سه‌باره‌ت به كێشمه‌كێشی ده‌سه‌لآت
له نێوان باڵه تیرۆریسته‌كان له رۆژهه‌لآتی ناوه‌ڕاست و فه‌له‌ستیندا
به‌و پێ یه‌ی كه حیزبی كۆمۆنیستی كرێكاری چه‌پی عێراق حیزبێكه له ئاستی عێراقدا
یه ئه‌و ئه‌رك و مه‌هامانه‌ی ده‌كه‌وێته سه‌رشان كه بۆ چاره‌سه‌ری گرفت و
كێشه‌كانی ڕۆژهه‌لآتی ناوه‌ڕاست و جیهانی عه‌ره‌بی پێویسته. هه‌ر له به‌ر
ئه‌وه‌یه حیزب خۆی به به‌ر پرسیار ئه‌زانێ كه ڕۆڵێكی ڕاسته‌وخۆی هه‌بێ له
چاره‌سه‌ری كێشه‌ی فه‌له‌ستیندا وه‌ك یه‌كێ له كێشه بێ چاره‌كان كه ژیانی ئه‌و
خه‌ڵكه‌ی پێوه گرێ دراوه وه كاركردی خۆی هه‌بووه له كێشمه‌كێشه سیاسیه‌كاندا
كه بۆ ماوه‌ی چه‌ند ده‌یه‌كه درێژه‌ی كێشاوه وه بووه به هۆیه‌ك تا ئیسرایل
سیاسه‌ته ره‌گه‌زپه‌رستیه‌كانی و زوڵم له دژی خه‌ڵكی فه‌له‌ستین درێژه پێ بدات
له ژێر ناوی ((نیشتمانی به‌ڵێن پێدراء )). له لایه‌كی تره‌وه مانه‌وه‌ی ئه‌م
كێشه‌یه بووه‌ته هۆی ئه‌وه‌ی لایه‌نه جیاجیاكانی ناسیۆنالیستی عه‌ره‌بی و
ئیسلامی سیاسی جه‌ماوه‌ر بۆ خۆیان هه‌ڵخرێنن له ژێر ناوی دژایه‌تی (( زایۆنیزم ))
وه باڵی ڕه‌شی خۆیان بكێشن به سه‌ر ئه‌و كۆمه‌ڵگایه‌دا و وه‌ك هێزیكی كۆنه‌په‌رست
خۆیان به‌رهه‌م بێننه‌وه.
مه‌كته‌بی سیاسی حیزبی كۆمۆنیستی كرێكاری ئێران له‌م باره‌وه وه له به‌رواری 20
ی ئه‌یلولی 2006 بریار نامه‌یه‌كی په‌سه‌ند كرد به ناوی ((بریار نامه سه‌باره‌ت
به‌كێشمه‌كێشی باڵه تیرۆریسته‌كان له ڕۆژهه‌لآتی ناوه‌راست و له فه‌له‌ستین دا
)) ئێمه‌ش خۆمان به هاوڕایان ده‌زانین وه ئه‌م بریارنامه به‌نه‌خشه‌كاری
عه‌مه‌لی خۆمانی ده‌زانین بۆ ده‌خاله‌ت كردن له‌و بارودۆخه سیاسیه‌ی كه ناو
ده‌برێ به ( قه‌یرانی ڕۆژهه‌لآتی ناوه‌ڕاست ) ئه‌مه له پێناو چاره‌سه‌رێكی
ریشه‌یی و جیددی ئه‌و قه‌یرانه.
