم په‌رستانی ره‌نگاو ره‌نگن وا بوونه‌ته هۆی درێژه‌دان و ئاڵۆزتر بوونی وه‌زعه‌که.
که‌ناڵێ نابینی که رێگای ئازادی له‌و هه‌ل ومه‌رجه دژواره پیشان بدا وه پێت بلێ رێگای نه‌جات چوونه ده‌ره‌وه‌ی هێزه داگیرکه‌ره‌کانه و چه‌ک کردنی گرووپه چه‌کداره‌کانه و به‌دی هێنانی کۆمه‌لگایه‌کی مه‌ده‌نی یه که ئینسان تێدا وه‌ک هاوڵاتی به‌هره‌مه‌ند بێ له هه‌موو مافێکی ئینسانی خۆی . که‌ناڵی نابینی بڵی سۆشیالیزم هه‌ر ئێستا.
هه‌ر له به‌ر ئه‌و هۆیانه‌یه ده‌بێ ئه‌و لایه‌نه‌ی که نوێنه‌ری کۆمۆنیزمی کرێکاری و هه‌لگری په‌یامی مارکس و مه‌نسورحیکمه‌ته له راستیدا ده‌بێ هه‌وڵی جیددی بدا بۆ دامه‌زراندنی که‌ناڵێکی ئاسمانی له‌و جۆره . ده‌بێ که‌ناڵیك بێ وه‌ڵام به خواستی ئه‌مرۆی خه‌لک بداته‌وه ، که‌ناڵێک بێ ده‌نگی ناره‌زایه‌تیه‌کانی کرێکاران بێ وه ده‌نگیان به یه‌کتر بگه‌یه‌نی، که‌ناڵێک بێ په‌یامی ناره‌زایه‌تیه‌کانی خه‌لکی جیهان له دژی شه‌ر و مالوێرانی داگیرکه‌رانی ئه‌مریکا بگه‌یه‌نێ وه پستیوانیه‌کانیان به گوێی خه‌لکی عێراق و کوردستان بگه‌یه‌نێ ، که‌نالێک بێ ئیسلامی سیاسی و ناسیونالیزم ووتایفه گه‌ری وشه‌ڕی ئه‌مانه ریسوا بکا . که‌ناڵێک بێ له گه‌ل ئاره‌زووی ژنان و لاوان بێ وه بتوانێ کۆ‌مه‌لگا بخاته‌وه سه‌ر دۆخی ته‌مه‌دون و سکۆلاریزم . وه ده‌بێ که‌ناڵێک بێ که ده‌نگی سۆشیالیزم حکومه‌تی کرێکاری و دونیا‌که‌ی باشتر بێ.
ئه‌م ئه‌رکه له سه‌ر شانی حیزبی کۆمۆنیستی کرێکاری چه‌پی عێراقه ده‌بێ هه‌وڵی جیددی بۆ بدا و له زووترین کاتدا ئه‌م که‌ناله دامه‌زرێنی و به جۆرێک بێ که کۆمه‌ڵانی ملیۆنی خه‌ڵک له‌سه‌رتاسه‌ری عیراقدا بتوانن رۆژانه چاوی لێ بکه‌ن و به‌رنامه‌ی خۆی به هه‌ردوو زبانی عه‌ره‌بی و کوردی بڵاو کاته‌وه به ئومێدی سه‌رکه‌و‌تن له‌م پڕۆژه‌یه‌دا.
13/62007