هه‌ڵوێستی حزب سه‌باره‌ت به گاڵته‌جاڕی " هه‌ڵبژاردنی په‌رله‌مانی" له عێراقدا
ئه‌و پرۆسه سیاسیه‌ی که ده‌سه‌ڵاتی میلیشیا ئیسلامی یه قه‌و‌میه کان ناویان لێناوه "هه‌ڵبژاردن" هیچ شتێک نیه جگه له گاڵته‌جاریه‌کی تر که ئه‌و هێزانه ده‌یانه‌وێ به هۆیه‌وه شه‌رعیه‌ت بۆ نوێنه‌ره‌کانیان وه‌ک نوێنه‌ری هه‌ڵبژێردراو به ده‌ست بهێنن له ڕێگای پرۆسه‌یه‌کی ته‌زویرکراوه‌وه مۆری دیموکراتی لێبده‌ن به‌ڵام به ناوه‌ڕۆکی ڕاسته‌قینه‌ی میلیشیایی و جه‌رده‌یی یه‌‌وه.
ئه‌و هه‌یئه‌ته‌ی که له‌لایه‌ن ئه‌مه‌ریکاوه دانراوه له عێراقدا ده‌وڵه‌تێکه پێکهاتووه له کۆمه‌ڵێک میلیشیای ئیسلامی قه‌ومی که بۆ یه‌کتر چاڵ هه‌ڵده‌که‌نن به‌ته‌واوه‌تی بێتوانایه بۆ گێڕانی ئه‌و ده‌وره. له میانه‌ی فاشل بوونی ته‌واوی ئه‌م ده‌سه‌ڵاته له فه‌راهه‌م کردنی سه‌ره‌تایی ترین بنه‌مای پێویستیه‌کانی کۆمه‌ڵگه‌یه‌کی نۆرماڵ و موته‌عارف وه‌ک دڵنه‌وایی، ئاسایش ، خزمه‌تگوزاری و ژیانێکی نۆرماڵ، سه‌ره‌ڕای تێپه‌ڕ‌بوونی زیاتر له شه‌ش ساڵ به سه‌ر داگیرکردنی عێراق له‌لایه‌ن ئه‌مه‌ریکاوه. کۆمه‌ڵگه هێشتا له ته‌قینه‌وه‌یه‌کی گه‌وره‌وه رزگاری نه‌بووه ئه‌که‌وێته ناو ته‌قینه‌وه‌یه‌کی ترسناکتره‌وه. هێرشی 19 ئاب بۆ سه‌ر ڕه‌مزه زۆر گرنگ و قه‌ڵاڕێژکراوه‌کانی ده‌وڵه‌ته‌وه و کاولکردنی به‌ته‌واوه‌تی و کوشتنی سه‌دان هاوڵاتی وبریندارکردنی زیاتر له هه‌زار که‌س له چوارچێوه‌ی توندترین ئیجرائاتی ئه‌منی ، نیشانه‌ی ئه‌و گشته بێتوانایه و بوونی فه‌زایه‌کی سه‌راسه‌ریه که ئه‌و میلیشیا ده‌سه‌ڵادارانه تێوه‌ی گلاون و ئه‌و کاره‌ساته‌ی که کۆمه‌ڵگه تێیدا ژیان به‌سه‌رده‌بات ، ئه‌وه وه‌بیر دێنێته‌وه که عێراق ده‌وڵه‌تێکی داگیرکراوه و میلیشیا تێرۆرستیه ئیسلامی و قه‌ومیه‌کان که‌وتونه‌ته وێزه‌ی، ئه‌وه‌ی پێی ده‌وترێت ده‌وڵه‌ت بێتوانایه ته‌نا‌نه‌ت له له پاراستنی خوێداو له ناو مۆڵگه‌کانیاندا و له ناوچه‌ی سه‌وزدا. تا ئێستا نه‌بوونی ئاسایش و دڵنه‌وایی و ترس و دڵه‌ڕاوکێ له ئاینده‌و هه‌ر وه‌ک خۆی یه‌که‌م ئاره‌زوو و دواین ئاره‌زووی ملێون ملێون هاوڵاتی عێراق پێک ده‌هێنێ. ته‌قینه‌وه گه‌و‌ره‌کان و کوشت و کوشتار و له‌سێداره‌دانی به‌کۆمه‌ڵ و زیندانی کردن و ئاخاندنیان له زیندانه‌کان و ته‌سفیه‌کردنی نه‌یاره‌کان و هه‌ڵکوتانه سه‌ر ماڵان و ته‌قینه‌وه‌ی ئۆتۆمبیل و کۆچپێکردنی هاوڵاتیان و زیاده‌ڕه‌وی بۆ سه‌ر مافه‌کانی ژنان و به‌رده‌وام بوونی کوشتنی ژنان تا ئه‌م چرکه ساته، به‌دان پیانانی ده‌وڵه‌تانی جیهان و رێکخراوه جیهانیه‌کان. تا ئێستا عێراق به خه‌ته‌ر ناکترین ده‌وڵه‌تی گۆی زه‌وی ده‌ژمێررێت.