حیزبی كۆمۆنیستی كرێكاری چه‌پی عێراق بانگه‌وازی سه‌رجه‌م چه‌په‌كان و
عه‌لمانیه‌كان وئازادیخوازان و كۆمۆنیسته‌كان ده‌كات بۆ كۆبوونه‌وه‌یان له ده‌وری
ئه‌م بریاره وه پێكهێنانی قوتبێك له دژی هه‌ردوو باڵی كێشه‌كه , واته باڵی
راست له ئیسرایل و باڵی ئیسلامی سیاسی و ناسیۆنالیزمی عه‌ره‌بی له فه‌له‌ستین ,
وه له پێناو وه‌لا نانی ده‌وری ئه‌م بالآنه و تا گه‌یشتن به چاره‌سه‌رێكی
ریشه‌یی كێشه‌ی فه‌له‌ستین و تا به‌دی هاتنی رۆژهه‌لآتێكی ناوه‌راستی ئازاد و
یه‌كسان و سۆشیالیست.
ده‌قی بڕیانامه‌كه :
1_ ده‌وڵه‌تی ئیسرایل هه‌ر له سه‌ره‌تای پێكهاتنی یه‌وه ده‌ستی داوه‌ته
ده‌ركردنی خه‌ڵكی فه‌له‌ستین له جێگای خۆیان و هیچ مافێكی به ره‌سمی نه‌ناسیون
چونكه هه‌ڵگری سیاسه‌تی پاوانخوازی و سه‌ركوتگه‌رانه بووه. ئه‌مه كێشه‌ی
فه‌له‌ستینی دروستكردووه و چاره‌سه‌ریش نه‌كراوه. بۆ نه‌مانی ئه‌م كێشه‌یه ده‌بێ
سه‌ره‌تا هێزه‌كانی ئیسرایل له ناوچه داگیر كراوه‌كانی فه‌له‌ستین بێ ئه‌ملاولا و
ده‌ست به‌جێ بكشێنه‌وه و وه به ره‌سمی دان بنێ به‌ده‌وڵه‌تی ئازاد و سه‌ربه‌خۆی
فه‌له‌ستیندا. بنه‌ما و پره‌نسیبه‌كانی ئه‌م رێگاچاره‌یه له بریانامه‌ی په‌سه‌ند
كراوه‌ی مه‌كته‌بی سیاسی حیزب له ساڵی 2002 به‌ناوی (بریار له سه‌ر كێشه‌ی
فه‌له‌ستین )خراوه‌ته ڕوو.
ئه‌مه‌یه رێگای كۆتایی هێنان به ملهوریه‌كانی ئیسرایل بۆ ماوه‌ی نیو سه‌ده به
سه‌ر خه‌ڵكی فه‌له‌ستیندا وه ئه‌و سه‌رچاوه‌یه ووشك ده‌بێ كه ئیسلامی سیاسی و
ناسیونالیزمی عه‌ره‌بی هێزی لێوه ئه‌گرن وه پێوه‌ی پایه‌دار ده‌بن وه رێگا
ئاوه‌لآ ده‌بێ بۆ خه‌باتێكی چینایه‌تی خه‌ڵكی فه‌له‌ستین و خه‌ڵكی ئیسرایل و
سه‌رجه‌م خه‌ڵكی رۆژهه‌لآتی ناوه‌راست بۆ گه‌یشتن به كۆمه‌ڵگایه‌كی ئازاد و
یه‌كسان و سۆشیالیزم.
