دوای حه‌وت مانگ له کێشمه‌کێش- بۆ دووه‌م جار مالکی له جێگای خۆی دا‌ده‌نرێته‌وه
بێچاره‌ییه‌کی بێهوده و حکومه‌تێکی قه‌یاراناوی
دوای ڕێکه‌وتنی لایه‌نه ئیسلامی وتایه‌فی وقه‌ومی و دینیه‌کان له‌سه‌ر پلاتفۆرمێک که ناسیۆنالسته کورده‌کان وه‌ک ڕێگا چاره‌یه‌ک که هه‌موو لایه‌نه دینی و قه‌ومیه‌کان بێبه‌ش نه‌کات له به‌ش وده‌سکه‌وت له ده‌سه‌ڵات وبرسی کردنی جه‌ماوه‌ر، حکومه‌ی پێکهات، به‌ڵام به گه‌ڕانه‌وه‌ی هێزه‌کانی ئیسلامی سیاسی شیعه بۆ ده‌سه‌ڵات که خۆی له حزبی ده‌عوه و سه‌رۆکه‌که‌ی نوری مالیکیدا به‌رجه‌سته‌ده‌کاته‌وه وئه‌و گفتووگۆیانه‌ی که پاشه‌کشه‌ی ناسێونالزمی عه‌ره‌ب، به پشتیوانی ئیسلامی سیاسی سنی ناوچه‌که که خۆیان له لیستی عێراقیه‌دا ده‌بینێته‌وه، له خواستی سه‌ره‌ک وه‌زیران لێکه‌وه‌ته‌وه، له‌به‌رامبه‌ر دانی چه‌ند مه‌وقعێکی شه‌کڵی و چه‌ند وه‌زاره‌تێکی که به سیادی ناوزه‌د ده‌کرێت.
گێڕانه‌وه‌ی نوری مالکی و ڕه‌وه‌ندی سیاسی دینی تایه‌فی که نوێنه‌رایه‌تی ده‌کات بۆ سه‌ر سه‌کۆی ده‌سه‌ڵات له‌لایه‌ن بۆرژوازیه‌وه ئیفلاسکردنی ئه‌ڵته‌رناتیڤ و بنبه‌ستی ئاسۆی ئه‌م چینه کۆنه‌په‌رسته پێشان ده‌دات. دوای حه‌وت مانگ له گفتوگۆ وڕاکێش ڕاکێش و کێشمه‌کێش وهاوپه‌یمانی و سه‌رله‌نوێ هاوپه‌یمانێتی و قوڵ بوونه‌وه‌ی تیرۆر وناجێگیری و ده‌ستێوه‌ردانی ئێران وتورکیه‌و سوریه‌و سعودیه وئه‌مه‌ریکا، گه‌ڕانه‌وه بۆ هه‌مان هێزی ئیسلامی بۆ پاڵێوراوی جمهوری ئیسلامی که نوری مالیکیه، جارێکی تر ده‌رده‌که‌وێت "هه‌ڵبژاردنی" بلۆکی ئیسلامی سیاسی شیعه جارێکی تر نوقم بوونێکی تازه‌یه له گۆماوی خوێن و کوشت وکوشتارو تیرۆر و چه‌وسانه‌وه ئه‌وانه‌ی هه‌زاران جار ویستیان دایپۆشن به دیموکراتیه‌ت و پلورالیزم و مافه‌کانی مرۆڤ.
ئه‌و هاوپه‌یمانیه‌ی له نێوان هه‌رسێ هێزه سه‌رکیه‌که، ناسێونالیزمی کورد و ناسێنالیزمی عه‌ره‌ب وئیسلامی سیاسی و به پاڵپشتی ئه‌مه‌ریکاو ئێران، بۆ جارێکی تریش ئه‌وه پیشان ده‌دات که پێناسه‌ی دینی و تایه‌فی وقه‌ومیان داسه‌پانده‌وه به‌سه‌ر جه‌ماوه‌ری عێراقدا، حکومه‌تیان له " سێ پێکهاته سه‌ره‌کیه‌که" پێکهێنا بۆ به‌ش به‌شکردن و ده‌ورگێڕانیان و به پێێ هاوهێزی نێوانیان. هه‌موو داتاکان ئه‌وه پێشان ده‌ده‌ن که بارودۆخه‌که زۆر له‌رزۆکه و له‌وانه چۆنایه‌تی ڕێکه‌وتنێکه له نێوان ئه‌و هێزانه‌دا که بوار ده‌دات به فه‌له‌ج کردنی حکومه‌ت هه‌رکاتی یه‌کێک له‌لایه‌کان هه‌ستی کرد برژه‌وه‌ندیه‌کانی دابێن ناکرێت. ئه‌و ڕێکه‌وتنه دوباره‌کردنه‌وی خولقاندنی فه‌زای ناجێگیری و ئه‌گه‌ری ته‌قینه‌وه‌یه له هه‌ر چرکه‌یه‌کدا. له‌یه‌ک ووشه‌دا، ئه‌وان حکومه‌تێکی قه‌یاراناویان دامه‌زراندوه.