گاڵته‌جاری ناوبراو که پێی ده‌ڵێن هه‌ڵبژاردنی ته‌شریعی له عێراق هیچ په‌یوه‌ندیه‌کی به هه‌ڵبژاردنه‌وه نیه وه‌ک ئه‌وه‌ی له وڵاتانی تری جیهان به‌ڕێوه ده‌برێ؛ که لانی که‌می بارودۆخی نۆرماڵ و ستاندارده بنچینه‌یه‌‌کانی تێدایه له به‌شداری جه‌ماوه‌ر له دیاری کردنی شێوه‌ی حکومه‌ت و بوونی کۆمه‌ڵگه‌ی مه‌ده‌نی و حکومه‌تێکی هه‌ڵبژێراو. پرۆسه‌که له عێراقدا به‌ته‌واوه‌تی له‌لایه‌ن هێزه میلیشیا پڕ چه‌که‌کانه‌وه و له‌سه‌راسه‌ری جه‌ماوه‌ره‌وه و له‌پشتی ئه‌وانه‌وه به گرێ به‌ست له‌نێوان ئه‌م میلیشانه‌وه وه له‌گه‌ل ڕابه‌رانی جمهوری ئیسلامی و جه‌نه‌ڕاڵه‌کانی سوپای ئه‌مه‌ریکی داگیرکه‌ره‌وه به‌ڕێوه ده‌برێت. کۆمه‌ڵگه به‌گشتی له ژێر کۆنترۆڵی ئه‌م میلیشیانادایه؛ له به‌سره و باشوری عێراق و به‌غدا میلیشیای دعوه(سوپا) ، هێزه‌کانی به‌در- شورای باڵا، میلیشیای سوپای مه‌هدی_سه‌در، فه‌یله‌قی قودسی ئێرانی که پشتیوانی ده‌کرێت له‌لایه‌ن جمهوری ئیسلامی ئێران و ده‌سته‌و تاقمه ئینسان کوژه‌کانی، له دیاله‌و و به‌غدا و ئه‌نبار و موسڵ میلیشیاته‌کانی سه‌حوه ته‌راتێن ده‌که‌ن و بانده‌کانی قاعده و کۆڕۆکۆمه‌ڵه‌کانی به‌عس و سوپای مه‌حه‌مه‌د سه‌ر به حارث ضاری که ده‌ستی گرتووه به سه‌ر ناوچه‌کاندا له ڕیگای خاوه سه‌ندن و سه‌رۆکه‌وابه‌سته‌کان به سوپای ئه‌مه‌ریکاوه، له کوردستان میلیشیای پێشمه‌رگه پڕچه‌که‌کانی حزبه قه‌ومیه‌کان به‌ته‌واوه‌تی ده‌ستیان گرتووه به‌سه‌ر کوردستاندا که ناوبه‌ناو ده‌که‌ونه ململانێه‌کی میلیشیاتی له‌گه‌ڵ سوپای مالکیدا. له ئه‌وزاعێکی وه‌ها پر مه‌ئه‌ساتدا که ژیانی کۆمه‌ڵگه هه‌موو ساتێک له‌به‌رده‌م هه‌ڵگیرسانی شه‌ر و پێکدادان و ته‌قینه‌وه‌دا ڕاده‌گرێ، ئه‌وه‌ی پێی ده‌وترێت هه‌ڵبژاردنی ته‌شریعی جگه له گاڵته‌جاڕی و پێکه‌نین به جه‌ماوه‌ر هیچی تر نابێ . له‌واقعدا ئه‌مه مانای ڕاکێشانی ده‌ستی خه‌ڵکه بۆ ئه‌وه‌ی هه‌مان ڕابه‌رانی میلیشیاکان، جارێکی تر، بۆ"په‌رله‌مان" بۆ به‌رهه‌مهێنانه‌وه‌ی هه‌مان کاره‌سات: نه‌بوونی ئاسایش، نه‌بوونی خزمه‌تگوزاری ته‌ندروستی، نه‌بوونی