2_ بوونی لایه‌نه راست وتوندره‌وه‌كان له ئیسرایل و لایه‌نه‌كانی ئیسلامی سیاسی
له فه‌له‌ستین كۆسپێكی گه‌وره‌یه له به‌رده‌م چاره‌سه‌ری كێشه‌ی فه‌له‌ستیندا
,به هاتنه مه‌یدانی ئه‌م دوو هێزه كۆنه‌په‌رسته پرۆسه‌ی ئاشتی را گیراوه , رق
و كینه‌ی قه‌وم په‌رستی و مه‌زهه‌بی زیاتر بووه , به‌هۆی هاندانی هێزه‌كانیان بۆ
شه‌ڕنانه‌وه كینه‌و دژایه‌تی كردنی یه‌كتر ی په‌یدا بووه له ناو خه‌ڵكی هه‌ردوو
لا. پرۆسه‌ی ئاشتی سه‌ره‌رای خاسیه‌ته روو كه‌شیه‌كانی , ده‌كرێ ببێته هۆی سووك
كردنی سته‌می واقیعی سه‌ر خه‌ڵكی فه‌له‌ستین وه یاریده‌ده‌ره بۆ نه‌مانی كوشتاری
مه‌ده‌نی خه‌ڵكی هه‌ردوولا وه بۆ گه‌یشتن به ده‌وڵه‌تی سه‌ر به خۆی فه‌له‌ستین
بۆیه ده‌بێ جارێكی تر كاری له سه‌ر بكرێته‌وه و گۆرانگاری تێدا بكرێ تا ئاستی
گه‌یشتن به پێكهاتنی ده‌وڵه‌تی سه‌ربه‌خۆی فه‌له‌ستین وه ئه‌مه‌ش په‌یوه‌ندی
هه‌یه به‌وه‌ی تا چه‌نده ئه‌مه‌ریكاو ئیسرایل ده‌خرێنه ژیرَ فشاری جیهانی
ئازادیخوازان و عه‌لمانی یه‌كان لایه‌نگرانی ئاشتی و سه‌رجه‌م ئه‌نتی لایه‌نه
راستره‌و توندره‌وه‌كان و ئیسلامی یه‌كانی هه‌ردوولا.
3_ له هه‌ل ومه‌رجی ئێستادا بوون و هاتنه مه‌یدانی لایه‌نه راستره‌و و مه‌زهه‌بی
یه‌كان له ئیسرایل و فه‌له‌ستین ده‌گه‌ڕێته‌وه بۆ كێشمه‌كێشی ریشه‌یی له نێوان
باڵه‌كانی بۆرژوازی جیهانی بۆ یه‌كلا كردنه‌وه‌ی نه‌زمی نوێ ی جیهان له دونیا.
ئه‌م كێشمه‌كێشه له سه‌ر ئاستی جیهان به گشتی و له سه‌ر ئاستی رۆژهه‌لآتی
ناوه‌راست به تایبه‌تی له دوای 11 سیپته‌مبره‌وه ده‌ستی پێ كرد له نێوان هه‌ر
دوو باڵی ئیسلامی سیاسی و تیرۆریسمی ده‌وڵه‌تی ئه‌مه‌ریكا و هاپه‌یمانانی.
دوای هه‌ره‌س هێنانی ئوردوگای ڕۆژهه‌لآت وه به تایبه‌ت له پاش 11 سیپته‌مبه‌ر
بزووتنه‌وه‌ی كۆنه‌په‌رستی ئیسلامی سیاسی كه خۆی ده‌ستكرد و ده‌سكه‌لای ئه‌مه‌ریكا
و هاوپه‌یمانی بوو بۆ دژایه‌تی كردنی چه‌پ و كۆمۆنیزم له رۆژهه‌لآتی ناوه‌راست و
وولآته دراوسێكانی یه‌كێتی سۆڤیه‌ت ئه‌مڕۆ بووه ته قوتبێكی تیرۆریستی وه
بووه‌ته باڵێكی سه‌ره‌كی له كێشمه‌كێشه‌كانی بۆرژوازی له ڕۆژهه‌لآتی ناوه‌راست
دا وه له‌م كێشه‌دا ده‌یه‌وێ بالآ ده‌ستی په‌یدا بكات , له هه‌موو ئاڵوگۆره‌كانی
رۆژهه‌لآتی ناوه‌راست دا به دوای ئه‌ء ئامانجه‌وه‌یه.
