کۆمه‌ک و پشتیوانی له شۆڕشی ئێستای جه‌ماوه‌ری ئێران
ئێران له ماوه‌ی 9 مانگی پێشودا شۆڕشێکی جه‌ماوه‌ری به خۆوه گرتووه له دژی جمهوری ئیسلامی .له پاش ڕووداوه‌کانی 27 ی دیسه‌مبه‌ری 2009 "عاشورا"و " رۆژی قودس" شۆڕشی ئێڕان له قۆناغی توڕه‌یی وناره‌زایه‌تی گۆڕدرا بۆ قۆناغی هێرشی راشکاوانه بۆ سه‌ر جمهوری ئیسلامی و هێزه سه‌رکوت گه‌ره‌کانی وه له هه‌وڵی ڕووخاندنیدایه.
ئامانجه‌کانی ئه‌م شۆڕشه وڕێڕه‌وه‌کانی ئینسانین .شۆڕشێکه له دژی دیکتاتۆری و سه‌رکوت ، شۆڕشێکه له دژی ئیسلامی سیاسی و یاساکانی شه‌ریعه‌ت، شۆڕشێکه له دژی کۆیله کردنی ژنان و ئاپارتایدی ره‌گه‌زی ئیسلامی ، شۆڕشێکه له پێناو ئازادی ڕاده‌ربڕین و ئازادی بێ قه‌یدو شه‌رتی سیاسی ، شۆڕشێکه له دژی حوکمی ئیعدام و یاساکانی شه‌ریعه له ئه‌شکه‌نجدان و شه‌لاق و به‌ردباران ، شۆڕشێکه له دژی هه‌ژاری و برسی کردنی ملیۆنه‌ها که‌س، شۆڕشێکه‌له دژی بێبه‌شیه‌کانی کرێکاران له کرێ و مافه سه‌ره‌کیه‌کانیان، وه ئه‌م شۆڕشه شۆڕشێکی چه‌پیه چونکه‌دژی ده‌خاله‌تی دینه له ده‌وڵه‌ت و له کۆمه‌ڵگادا و وه بوار ئه‌ره‌خسێنێ بۆ سه‌رجه‌م مافه‌کانی تاک و مافه کۆمه‌ڵایه‌تیه‌کان.
شۆڕشی ئێستای ئێران شۆڕشێکی ناوچه‌یی و جیهانیه له سنوری جوگرافیایی سیاسی ئێران واوه تره ، سه‌رکه‌وتنی ئه‌و شۆڕشه ئاسۆ بۆ ئازادیخوازی و رادیاکالیزم له عێراق و ناوچه‌که‌و جیهاندا ده‌کاته‌وه له پێناو گه‌رانه‌وه‌ی جه‌ماوه‌ر بۆ ئیراده‌ی خۆی و توانای خۆی بۆ چاره‌نوسی ئاینده‌ی خۆی ،یه‌که‌م شتێ که روو ئه‌دا له دوای سه‌رکه‌وتنی ئه شۆڕشه ووشک بوونی ئه‌و سه‌رچاوانه‌یه که ئیسلامی سیاسی لێوه دێ و توانای ئه‌و ناهێڵێ له درێژه دان به کۆنترۆڵ کردنی ئه‌و به سه‌ر بارودۆخه‌کاندا و حوکم بکا له ڕێگای میلیشیاکانیان و مافیاکانیانه‌وه. شۆڕشی ئێران له ریشه‌وه له ده‌ماری ئیسلامی سیاسی ده‌دات له سه‌ر ئاستی جیهانی و نیوخۆیی .
سه‌رکه‌وتنی شۆڕشی ئێران راسته‌وخۆ کاریگه‌ری ده‌بێ له سه‌ر به‌رژوه‌ندیه‌کانی خه‌ڵکی عێراق و ناوچه‌ی رۆژهه‌ڵاتی ناوه‌راست و دۆنیای عه‌ره‌ب ، وه توانایی چینی کرێکارو خه‌لکی زه‌حمه‌تکێش به هێز ده‌کا و وه‌مه‌یلی کۆمه‌ڵگه زیاد ده‌بێ بۆ چه‌پ و سۆشیالیزم و کۆمۆنیزم و رادیاکلیزم وه بوار ده‌کاته‌وه بۆ ئه‌وه‌ی خواستی یه‌کسانی ژن و پیاو بکرێته خواستێکی جیهانی . وه به هۆی له مه‌یداندا بوونی حیزبی ئێمه تواناکانی خه‌لکی عێراق زیاتر ده‌بێ بۆ رزگار بوون له هێزو لایه‌نه به‌ربه‌ریه‌کانی ئیسلامی سیاسی و قه‌ومیه‌کان وه ئه‌م شۆڕشه توانای خه‌لک بۆ سه‌پاندنی ئیراده‌یان و به دی هێنانی سۆشیالیزم و سه‌دان جار به‌هێز تر ده‌کات.
له سه‌ر ئه‌م بنه‌مایانه حیزبمان بریاری دا هه‌ستێ به :
1_ کۆمه‌کێکی ته‌واوی شۆڕشی خه‌ڵکی ئێران و خه‌باتیان له پێناو روخاندنی جمهوری ئیسلامیدا.
2_ کۆکردنه‌وی کۆمه‌ک و لایه‌نگری و پشتیوانی له شۆڕشی خه‌ڵکی ئێران وله نێو لایه‌ن و کۆمه‌ڵه‌کان وه له ناو جه‌ماوه‌ر له ناوه‌وه‌ی عێراق و ناوچه‌که‌و جیهان؛
3_ کۆکردنه‌وه‌ی ریزه‌کانی جه‌ماوه‌ری عێراق و دونیای عه‌ره‌ب بۆ به‌رێخستنی خه‌بات له دژی جمهوری ئیسلامی ئێران له رێگای ریسوا کردنی تاوانکاریه‌کانی له سه‌ر ئاستی جیهانی وه فشار دانان له سه‌ر رێکخراوه‌کان و حیزبه‌کان و کۆمه‌ڵه‌کان و حکومه‌ته‌کان بۆ ئه‌وه‌ی په‌یوه‌ندی دیپلۆماسی و سیاسی بپچڕن له‌گه‌ڵ جمهوری ئیسلامی و له کۆنگره‌و کۆبونه‌وکانیان ده‌ریان بکه‌ن و مینبه‌ری قسه‌کردنیان پێ نه‌ده‌ن ، ئه‌و هێزو لایه‌نانه‌ش ریسوا ده‌کا که پێشوازی لێ ده‌که‌ن و بواری پێ ده‌ده‌ن، ته‌رویچ ده‌دات و داوای دادگایی کردنی سه‌رانی جمهوری ئیسلامی به تۆمه‌تی ئه‌نجام دانی تاوان له دژی ئینسانیه‌ت به‌رز ده‌کاته‌وه.
پلینۆمی پێنجه‌می حیزب
24 و25 ته‌موزی 2010