تاڵانی یان گه‌نده‌ڵی ؟!
كاروان نه‌جمه‌دین
دیارده‌ی گه‌نده‌ڵی كه‌ به‌رهه‌می خودی نیزامێكه‌ كه‌ له‌ ناوه‌رۆكدا سه‌رتاپای نیزامه‌كه‌ بۆ میژینی خوێنی خه‌ڵكی كرێكار و زه‌حمه‌تكێشی كۆمه‌ڵگه‌ و به‌تالێنبردنی به‌رهه‌می ڕه‌نجی ئه‌وان و سه‌روه‌تو سامانی كۆمه‌ڵگه‌ بنیاتنراوه‌ له‌هه‌مانكاتدا ئه‌م زاراوه‌یه‌ (گه‌نده‌لی )یانكردۆته‌ وه‌سیله‌یه‌ك بۆ په‌رده‌پۆشكردنی تالێنوبڕۆیه‌ك كه‌ به‌ئاشكرا له‌لایه‌ن به‌ڕوه‌به‌رانی نیزام و ئه‌حزابه‌ ده‌سه‌لێتداره‌كانیانه‌وه‌ ئه‌نجام ده‌درێت ، ئێستا له‌به‌ر چه‌ند هۆیه‌ك باسی گه‌نده‌ڵی له‌كوردستان سه‌ره‌ڕای ئه‌وه‌ی جێگه‌ی باسی زۆرێك له‌ ڕاگه‌یاندنه‌كانه‌ له‌هه‌مانكاتدا خودی ئه‌حزابی ده‌سه‌لێتدار خه‌ریكی ئاشكراكردنی هه‌ندێك مه‌له‌فن كه‌ هی هاوڕێ و ڕابه‌رایه‌ته‌یكانی پێشویان و ڕه‌خنه‌گرانی ئێستایانن ، كه‌ ده‌مێك ساڵه‌ خه‌ڵكی كوردستان ئه‌و ڕاستیه‌یان ئاشكراكردوه‌ و له‌ مێژه‌ ئه‌ڵێن ئه‌وانه‌ خه‌ریكی كه‌ڵكه‌كردنی سه‌رمایه‌كانیانن له‌سه‌ر سفره‌و داهاتی ئێمه‌ و منداڵه‌كانمان ، به‌لێم ئه‌وانه‌ی ئێسته‌ خه‌ریكن به‌ كه‌شفكردنی تالێنیه‌كانی دۆسته‌كانی دوێنێ و موخالیفه‌كانی ئێستاسان ئه‌یانه‌وێت ڕوی دۆسته‌كانی ئه‌ڕۆیان سپی ڕابگرن و بیانكه‌نه‌ پارێزه‌ری سامانی خه‌ڵكی هه‌ر له‌سه‌ر ئه‌وانه‌ی پێشو خه‌ریكی چاو سوركردنه‌وه‌ و تۆقاندنی خه‌ڵك بون ، وه‌ ئێستاش پشكی شێر له‌و تالێنه‌یدا به‌ده‌س خۆیانه‌. ئه‌وه‌ی جێگه‌ی سه‌رنجه‌ ئه‌وه‌یه‌ كه‌ به‌داخه‌وه‌ ته‌بلیغاتی ئه‌حزابی ده‌سه‌لێتدار له‌كوردستان بۆ خۆڵكردنه‌ چاوی خه‌ڵك زۆرێك له‌ ڕاگه‌یاندنه‌كانیشی گرتۆته‌وه‌ ، ئه‌مه‌ جگه‌ له‌و ڕۆشنبیر و قه‌ڵه‌م به‌ده‌ستانه‌ی كه‌ هه‌ده‌ف مه‌ندانه‌ له‌ژێرناوی گه‌نده‌ڵیدا خه‌ریكی په‌رده‌پۆشكردنی تالێنیه‌كن كه‌ به‌ ئاشكرا له‌ كوردستان به‌رده‌وامی هه‌یه‌ ، چونكه‌ ئه‌وه‌ی له‌كوردستان ناویاناوه‌ گه‌نده‌ڵی و بره‌وه‌ی پێده‌ده‌ن له‌ڕاستیا گه‌نده‌ڵی نیه‌ ، چونكه‌ گه‌نده‌ڵی له‌ ناو داموده‌زگای مۆدێرنترین ولێت و ستاندادترین ده‌وڵه‌تدا هه‌یه‌ ، به‌لێم ئه‌وه‌ی له‌كوردستان 18ساڵی ڕبوردوو گوزه‌راوه‌ و ئێستا به‌ ڕیًگه‌ی یاسایی و پاروی گه‌وره‌تر به‌رده‌وامی پێ ئه‌درێت له‌ڕاسیدا تالێنیه‌كی ئاشكراو بێ په‌رده‌یه‌ نه‌ك گه‌نده‌ڵی.