هێرشی سه‌ربازی ئه‌مه‌ریكاو هاوپه‌یمانانی بۆ سه‌ر عێراق وه كردنه‌وه‌ی ده‌ستی
ئیسلامی یه‌كان له‌م وولآته‌دا , گه‌یشتنی حه‌ماس به ده‌سه‌لآت له فه‌له‌ستین ,
ناكۆكی ئه‌مه‌ریكا و جمهوری ئیسلامی ئێران له سه‌ر مه‌سه‌له‌ی چه‌كی ئه‌تۆم , دوا
تر جه‌نگی سی وچوار رۆژه له لوبنان و ئه‌مانه ئیسلامی سیاسیان به هێز كرد له‌م
ناوچه‌یه‌دا ئه‌مه ئه‌نجامی ئه‌و به‌ر به‌ره‌كانێ ی نێوان هه‌ردوو باڵی تیرۆریستی
یه , له هه‌مان كاتدا ئه‌مانه فاكتۆری بنه‌ره‌تین كه به كار ده‌هێنرێن و بار و
دۆخی ناوچه‌كه‌ی پێ ئاڵۆز ده‌كرێ و ناو ده‌برێ به ((قه‌یرانی رۆژهه‌لآتی ناوه‌راست
)). له به‌ره‌نجامی ئه‌م ناكۆكی وكێشانه‌ی نێوان ئیسلامی سیاسی و ئه‌مریكا ڕێگا
ئاوه‌لآ بووه كه بزووتنه‌وه ئیسلامی یه‌كانی وه‌ك حه‌ماس و حیزب الله بێنه
مه‌یدان به‌رگی به‌رهه‌ڵستكار و رزیگاری به‌خش بپۆشن وه به‌و ناوه‌وه سیاسه‌ته
تیرۆریستیه‌كانیان و كۆنه‌په‌رستانه‌كانیان درێژه پێ بده‌ن , ئه‌مه له لایه‌ك ,
له لایكی تره‌وه ده‌وڵه‌تی ئیسرایلیش درێژه بدا به سیاسه‌ته
سه‌ركوتگه‌ریه‌كانی و هێرشه سه‌ربازیه‌كانی بۆ سه‌ر خه‌ڵكی فه‌له‌ستین وه
سیاسه‌ته وه‌حشیگه‌ریه‌كانی له ژێر ناوی دیفاع له دیموكراتی و دژایه‌تی تیرۆر
به دروست نیشان بدا.
له سه‌رجه‌م ناوچه‌كانی رۆژهه‌لآتی ناوه‌راستدا هه‌ردوو باڵی تیرۆریستی فاكتۆرن و
زه‌مینه بۆ یه‌كتر ساز ئه‌كه‌ن بۆ هێز كردنی یه‌كتر.
4_ ئیسلامی سیاسی یه‌كێكه له كۆسپه سه‌ره‌كی یه‌كانی به‌رده‌م چاره‌سه‌ری كێشه‌ی
فه‌له‌ستین هه‌تا بالآده‌ستی ئیسلامی سیاسی به سه‌ر كۆمه‌ڵگای فه‌له‌ستیندا زیاتر
بێ چاره‌سه‌ری كێشه‌ی فه‌له‌ستین سه‌خت تر ده‌بێ .
بزووتنه‌وه‌كانی ئیسلامی سیاسی به هۆی بوونی زوڵم و سته‌م له سه‌ر خه‌ڵكی
فه‌له‌ستین دروست بوون و گه‌شه‌یان كردووه وه سوودمه‌ند بوون له‌و كێشه‌یه له
پێناو پیاده‌كردنی سیاسه‌ته كۆنه‌په‌رستانه‌كانیان ,وه سوود مه‌ند بوون له
مانه‌وه‌ی قه‌یرانی جه‌نگ و ناكۆكیه‌كان له سه‌ر مه‌سه‌له‌ی فه‌له‌ستین چونكه
سه‌رچاوه‌ی به‌هێز بوونیانه هه‌ر له به‌ر ئه‌وه‌یه كارده‌كه‌ن تا ئه‌م كێشه یه
وه‌ك خۆی بمێنێته‌وه.