جه‌ماوه‌ری عێراق تا ئیستا به توندی ده‌ناڵێنێ به‌ده‌ست داته‌پینی بارودۆخی ئاسایش و په‌ڕه‌سه‌ندنی بێکاری و داڕوخاوی له هه‌مووبواره‌کاندا. حکومه‌تی ناکام ماوه‌ی مالکی که به کۆمه‌کی هێزه‌کانی ئه‌مه‌ریکا هه‌وڵیدا هه‌موو ئه‌و دۆسێ کۆنانه‌ی که له قوڕاودا نوقم بوون، چاره‌سه‌ر بکات، ئیستا به ته‌ئکیده‌وه، دوای کشانه‌وه‌ی ئه‌مه‌ریکا، نه‌ک ناتوانی هیچیان چاره‌سه‌ربکات به‌ڵکو به‌پێچه‌وانه‌وه جه‌ماوه‌ر به قینه‌وه به ناڕه‌زایه‌تی ڕووبه‌ڕوی ده‌بێته‌وه، کاتێ مالکی پیاوه‌کانی ده‌نێرێ بۆ سه‌رکوتی کرێکاران و زه‌حمه‌تکێشان و قوڵکردنه‌وه‌ی بێبه‌شی کۆمه‌ڵایه‌تی. بۆ به‌رده‌وام بوونیان و جیگیرکردنی ده‌سه‌ڵاتی له‌رزۆکیان، ئه‌وان سیاسه‌تی سه‌رکوت توند ده‌که‌نه‌وه له دژی چینی کرێکارو ڕێکخراوه‌کانی و دژی جه‌ماوه‌ری ناڕازی که پێش هه‌ڵبژاردن ده‌ستیان پێکردبوو، وا پێده‌چی جه‌ماوه‌ر ڕووبه‌ڕوی هه‌ڵمه‌تێکی دڕندانه ببێته‌وه دوی ته‌شکیل کردنی حکومه‌ت.
حزبی ئێمه ئه‌وه ته‌ئکید ده‌کاته‌وه جارێکی تر دانانه‌وه‌ی بۆرژوازی ئه‌م لایه‌ن یان ئه‌و لایه‌ن هێچ جیکه‌وته‌یه‌کی پۆزه‌تیفی نابێت که باس بکرێت.هه‌ر چۆن پێشتر ڕوونمان کربووه‌وه بارودۆخی قه‌یاراناوی به‌و هێزانه‌ی که سه‌رچاوه‌ی داڕوخان و قه‌یران و کێشه‌کان وتیرۆرزمن چاره‌سه‌ر ناکرێت، به پێچه‌وانه‌وه، به ولانانی ئه‌و هێزانه و لابردنیان بوار بۆ جه‌ماوه‌ر خۆش ده‌بێت که ئیراده‌ی سیاسی جێبه‌جێ بکات. ئه‌مه‌ش په‌یوه‌سته به وه‌خۆکه‌وتنی جه‌ماوه‌ر بۆ ده‌ورگێڕان دوور له به‌ره‌ی کۆنه‌په‌رستی و ڕاستڕه‌وی و دین و تایه‌فه‌گه‌ری و به‌ند وبه‌سته ناوجه‌یی ونێوده‌وڵه‌تیه‌کان. ئه‌وانه هیچ په‌ژاره‌یه‌کیان نیه بێجگه له تاڵان و بڕۆ و دزین و سه‌همه‌کانیان و وه‌ده‌ست هێنانی پۆست و دابه‌شکردنی عێراق بۆ کوانوکانی دینی و تایه‌فی و قه‌ومی و خێڵه‌کی له نێوان هێزه به‌ربه‌ریه‌کانی پشت به‌ستوو به ئسلامی سیاسی وئه‌مه‌ریکا، ئیتر مالکی بچێته سه‌ر حوکم یان عه‌لاوی یان هاشمی ێان تاڵه‌بانی هێچ فه‌رقێ ناکات.
ئێمه بانگه‌وازی جه‌ماوه‌ر ده‌که‌ین بۆ به‌هێز کردنی به‌ره‌ی خۆی، به‌ره‌ی چه‌پ و کرێکار وزه‌حمه‌تکێش و سۆشیالست و ژنانی ئازادیخواز و هێزه‌کانی سکیولاریزم له دژی ئه‌م هێزانه وه‌ک یه‌ک ڕیزی و کۆتایی هێنان به چاوه‌ڕوانی ئه‌ڵته‌رناتیڤه‌کانی هێزه دڕنده‌کان، و گرد وکۆبوونه‌وه به ده‌وری ئه‌ڵته‌رناتیڤی ئینسانی وموته‌مه‌دینی چینی کرێکار و به‌ده‌وری هه‌ڵگری ئاڵای سۆشیالیزم له عێراقدا- حزبی کۆمۆنیستی کرێکاری چه‌پی عێراق.
حزبی کۆمۆنیستی کرێکاری چه‌پی عێراق
20-11-2010