خۆشگوزه‌رانی، به‌رده‌وام بوونی کێشمه‌کێشه دڕندانه‌کانی نێوان هێزه دینی و تایفی و قه‌ومی ئه‌ثه‌نیه‌کان له کۆمه‌ڵگه‌دا، جه‌رده‌یی، تاڵانکردنی سه‌روه‌ت و سامانی وڵات، به‌رتیلدان، مه‌حسوبیه‌ت، به‌قاچاغ دزینی مومته‌له‌کات، دابه‌شکردنی کورسیه‌کانی وه‌زاره‌ته‌کان له نێوان خزم و ده‌ست و پێوه‌نده‌کانیاندا، ..هتد.هه‌ر هه‌وڵێک بۆ پێشاندانی وێنه‌یه‌کی تر له‌سه‌ر ئه‌م واقعه تاڵه که جه‌ماوه‌ری عێراقی تێدا ده‌ژی خۆێ هه‌ڵخه‌ڵه‌تاندنی حه‌قیرانه‌ی جه‌ماوه‌ره و ئامانجی جێبه‌جێ کردنی به‌رژه‌وه‌ندیه‌کانی میلیشیا چه‌کداره‌کانه و درێژه پێدانی کاره‌ساته له عێراق له‌سه‌ر حسابی ژیان و ئاسایش و ڕیفاهی جه‌ماوه‌ر و دواڕۆژیاندا.
جێگای پێکه‌نینه هه‌ندێک پێیان وایه نه‌زاهه‌ت ستانداردی به‌شداریکردن یان نه‌کردنه له‌م گاڵته‌جاریه‌دا. ئه‌وه‌ی نه‌زاهه‌ت به ستاندارد و خاڵی بڕیارده‌ر بزانی له‌م پرۆسیه‌دا وه‌ک ئه‌وه وایه داوای نه‌زاهه‌ت له عه‌مار حه‌کیم و موقته‌دا سه‌در و حارث الضاری و شێخ خالد عه‌تیه و له مه‌لا جه‌لاله‌دین سه‌غیر و ئه‌یاد عه‌لاوی و موتڵه‌گ و ئه‌حمه‌د چه‌له‌بی و ئه‌وانی تر له سه‌رۆکی بانده‌کانی تیرۆر کردن و تۆپبارانی گه‌ڕه‌ک و دێهات و مه‌لاکانی مزگه‌وته‌کان ئه‌وانه‌ی خاوه‌ن فه‌تواکانی کوشتنی ژنان و تیرۆر کردنی نه‌یاره‌کان به ته‌قاندنه‌وه و بڕینی بانق و ده‌زگاکانی ده‌وڵه‌ت بکات. ئه‌م گاڵته‌جاڕیه - کاره‌ساتێکه له‌سه‌ر ڕووی زه‌وی به هیچ جۆرێک نه‌زاهه‌ت لێی نزیک نابێته‌وه، تا کاتێک ده‌ستی ڕێکخه‌ره‌کانی سووره به خوێنی هه‌زاران منداڵ و قوربانیانی هێرشی ئه‌مه‌ریکاو قه‌سابخانه‌کانی تایه‌فی و قه‌ومی ئه‌و میلیشیایانه له هه‌موو ناوچه‌کانی عێراق دا. له‌جیاتی ئه‌وه‌ی جارێکی تر له‌سه‌ر کورسی " ئه‌نجومه‌نی نوێنه‌ران" دابنرێنرێنه‌وه له پرۆسه‌یه‌کی سه‌ر له‌نوێ لێسه‌ندنه‌وه‌ی ئیراده‌ی جه‌ماوه‌ری عێراقدا، پێویسته ڕابکێشرێنه دادگا و وه‌ک تاوانبارانی جه‌نگ و تاوانبار به کۆمه‌ڵ کوژی به به‌هاوبه‌شی له‌گه‌ڵ ڕابه‌رانی ئه‌مه‌ریکای داگیرکه‌ردا له‌م تاوانانه‌دا.