ئه‌نجام دانی كاری تیرۆریستی له دژی خه‌ڵكی ئیسرایل و هاندان بۆ دروست كردنی رق و
كینه‌ی قه‌ومی و دینی له نێوان خه‌ڵكی عه‌ره‌ب و جووله‌كه‌دا , وه به ره‌سمی
نه‌ناسینی ده‌وڵه‌تی ئیسرایل و سرینه‌وه‌ی ئه‌م ده‌وڵه‌ته , وه بانگه‌واز بۆ
هه‌ڵگیرساندنی شه‌ڕ له رۆژهه‌لآتی ناوه‌راستدا له لایه‌ن ئه‌م هێزه ئیسلامی
یانه‌وه ئه‌مانه بوونه‌ته كۆسپ له به‌رده‌م چاره‌سه‌ری كێشه‌ی فه‌له‌ستیندا.
هه‌ر به بۆنه‌ی مانه‌وه‌ی ئه‌و كێشه‌یه‌وه هه‌ردوولا واته ئیسلامی سیاسی و
لایه‌نه راستره‌وتوندره‌وه‌كانی ئیسرایل ته‌واو كه‌ری یه‌كترن و به‌هێز كه‌ری
یه‌كترن به هه‌مان ئه‌ندازه.
بۆیه ده‌بێ ده‌وری ئه‌م دوو لایه‌نه به‌لاوه بنرێ ئه‌ویش به هاتنه مه‌یدانی
هێزه‌كانی چه‌پ و عه‌لمانی و ئازادیخوازه‌كان.
ناوه‌راستدا , رێگا چاره‌ی خۆی بۆ به دی هێنانی یه‌ك ڕۆژهه‌لآتی ناوه‌راستی
مه‌ده‌نی و عه‌لمانی و ئازاد و یه‌كسان ڕاده‌گه‌یه‌نێ وه له پێناو ئه‌مه‌دا
خه‌بات ده‌كات. پێشمه‌رجی پێویست و ده‌ست به جێی ئه‌مه‌ش پێكهاتنی ده‌وڵه‌تی
سه‌ربه‌خۆ و ئازاد و یه‌كسانیخوازی فه‌له‌ستینه حیزب به دوای به‌جێهێنان و
چه‌سپاندنی ئه‌م ئامانجه‌وه ده‌بێ كه كێشه‌ی فه‌له‌ستین له ژێر پێی
ئه‌نجامده‌رانی شه‌ڕی ده‌سه‌لآتخوازی باڵه تیرۆریستی یه‌كان ده‌ربكێشرێ بدرێته
ده‌ست ڕای گشتی و لایه‌نه چه‌پ و پێشكه‌تووخوازه‌كانی جیهان , هه‌ر لێره‌وه
ده‌كرێ چاره‌سه‌ری واقعیانه‌ی قه‌یرانی رۆژهه‌لآتی ناوه‌راست. ده‌بێ له به‌رانبه‌ر
هێرشی سه‌ربازی ئیسرایل و ئه‌مریكا و هاپه‌یمانانی پێكه‌وه رابوه‌ستین وه فشار
بخرێته سه‌ر یان دا تا ره‌سمیه‌ت بده‌ن به ده‌وڵه‌تی سه‌ربه‌خۆی فه‌له‌ستین وه
ده‌بێ فشار له سه‌ر ده‌وڵه‌تی ئیسرایل دا بنرێ تا له ناوچه داگیر كراوه‌كانی
فه‌له‌ستین ده‌ست به‌جێ و بێ قه‌ید و شه‌رت بكشێته‌وه وه‌ده‌وڵه‌تی سه‌ربه‌خۆی
فه‌له‌ستین به ره‌سمی بناسێ. ده‌بێ فشار له سه‌ر هه‌ردوو باڵی راستره و و
توندره‌و له ئیسرایل و حه‌ماس و حیزب الله دابنرێ تا ئاستی هێنانه خواره‌وه‌یان
له بالآده‌ستیان و له كه‌نار خستنیان. ده‌بێ ئه‌و رق وكینه كۆنه‌په‌رستانه‌یه
كه ئه‌مریكاو ئیسرایل و حه‌ماس وبزووتنه‌وه ئیسلامی یه‌كان دروستی ده‌كه‌ن ریسوا
بكرێ و له ناو ببرێ. وه ده‌بێ له به‌رانبه‌ر ئیسرایل و ئه‌مریكادا ره‌خنه‌ی چه‌پ
و رادیكاڵ بالآده‌ستی خۆی په‌یدا بكات. بۆ ئه‌مه‌ش ده‌بێ لایه‌نه چه‌پ و
ئازادیخوازه‌كان له ده‌وری یه‌ك كۆ ببنه‌وه وه یه‌كگرتووانه بێنه مه‌یدانه‌وه
بۆ وه‌ستانه‌وه له به‌رانبه‌ر هه‌ردوو قوتبی تیرۆریستی چ له رۆژهه‌لآتی
ناوه‌راست بێ یا له ئاستی جیهان دا بێ. چاره‌سه‌ری كێشه‌ی فه‌له‌ستین به‌نده به
ئاماده بوون و هاتنه مه‌یدانی ئه‌م لایه‌نانه و سه‌رجه‌م لایه‌نه‌كانی سه‌ر به
ئوردوگای سێیه‌م.
