سه‌رچاوه‌كه‌ی نه‌خۆشخانه‌ی سلێمانی وتی له‌ رووداوه‌كانی پاشنیوه‌رۆی ئه‌مرۆ یه‌كشه‌ممه‌ 20/2، نزیكه‌ 48 كه‌س بریندار بووه‌ كه‌ یه‌كێك له‌وانه‌ "سوركێو زاهید" بووه‌ كه‌ دوو فیشكه‌ به‌ر سكی كه‌وتووه‌‌و به‌هۆی سه‌ختی برینه‌كه‌یه‌وه‌ كاتژمێر 10:30 خوله‌كه‌ی ئه‌مشه‌و گیانی له‌ده‌ستدا.

له‌لایه‌كی تره‌وه‌ سه‌رچاوه‌یه‌كی نزیك له‌ بنه‌ماڵه‌ی "سوركێو زاهید وتي:(سوركێو) له‌دایكبووی 1984‌و قوتابی پۆلی 4ی ئاماده‌یی سلێمانی بووه‌، دانیشتوی گه‌ڕه‌كی خه‌باته‌‌و ئێواره‌ی ئه‌مرۆ كاتی گه‌ڕانه‌وه‌ی له‌ قوتابخانه‌ به‌ره‌و ماڵه‌وه‌ له‌ شه‌قامی نێوان ئۆتیڵ سلێمانی پاڵاس‌و بازاڕی دۆلاره‌كه‌ تێكه‌ڵ به‌ خۆپیشانده‌ران ده‌بێت‌و له‌و رووداوه‌دا دوو فیشكه‌ی گه‌وره‌ (بی كه‌یسی یان دۆشكه‌) به‌رسكی كه‌وتووه‌‌و ئه‌مشه‌و به‌هۆی سه‌ختی برینه‌كه‌یه‌وه‌ گیانی له‌ده‌ستدا".