حزبمان هه‌وڵدات بۆ په‌رده‌هه‌ڵماڵین له‌سه‌ر ئه‌م گاڵته پێکردنه به ژیان و ئاسایش و ڕفاه و ئازادی و یه‌کسانی ده‌کرێت و ئاگاداری ده‌دات له سه‌ر هه‌ڵخڵیسکان به دوای بانگه‌وازی ئه‌و هێزانه‌ی که ده‌یانه‌وی له‌سه‌ری به‌ده‌ست هێنانی ده‌نگی جه‌ماوه‌ره‌وه بارودۆخی کاره‌سات باری عێراق درێژه پێبده‌ن و قووڵتری بکه‌نه‌وه. پراکتیزه‌کردنی ئه‌م گاڵته جاریه پشتگوێ خستنی جه‌ماوه‌ر قووڵتر ده‌کاته‌وه‌و له به‌شدارکردنی له دیاری کردنی چارنووسیدا و بۆ ماوه‌یه‌کی تر ڕاپه‌ڕین و شکاندنی زنجیره‌کانی دواده‌خات وده‌ستی به‌سه‌ردا ده‌گیرێت له‌لایه‌ن هێزه دانراوه‌کانه‌وه.ڕزگاری خه‌ڵکی عێراق به‌هیچ جۆرێک له میانه‌ی ئه‌م پرۆسه شکڵیه‌و ته‌زویر کراوه‌وه به‌ده‌ست نایه‌ت به‌ڵکو له ڕێگای کۆتایی هێنان به‌‌م بارودۆخه کاره‌سات باره‌وه که به‌هۆی داگیر کاری ئه‌مه‌ریکاوه له‌لایه‌که‌وه و هێزه میلیشیا چه‌کداره‌کان له‌لایه‌کی تره‌وه ، که سه‌رنجامه‌که‌ی داڕوخانی باردۆخی ئاسایشی لێکه‌وته‌وه، و کارێک بکرێت کۆمه‌ڵگه بخرێته سه‌ر ڕێچکه‌ی بارودۆخی نۆرماڵ تا جه‌ماوه‌ر بتوانێت ئازادانه و له بارودۆخێکی نۆرماڵ و ئاسایش و دڵنیادا دڵخوازی سیاسی خۆی هه‌ڵبژێری جێبه‌جێ بکات و شکڵی حکومه‌ت دیاری بکات.
حزبی ئێمه بانگه‌وازی به‌شداری نه‌کردن له گاڵته‌جاڕی هه‌ڵبژاردنی ته‌شریعی ده‌سه‌ڵاتدارانی میلیشیا ئیسلامی قه‌ومیه‌کان ده‌کات و ریسوای ئه‌و پرۆسه‌یه ده‌کات که ته‌زویر کردنێکی ئاشکرای ئیراده‌ی جه‌ماوه‌ری تینووی ئازادی و یه‌کسانی و ئاسایشه له عێراقدا .
حزبی کۆمۆنیستی کرێکاری چه‌پی عێراق
21-9-2009