حیزبی كۆمۆنیست كرێكاری رێكخستنی ئۆردوگای سێ یه‌م وه هه‌ڵخرادنی له به‌رانبه‌ر
هه‌ردوو باڵی تیرۆریست به ئه‌ركی ده‌ست به جێ ی خۆی ده‌زانێ وه هه‌ر لێره‌وه
بانگه‌وازی سه‌رجه‌م لایه‌ن و رێكخراوه‌كانی چه‌پ و عه‌لمانی و ئازادیخواز ده‌كات
بۆ په‌یوه‌ست بوون به‌م بزووتنه‌وه‌یه‌وه.
ته‌كید له‌وه ده‌كه‌ینه‌وه كه به دی هاتنی ئازادی و یه‌كسانی واقیعی له‌م
كۆمه‌ڵگایانه‌دا گرێ دراوه به هاتنه دی سۆشیالیزمه‌وه , چاره‌سه‌ری كێشه‌ی
فه‌له‌ستین زه‌مینه خۆش ده‌كات بۆ خه‌باتی كرێكاران و زه‌حمه‌تكێشان له پێناو
سۆشیالیزمدا.
مه‌كته‌بی سیاسی حیزبی كۆمۆنیستی كرێكاری چه‌پی عێراق
5 ی تشرینی دووه‌می
5_ حیزبی كۆمۆنیستی كرێكاری له به‌رانبه‌ر ئه‌و كۆنه‌په‌رستی یه‌ی جه‌نگی
ده‌سه‌لآتخوازی له نێوان باڵه تیرۆرسیته‌كان له رۆژهه‌لآتی ناوه‌راستدا , رێگا
چاره‌ی خۆی بۆ به دی هێنانی یه‌ك ڕۆژهه‌لآتی ناوه‌راستی مه‌ده‌نی و عه‌لمانی و
ئازاد و یه‌كسان ڕاده‌گه‌یه‌نێ وه له پێناو ئه‌مه‌دا خه‌بات ده‌كات. پێشمه‌رجی
پێویست و ده‌ست به جێی ئه‌مه‌ش پێكهاتنی ده‌وڵه‌تی سه‌ربه‌خۆ و ئازاد و
یه‌كسانیخوازی فه‌له‌ستینه حیزب به دوای به‌جێهێنان و چه‌سپاندنی ئه‌م
ئامانجه‌وه ده‌بێ كه كێشه‌ی فه‌له‌ستین له ژێر پێی ئه‌نجامده‌رانی شه‌ڕی
ده‌سه‌لآتخوازی باڵه تیرۆریستی یه‌كان ده‌ربكێشرێ بدرێته ده‌ست ڕای گشتی و
لایه‌نه چه‌پ و پێشكه‌تووخوازه‌كانی جیهان , هه‌ر لێره‌وه ده‌كرێ چاره‌سه‌ری
واقعیانه‌ی قه‌یرانی رۆژهه‌لآتی ناوه‌راست. ده‌بێ له به‌رانبه‌ر هێرشی سه‌ربازی
ئیسرایل و ئه‌مریكا و هاپه‌یمانانی پێكه‌وه رابوه‌ستین وه فشار بخرێته سه‌ر یان
دا تا ره‌سمیه‌ت بده‌ن به ده‌وڵه‌تی سه‌ربه‌خۆی فه‌له‌ستین وه ده‌بێ فشار له
سه‌ر ده‌وڵه‌تی ئیسرایل دا بنرێ تا له ناوچه داگیر كراوه‌كانی فه‌له‌ستین ده‌ست
به‌جێ و بێ قه‌ید و شه‌رت بكشێته‌وه وه‌ده‌وڵه‌تی سه‌ربه‌خۆی فه‌له‌ستین به
ره‌سمی بناسێ. ده‌بێ فشار له سه‌ر هه‌ردوو باڵی راستره و و توندره‌و له ئیسرایل
و حه‌ماس و حیزب الله دابنرێ تا ئاستی هێنانه خواره‌وه‌یان له بالآده‌ستیان و
له كه‌نار خستنیان. ده‌بێ ئه‌و رق وكینه كۆنه‌په‌رستانه‌یه كه ئه‌مریكاو
ئیسرایل و حه‌ماس وبزووتنه‌وه ئیسلامی یه‌كان دروستی ده‌كه‌ن ریسوا بكرێ و له ناو
ببرێ. وه ده‌بێ له به‌رانبه‌ر ئیسرایل و ئه‌مریكادا ره‌خنه‌ی چه‌پ و رادیكاڵ
بالآده‌ستی خۆی په‌یدا بكات. بۆ ئه‌مه‌ش ده‌بێ لایه‌نه چه‌پ و ئازادیخوازه‌كان له
ده‌وری یه‌ك كۆ ببنه‌وه وه یه‌كگرتووانه بێنه مه‌یدانه‌وه بۆ وه‌ستانه‌وه له
به‌رانبه‌ر هه‌ردوو قوتبی تیرۆریستی چ له رۆژهه‌لآتی ناوه‌راست بێ یا له ئاستی
جیهان دا بێ. چاره‌سه‌ری كێشه‌ی فه‌له‌ستین به‌نده به ئاماده بوون و هاتنه
مه‌یدانی ئه‌م لایه‌نانه و سه‌رجه‌م لایه‌نه‌كانی سه‌ر به ئوردوگای سێیه‌م.
حیزبی كۆمۆنیست كرێكاری رێكخستنی ئۆردوگای سێ یه‌م وه هه‌ڵخرادنی له به‌رانبه‌ر
هه‌ردوو باڵی تیرۆریست به ئه‌ركی ده‌ست به جێ ی خۆی ده‌زانێ وه هه‌ر لێره‌وه
بانگه‌وازی سه‌رجه‌م لایه‌ن و رێكخراوه‌كانی چه‌پ و عه‌لمانی و ئازادیخواز ده‌كات
بۆ په‌یوه‌ست بوون به‌م بزووتنه‌وه‌یه‌وه.
ته‌كید له‌وه ده‌كه‌ینه‌وه كه به دی هاتنی ئازادی و یه‌كسانی واقیعی له‌م
كۆمه‌ڵگایانه‌دا گرێ دراوه به هاتنه دی سۆشیالیزمه‌وه , چاره‌سه‌ری كێشه‌ی
فه‌له‌ستین زه‌مینه خۆش ده‌كات بۆ خه‌باتی كرێكاران و زه‌حمه‌تكێشان له پێناو
سۆشیالیزمدا.
مه‌كته‌بی سیاسی حیزبی كۆمۆنیستی كرێكاری چه‌پی عێراق
5 ی تشرینی دووه‌می 2006